Skip to main content

पुन्हा बालभारतीच्या शाळेत शिकायचं आहे?

लेखक सागर यांनी बुधवार, 29/02/2012 या दिवशी प्रकाशित केले.
नमस्कार मित्रांनो, तुम्हाला बालभारतीच्या कविता आठवतात? खूप नॉस्टेल्जिक व्हायला होते ना? तुम्हाला परत शाळेत शिकायचे आहे? अगदी तोच अभ्यासक्रम नसेल पण सध्याचा अभ्यासक्रम वाचूनही तुम्ही शाळेत शिकल्याचा अनुभव घेऊच शकाल. तर आपल्या आवडत्या बालभारतीने पहिली ते आठवीपर्यंतची सर्व पुस्तके पीडीएफ स्वरुपात आणि तेही सर्व माध्यमांतील (मराठी, इंग्रजी, उर्दू, गुजराती, इत्यादी) उपलब्ध करुन दिलेली आहेत. आहे की नाही मज्जा? :) येथे टिचकवा आणि हवी ती शाळेतील पुस्तके उतरवून घ्या मी सध्या आठवीचे बालभारती वाचतो आहे ;) तुम्ही??? बालभारती
वाचने 18013
प्रतिक्रिया 46

प्रतिक्रिया

प्रचेतस बुधवार, 29/02/2012
मस्त रे मित्रा. एकदम सहीच लिंक दिलीस. अगदी शाळेत गेल्यासारखं वाटलं. विसरभोळा गोकुळ, चिमणराव, प्रेमाचा गुलकंद, निर्झरास अशी काही गद्य, पद्य आठवली. वाचेन आता सवडीने. मागे तू चांदोबाची पण लिंक दिली होतीस त्याचे वाचन सुरुच असते मधून मधून.

सागर बुधवार, 29/02/2012
नक्की हा खजिना लुटा मित्रांनो :) या पानावर टेक्स्ट बुक लायब्ररी हा पर्याय आहे त्यावर टिचकवा आणि सर्व पीडीएफ फुकट उतरवून घ्या

उदय के'सागर बुधवार, 29/02/2012
खुप खुप खुप खुप धन्यवाद.... माझी मनापासुन इच्छा होती खुप दिवसांपासुन कि हे शालेय पुस्तकं असे जालावर कुठेतरी उपलब्ध असावेत आणि आज हा धागा पाहुन ते स्वप्न पुर्ण झालंय... खुप छान वाटतय ते चित्रं, प्रतिज्ञा, लेखकांची महिती वगैरे वाचुन ... (क्युबिकल मधे न बसता जणु शाळेच्या बेंच वर बसलोय असंच वाटतय) किती सांगु मी सांगु कुणाला आज आनंदी आनंद झाला :D

५० फक्त बुधवार, 29/02/2012
धन्यवाद, यात शंकर पाटलांच्या शिरगणती धड्यातलं गाववाल्याच्या तंगडीवर खापर फेकुन मारणा-या माकडाचं चित्र पहायला मिळेल अशी अपेक्षा आहे.

गवि बुधवार, 29/02/2012
सगळं बदललंय.. माझ्या वेळची पुस्तकं नाहीत.. (बबन घर बघ. कमल नमन कर.) भूगोल पाहिला तर कंटेंट सगळाच बदललेला.. फोटो बिटो आहेत चक्क.. १९८०-८८ दरम्यानची पुस्तकं आता गायब झाली असणार.. :(

गणपा गुरुवार, 01/03/2012
क्काय सांगता क्काय मराठे.. खरच की काय? काही सन्माननिय सदस्यांना परत पहिलीत बसवावे की काय असे वाटुन गेले. ;)

पाषाणभेद गुरुवार, 01/03/2012
>>> १९८०-८८ दरम्यानची पुस्तकं आता गायब झाली असणार.. खरे आहे. सदर धाग्यातली पुस्तके नव्या अभ्यासक्रमाची आहेत पण एकदा जुन्या काळात जाता येते. खुप खुप वर्षांपुर्वी (१० वर्षे तरी) मी नवनीत प्रकाशनाने पुनःप्रकाशित केलेले अगदी जुन्या अभ्यासक्रमाचे मराठीचे पहिली की बिगारीचे पाठ्यपुस्तक विकत घेतले होते. (आता ते माझ्याकडून गहाळ झालेले आहे. ) पण त्या पुस्तकात जुन्या काळातल्या कविता अन धडे होते जसे की:- वाहवा वाहवा चेंडू हा - मिस मेरी भोर अगदी जुने पुस्तक जसे छापले होते त्याच टायपात अन चित्रांत ते पुस्तक प्रकाशित केले होते. अर्थात तो अभ्यासक्रम माझा नव्हता तरी देखील खुप वाचनीय होते हे नक्की. कुणीतरी नवनीत प्रकाशनाशी संपर्क करून त्याचे मुद्रण पुन्हा करायला सांगू शकतात. सागर भौ, छान लिंक, अन वाढदिवसाच्या शुभेच्छा!

