Skip to main content

टॅटिंग

लेखक जयवी यांनी मंगळवार, 14/02/2012 12:25 या दिवशी प्रकाशित केले.

टॅटिंग..... माझं अतिशय आवडतं काम. लग्न व्हायच्या आधी बरंच काही केलं होतं........अगदी मान मोडेस्तोवर बैठक........ चक्क ४-४ तास एका जागी बसून. लग्नानंतर इतका वेळच मिळाला नाही. बर्‍याच वर्षांनी पुन्हा शटल हातात घेतलं......... जुनं प्रेम पुन्हा उफाळून वर आलं :)

चित्र उपलब्ध नाही" width="480" height="360" alt="" />

चित्र उपलब्ध नाही" width="480" height="469" alt="" />

चित्र उपलब्ध नाही" width="480" height="360" alt="" />

चित्र उपलब्ध नाही" width="480" height="360" alt="" />

चित्र उपलब्ध नाही" width="480" height="360" alt="" />

चित्र उपलब्ध नाही" width="480" height="360" alt="" />

चित्र उपलब्ध नाही" width="480" height="360" alt="" />

चित्र उपलब्ध नाही" width="480" height="360" alt="" />

लेखनविषय:
लेखनप्रकार
वाचने 10898
प्रतिक्रिया 44

प्रतिक्रिया

अन्नू मंगळवार, 14/02/2012 13:18

छान एकदम भारी! Smileys
तुमच टॅटिंगच काम जाम आवडल! respect Smileys भरपूर मेहनत घेतलेली दिसतेय.

सानिकास्वप्निल मंगळवार, 14/02/2012 14:37

लहानपणी माझ्या बर्‍याच फ्रॉक्सवर आणी माझ्या बाहुल्यांच्या ही फ्रॉक्सवर :P माझी आई अशाच टॅटिंगच्या लेस लावून द्यायची...त्याची आठवण झाली :)
कधी तिच्याकडून शिकून नाही घेतले पण आता मात्र नक्की शिकेन :)
तुम्ही केलेल्या टॅटिंगचे काम खुप आवडले आहे :)

जयवी मंगळवार, 14/02/2012 14:38

गणपा, हो........ खरंच फार पेशन्सचं काम आहे शिवाय खूप वेळही लागतो. पण तयार झाल्यावर जे काही दिसतं ना....... त्यामुळे सगळी मेहेनत सार्थकी लागते :)

प्रीत, अन्नु, जाई, पाषाणा....... शुक्रिया :)

परा...... ह्याला शटलवर्कही म्हणतात. बाकी वीणकामासारखं हे पटापट वाढत नाही ना....... म्हणून हे फारसं लोकप्रिय नाही. भरपूर मेहेनत लागते. दोन गाठी मारुन ह्याची एक गाठ तयार होते. ती अशी गाठ असते की गाठ असूनही दोरा व्यवस्थित हलतो. ही गाठ येणंच महत्वाचं असतं. एकदा ही आली की बाजी जिंकली :)

हे करतांना फार काळजी घ्यावी लागते. म्हणजे सुरु करायच्या आधी हात, बोटं अगदी स्वच्छ धुवावे लागतात. कारण सगळं काम गाठींचं असल्यामुळे ओढतांना ती हाताच्या मळाने काळं होण्याची शक्यता असते. उन्हाळ्यात तर घामामुळे थोड्या थोड्या वेळाने हात धुवावे लागतात. पण मजा येते.

जमलं तर व्हिडियो टाकेन :)

जयवी बुधवार, 15/02/2012 16:24

निवेदिता.... अगं टाकलाय की व्हिडियो :) पुढच्या पोस्टस बघ :)

परिकथेतील राजकुमार बुधवार, 15/02/2012 11:12

अशक्य प्रकार आहे हा. आयुष्यात एक गाठ मारता आली तरी पुष्कळ. :P

येथे पाहिजे जातीचे..

व्हिडोच्या लिंक ऐवजी व्हिडोच इकडे देत आहे.

श्रावण मोडक बुधवार, 15/02/2012 13:17

आयुष्यात एक गाठ मारता आली तरी पुष्कळ.

मारा की. कुणी अडवलंय? ती एक मारलीत तर बाकीच्या या गाठींकडं पाहण्याची वेळ येणार नाही. ;)

विनायक प्रभू सोमवार, 20/02/2012 14:40

आधी तुम्ही मारा वो श्रामो.
तुमच्याकडे बघुन तो पण मारेल.

