मिपाची घटना - एक प्रकटनात्मक चौकशी..

मिसळपाव या संकेतस्थळाच्या सर्व सन्माननीय सभासदांना सप्रेम नमस्कार, काही प्रश्न आमच्या मनात आले ते इथे विचारत आहे - १) मिपाच्या वापरासंबंधीची, इथे वावरण्यासंबंधीची, लेखनासंबंधीची, प्रतिसाद देण्यासंबंधीची एखादी स्वतंत्र घटना अस्तित्वात आहे काय? १-अ) असल्यास कोठे वाचावयास मिळेल? वरील प्रश्नांची उत्तरे होकारार्थी असतील तर कृपया खालील प्रश्न गैरलागू समजावे - २) अशी एखादी घटना अस्तित्वात असावी काय? २-अ) सदर घटना समितीमध्ये कोण कोण मंडळी असावीत? अध्यक्षीय स्थान कुणाकडे असावे? २-ब) सदर घटनेमधील ठळक कलमे काय असावीत असे आपल्याला वाटते? जर भविष्यात अशी एखादी मिपा-घटनासमिती स्थापन झाल्यास त्या समिती सभासदांमध्ये खालील सन्माननीय सभासदांची नावे असावीत असे आम्ही सुचवतो - :) १) गणपा २) परिकथेतील राजकुमार ३) पक पक पक ४) चिरोटा ५) पुण्याचे वटवाघूळ ६) मिसळलेला काव्यप्रेमी ७) अतृप्त आत्मा ८) प्रा.डॉ.दिलीप बिरुटे इत्यादी... अध्यक्षीय स्थान बहुधा मिपाचे मालकच भुषवतील असे वाटते परंतु समितीमधील सभासदांची नावे आपणही सुचवावीत! नावे सुचवताना शक्यतो सदर समिती सभासदाविषयी माहितीपूर्ण परंतु सभ्य शब्दात एखाद् दोन ओळी लिहिल्यास ते एक छान मंथन ठरावे! ;) कृपया विषयाला अनुसरून सर्व सभासदांची येथे विस्तृत चर्चा व्हावी अशी अपेक्षा. हा धागा आम्ही केवळ खोडसाळपणाकरता काढला आहे असे कुणा सभासदांना वाटल्यास त्यांच्याही मताचा आदर आहेच! ;) आपलाच, कॉमॅ.