ही पाकृ मला आपल्या मिपावरची मैत्रीण स्मिता हिने सांगितलेली आहे :) झटपट आणी एकदम चविष्ट अशी ही पाकृ आहे :) भरीताला पाहून नेहमी नाक मुरडणारे मी आणी माझा नवरा आवडीने हे खाऊ लागलो :) स्मिताचे मनापासून आभार :) साहित्यः मोठे भरीताचं वांगं २-३ हिरव्या मिरच्या (आवडीप्रमाणे कमी-जास्त) २-३ लसूण (लसूण आणी हिरव्या मिरच्या कोरड्याच तव्यावर भाजून घ्यायच्या) मुठभर कोथंबीर मुठभर कांद्याची पात चिरून १ टीस्पून ओवा मीठ चवीनुसार पाकृ: प्रथम वांग्याला सुरीने चिरा पाडून , जरासा तेलाचा हात लावून गॅसवर खरपूस भाजून घ्यावे. वांग्याची सालं काढून घ्यावी. त्याचा गर व्यवस्थित मॅश करुन घ्यावा. खल-बत्त्यात कोथींबीर, कांद्याची पात, लसूण व हिरव्या मिरच्या एकत्र ठेचून घ्यावे. हा ठेचा वांग्याच्या गरात घालून एकजीव करावा. कढईत जरा जास्त तेल तापवून ओव्याची फोडणी करावी. भरीत त्यात घालून व्यवस्थित एकत्र करावे. चवीनुसार मीठ घालावे व २ मिनीटे शिजवून गॅस बंद करावा. टिपिकल जळगावकडचं भरीत -पुरी तयार आहे :) नोटः मुळ खानदेशी पाकृत दाण्याचा कुट किंवा अख्खे शेंगदाणे घालत नाही , आवडत असल्यास घालावे . तसे ही भरीत छान लागतं :)