Pearl गुरुवार, 01/03/2012
+१ माझ्या वेळची पण नाहीत :-( १) शिरा मिळाला चिव चिव चिव वडा मिळाला चिव चिव चिव २) घाटातली वाट, काय तिचा थाट.. ३) घडयाळबाबा टिक टिक करतात... ४) भुइनळ्याचे झाड फुलांचे भिडे निळ्या आकाशी रे आली उजळीत हासत खेळत नवी नवी दिवाळी रे ५) केळीच्या बागा मामाच्या, पिवळ्या घडांनी वाकायच्या ६) ये रे ये रे पावसा, तुला देतो पैसा.. .. .. पाण्यात पडला बेडूक बेडूक तो ओरडला डराव डूक वगैरे वगैरे.... मला माझं पहिलीचं बालभारती हवं आहे :-( नाहितल मी ललनालं ;-)

पियुशा गुरुवार, 01/03/2012
अम्म..... पर्ल तै ... ललु नतो ....;) ही घे ये रे ये रे पावसा ,तुला देतो पैसा" पैसा झाला खोटा ,पाऊस आला मोठा" ये ग ये ग सरी ,माझे मडके भरी" सर आली धावुन मड्के गेले वाहुन " ;) घाटातली वाट काय तिचा थाट मुरकते गिरकते लवते पाठोपाठ निळी निळी परडी कोणी केली पालथी पानं फुलं सांडली वरती आणि खालती खाली खोल दरी ,वर उन्च कडा भला मोठा नाग जणु फणा काढुण उभा :) बस क्या ? ;)

प्रशांत उदय मनोहर बुधवार, 29/02/2012
तुम्ही काकुवर धागा काढला होता, जो काही क्षणांपूर्वी संचालकांनी उडवलेला दिसतोय. त्यामुळे इथेच प्रतिक्रिया. योग्य पर्यय निवडा : प्रश्न - बालभारतीच्या मुखपृष्ठावरील चित्रावरून नेमका काय बोध होतो? पर्याय - (अ) ताई दोन-तीनदा परीक्षेत आपटल्यामुळे भावासह पुनः तेच पुस्तक वाचते आहे (ब्) ताई भावाचा अभ्यास घेते आहे. (क) ताई अभ्यास करतेय आणि तिच्याकडून मोटिव्हेशन मिळून धाकटा भाऊ अभ्यासाला लागतोय. (ड) भावाला अभ्यास करताना काहीतरी न समजल्यामुळे त्याने ताईचा सल्ला घेतला. (ई) ताईच्या पुस्तकात एक सुरेखसं चित्र आहे आणि ते ती भावाला दाखवते, भाऊ ते चित्र पाहून आनंदित होतो. (फ) इतर (प्लीज एक्स्प्लेन बर्का!)

अन्या दातार बुधवार, 29/02/2012
तुम्ही काकुवर धागा काढला होता, जो काही क्षणांपूर्वी संचालकांनी उडवलेला दिसतोय. त्यामुळे इथेच प्रतिक्रिया.
खाजवणं, खरुज इ. इ. आठवलं सागर, खुप खुप आभार रे. :) Now we can feel the nostalgia.

अत्रुप्त आत्मा बुधवार, 29/02/2012
पहिल्यांदा हा धागा काढल्याबद्दल शतशः धन्यवाद आणी ...हा विषय कितिदातरी मनात येऊन जायचा...अता मला हवी असलेली ही कविता मी पहिल्यांदा शोधणार, ''आवडतो मज अफाट सागर अथांग पाणी निळे,निळ्या जांभळ्या जळात केशर सायंकाळी मिळे'' ही कविता कितविला असतांना होती,वगैरे काहीही अठवत नाहीये...पण मिळेल अता,हे मात्र नक्की...बघू अता या अलीबाबाच्या गुहेत काय काय सापडतं ते... :-)

Pearl गुरुवार, 01/03/2012
http://charudatta-patil.blogspot.com/2011_02_01_archive.html आवडतो मज अफाट सागर अथांग पाणी निळे निळ्याजांभळ्या जळात केशर सायंकाळी मिळे फेसफुलांचे सफ़ेद शिंपित वाटेवरती सडे हजार लाटा नाचत येती गात किनार्‍याकडे मऊ मऊ रेतीत कधी मी खेळ खेळतो किती दंगल दर्यावर करणार्‍या वार्‍याच्या संगती संथ सावळी दिसती केव्हा क्षितिजावर गलबते देश दूरचे बघावयाला जावेसे वाटते तुफान केव्हा भांडत येते सागरही गर्जतो त्या वेळी मी चतुरपणाने दूर जरा राहतो खडकावरुनी कधी पाहतो मावळणारा रवी ढगाढगाला फुटते तेव्हा सोनेरी पालवी प्रकाशदाता जातो जेव्हा जळाखालच्या घरी नकळत माझे हात जुळोनी येती छातीवरी दर्यावरची रंगीत मखमल उचलुन घेते कुणी कृष्ण सावल्या भुरभुर पडती गगनाच्या अंगणी दूर टेकडीवरी पेटती निळे तांबडे दिवे सांगतात ते मजला आता घरी जायला हवे - कुसुमाग्रज

नावातकायआहे बुधवार, 29/02/2012
धन्यवाद मित्रा! वाचनखुण साठवली आहे!