जयवी मंगळवार, 21/02/2012 09:01

परा, श्रामो....... ह्या टॅटिंगमुळे तुमच्या गाठी जर जुळल्या तर मला धन्य धन्य वाटेल हो...... :)

रेवती मंगळवार, 14/02/2012 18:27

आईग्ग! सुरेख आणि नाजूक.
याची छोटी छोटी फुलं तयार करून साड्यांवर, बाळंतविड्यावरील झबल्यांवर लावली जात असत ते आठवतय.

जयवी मंगळवार, 14/02/2012 21:28

रेवती...... हो....... ह्याची कॉलर पण खूप छान दिसते. शिवाय लेसेस पण एकदम क्लासी दिसतात :)

प्राजु..... :) ह्म्म्म्म्म...... फक्त काही काही बाबतीतच ;)

इन्दुसुता बुधवार, 15/02/2012 00:31

छानच दिसतय.
खरच आताशा एका ठिकाणी बसून काही करायला किंवा सलग वेळ मिळतच नाही त्यामुळे कितीतरी आवडत्या गोष्टींचा सध्या विचारही करत नाही... पुन्हा कधीतरी करायला मिळतिल अशी खरोखरच अजूनही वेडी आशा ठेऊन आहे.
तो पर्यंत तू केलेल्या वस्तू बघणे एन्जॉय करेन.
तेव्हा असेच शेअर करत रहा.... :)

जयवी बुधवार, 15/02/2012 11:57

ह्म्म्म्म....... खरंय तुझं. जेव्हा मनासारखा मोकळा वेळ मिळत नाही...... तेव्हा खूप चुटपूट वाटते ना...!! पण तुझ्या वेड्या आशेला असंच जागं ठेव ;)
नवीन काही केलं तर नक्कीच शेअर करेन.

आनंदी गोपाळ बुधवार, 15/02/2012 02:06

हे आमच्या मातोश्री करीत असत.
shuttle
त्या शटलचा टिक्टिक आवाज अन ते सुंदर पॅटर्न्स ही लहानपणाची आठवण आहे..

सूड बुधवार, 15/02/2012 12:21

सहावी-सातवीला आम्हाला मराठी शिकवणार्‍या वैद्यबाई ऑफ लेक्चरला वर्गात आल्या की हे अअसलं करत बसलेल्या असायच्या . अर्थात गोंधळ वाढला की हाताबरोबर तोंडाचा पट्टा पण चालू व्हायचा. पहिल्या बाकावरच्या चिमण्यांना बाईंच्या कलेचं कौतुक करुन त्यांना इंप्रेस करायचा तेवढाच चान्स मिळायचा.

जयवी बुधवार, 15/02/2012 13:28

:)
सूड....... कसलं नाव घेतलं आहेस रे...... !!
बाकी....... पहिल्या बाकांवर नेहेमी चिमण्याच बसतात. चिमणे सगळे मागे....... दंगा करायला......हो ना....!!

चिगो बुधवार, 15/02/2012 16:55

अगदी दंडवत, लोटांगण घालायला पाहीजे तुमच्यापुढे.. अत्यंत सुंदर दिसतं आहे हे टॅटिंग-काम, आणि रंगही मस्त निवडलाय.. मला तर हे मळल्यावर धुवावं कसं, हाच प्रश्न पडलाय..

उत्कृष्ट कला.. सुंदर.. व्वा!!

जयवी बुधवार, 15/02/2012 21:15

पहिली गोष्ट म्हणजे इतक्या मेहेनतीने केल्यावर ते आपण मळूच देत नाही. म्हणजे........ टेबलवर घातलं की त्यावर प्लास्टिक कव्हर वगैरे घालतो. किंवा काम झालं की लगेच उचलून ठेवतो. इतकंही करुन रोज वापरायचं असेल तरी काहीच बिघडत नाही. साधे कपडे जसे धुतो तसंच धुवायचं काहीही खराब होत नाही. शक्यतोवर साबणाच्या पाण्यातून न पिळता काढायचं.

जयवी बुधवार, 15/02/2012 21:11

चिगो, पैसा..... :) तहे दिल से शुक्रिया !!

ह्म्म...... बारीक आणि चिकाटीचं नक्कीच आहे........पण ते करत असतांना.......असं नाजुक वाढतांना फार छान वाटतं. त्यामुळे उत्साह कमी होत नाही. पण हा.......... एकदा एखादी गाठ चुकली किंवा जोडतांना वगैरे चुकलं की संपलं......... ते सुधारणं म्हणजे महाकठीण काम. सवय झाली की मात्र चुकण्याचं प्रमाण जवळजवळ नसतंच.

sneharani शनिवार, 18/02/2012 15:19

मस्त दिसतय डिझाईन!! खुप बारीक विणणे कष्टाच काम आहे हा अनुभव रुमाल विणण्यातून आला आहे!!
अजुन डिझाईन पहायला आवडतील!!
:)