(दूर आहे डेडलाईन अजूनि)

मिपावर एक से एक विडंबने वाचून काही महिन्यांपूर्वी लिहिलेले एक विडंबन इथे पोस्ट करावे असे वाटले :) ----------------------- ('तरूण आहे रात्र अजूनि' हे गाणं एक सॉफ्टवेअर प्रोग्रॅमरच्या नजरेतूनि ...) दूर आहे डेडलाईन अजूनि, साहेबा पेटलास का रे.... एवढ्यातच मानगुटीवर, तू असा बसलास का रे.... अजूनही सुकल्या न कागदी, रिक्वायरमेंटच्या ओळी अजून मी लिहले कुठे रे, हाय तू रूसलास का रे .... सांग या शेजारच्या चटक चांदणीला काय सांगू तिला पहाया जमती सारे, आणि तू बसलास का रे .... बघ तुला मिळतोच आहे, पश्चिमेचा मार गोरा रूपया नि डॉलरमधला फरक तू लुटलास का रे .... उसळती पीसीवर ह्या, क्रिकेटच्या स्कोअर लाटा तू भुतासारखा पण एकटा डोकावलास का रे .... डोळे अजूनि बंद का रे, श्वास ही मग मंद का रे बोल रिक्रुटरच्या थापेवर, तू असा फसलास का रे ... ------------------------------------------ (टीपः 'डोळे अजूनि बंद...' ही ओळ मूळ गाण्यातली आहे) ------------------------------------------ www.atakmatak.blogspot.com