मनीमाउ बुधवार, 29/02/2012
१ लीला असताना 'छान छान गोष्टी' हे पुस्तक होत. त्यात बकासुराची , मीडास राजाची गोष्ट होती..ते पुस्तक नाहीए :-( मी तेच पुस्तक शोधत होते.अगदी कवर सकाट पुस्तक आठवतय मला ते

सागर बुधवार, 29/02/2012
मनीमाऊ, मला वाटते छान छान गोष्टी हे पुस्तक अभ्यासक्रमाच्या बाहेरचे आहे म्हणून तिथे नाहिये. पण हे पुस्तक उपलब्ध असेल तर कोणत्या तरी अक्षरधारा व तत्सम ग्रंथप्रदर्शनात मिळू शकेल. ऑनलाईन खरेदीसाठी बुकगंगावर ही ३ पुस्तके सापडली आहेत. पण त्यातले नेमके हवे असणारे त्यात आहे की नाही ते माहिती नाही. ;)

किसन शिंदे बुधवार, 29/02/2012
प्र.का.टा.आ

यकु बुधवार, 29/02/2012
तीनदा आठवली? दमडीवर भारीच प्रेम रे तुझं. ती बघ शेव खायचं स्वप्न बघत, तिला नारळाचा तुकडा चघळत, सैनिकांच्या संगिनी बघत बसली आहे.. ;-)

मी-सौरभ बुधवार, 29/02/2012
ही कथा आहे का ते बघतो...

अमृत बुधवार, 29/02/2012
म्हणता आहात का तुम्ही? तो धडा १०वीत होता. आनंद यादवांचा बहुदा. अमृत

गणामास्तर बुधवार, 29/02/2012
आनंद यादवांचा नव्हे भास्कर चंदनशिव यांचा होता तो धडा..अजून हि आठवतोय, खूपच सुंदर कथा आहे ती.. कुणाला मिळाला दुवा तर कृपया डकवा इथे.

राजो गुरुवार, 01/03/2012
"अरे व्हायमाल्या!!! उठून आरड की ह्यांद्र्या!!!!!!!!!!!" आठवले.. :) खूप सुंदर कथा आहे.. टॉमेटो चे पीक खूप आल्यामुळे बाजारात काहीच भाव मिळत नसतो.. त्या बाजारात आपला माल खपविण्यासाठी प्रयत्न करणा-या बाप-लेका ची कथा.

शुचि बुधवार, 29/02/2012
"माझा खाऊ मला द्या" गोष्ट आठवते का कुणाला? जिचा मतीतार्थ होता केर (कागदी बोळे वगैरे) केराच्या बादलीत टाका :)

रेवती बुधवार, 29/02/2012
लिंकेबद्दल धन्यवाद. सध्या अ आ इ ई इतपत मराठी येणार्‍या माझ्या मुलाला 'कमल नमन कर' सारखी पुस्तके वाचायची गरज आहेच. बालभारतीच्या पहिल्या यत्तेच्या पुस्तकात मोठ्या टाईपमध्ये साध्या कविता, गोष्टी आहेत असे वरवर पहाता दिसले. मोठी सोय झाली माझी. धन्यवाद.

Pearl गुरुवार, 01/03/2012
नेटवरती फिरताना ही लिन्क सापडली आणि खूप आवडली. http://sureshshirodkar.blogspot.com/ इथे माझ्या वेळच्या खूप खूप कविता मिळाल्या. काही काही कवितांमधल्या ओळी वेगळ्या वाटल्या. पण ओव्हर ऑल खजिना मस्तच आहे.

अत्रुप्त आत्मा गुरुवार, 01/03/2012
@इथे माझ्या वेळच्या खूप खूप कविता मिळाल्या. काही काही कवितांमधल्या ओळी वेगळ्या वाटल्या. पण ओव्हर ऑल खजिना मस्तच आहे. >>> आणी ++++ ११११ आवडतो मज अफाट सागर...बद्दल तर धन्यवादच...पण या लिंकबद्दल अजुन एकदा थँक्यू,कारण इथे-''मी शूर शिपाई आहे..'' ही पण मला अनेक दिवस हवी असलेली कविता मिळाली