✍ मराठी साहित्य, संस्कृती आणि लेखनाचे व्यासपीठ

सो...हम....सो...हम!!

आपला अभिजित यांनी
 ·  लेख
लेख
लेखनविषय (Tags)
मुक्तक
लेखनप्रकार (Writing Type)
प्रकटन
मिपाकर मित्रमंडळींनो, `आपला अभिजित` नावाने मिपावर वावरणारा त्रस्त समंध गेले काही दिवस, काही महिने कुठे गायब झाला, असा प्रश्न आपणांस पडला असणे साहजिक आहे. अर्थात, हा आपला माझा समज. `तुझ्यावाचून मिपा ओस पडलंय रे बाबा, कधी परततोयंस` अशी आर्त साद मला कुणी खव किंवा टपाल हापिसातून घातलेली नाही. मिपावर एकाहून एक सरस आणि सुरस लेखकु असताना अस्मादिकांची विशेष दखल घ्यावी असे नाही. तरीही अस्मादिक कुठे होते, आणि सध्या काय करतायंत, हे सांगण्याचा हा आगाऊ प्रयत्न. गेले काही दिवस खाजवायला फुरसत नाहीये. मिपावर तर फिरकलो नव्हतोच, पण ब्लाॅगलाही गंज चढलाय. गुंतलोय एका वेगळ्या माध्यमात. टीव्ही सिरियलच्या लिखाणात. एका प्रसिद्ध मालिकेसाठी काही महिने संवादलेखनासाठी साहाय्य करत होतो, आता माझ्या नावे एक स्वतंत्र मालिका प्रसारित होऊ लागली आहे. स्टार प्रवाह वरची `दोन किनारे दोघी आपण.` (संध्याकाळी ७, रात्री १०,३० आणि सकाळी ११.३०.) पटकथालेखिका आहेत अपर्णा पाडगावकर आणि संवाद मी लिहितो. गेले काही महिने, वर्षं अभिजित पेंढारकर नावाच्या माझ्या संगीतकार नावबंधूने माझं जिणं हराम केलंय. लोक किती मूर्ख, नादान आणि अकलेचे खंदक असतात, हे या नावबंधूमुळेच मला कळलं. `तुमचा मुलगा सिरियलमध्ये काम करतो का हो, गुंतता हृदय हे मध्ये नाव येतं, ते तुम्हीच का,` अशा उथळ, बिनबुडाच्या आणि बाष्कळ प्रश्नांनी हैराण झालो होतो. अरे डोळेफुटक्यांनो, तुम्हाला देवानं जी पंचेंद्रियं, ज्ञानेंद्रियं दिल्येत, त्यांच्यावरची धूळ झटकून कधीतरी ती वापरात आणा ना, असं कळवळून सांगावंसं वाटायचं. पार्श्वसंगीत - अभिजीत पेंढारकर, असं ढळढळीत अक्षरात लिहिलेलं तुम्हाला वाचता येत नाही का रे नतद्रष्टांनो, असं विचारायचं तोंडावर यायचं. पण कमावलेल्या सभ्यतेशी प्रामाणिक राहून मी गप्प राहायचो. आता मात्र कुणी विचारलं, की `दोन किनारे दोघी आपण`चा संवादलेखक तूच का रे बाबा, तर मी छाती पुढे काढून सांगू शकतो...हो, तो मात्र मीच!!
11316 वाचन
💬 प्रतिसाद (69)

प्रतिक्रिया

प्यारे१
गुरुवार, 01/12/2012 - 11:59 नवीन
>>>डोळे पाणावले डोळे जातील भा* अशानं. सारखे सारखे (इथे 'चान चान' शब्द सुचले होते पण सगळेच * झाले असते) बरे पाणावतात रे? ग्लिसरीनच्या गोडावूनचा रक्षक आहेस का? :)
↩ प्रतिसाद: स्पा

स्पा
गुरुवार, 01/12/2012 - 12:13 नवीन
भा. सं. नि ताकीद दिल्याने अवांतर टाळत आहे ;)

मराठमोळा
गुरुवार, 01/12/2012 - 12:15 नवीन
आयला, हा धागा पाहिलाच नव्हता. :) अ‍ॅनी पब्लीसिटी इज गुड पब्लीसिटी - या राजकारणी वृत्तीतून हा लेख लिहिला आहे असं वाटलं. ;) >>गेले काही दिवस खाजवायला फुरसत नाहीये. मग गेल्या काही दिवसातलं एकदमच खाजवून घेतलेलं दिसतय. >>लोक किती मूर्ख, नादान आणि अकलेचे खंदक असतात वरील प्रतिसादातून हा गैरसमज दूर झाला असावा. >>आता मात्र कुणी विचारलं, की `दोन किनारे दोघी आपण`चा संवादलेखक तूच का रे बाबा, तर मी छाती पुढे काढून सांगू शकतो...हो, तो मात्र मीच!! हो संगितल्यावर कुणी मारण्याचा किंवा खून करण्याचा प्रयत्न केला का? असो.. टीवी मालिकांमधे काडीचाही रस नसल्याने पुढील लेखनास शुभेच्छा..

सुहास..
गुरुवार, 01/12/2012 - 13:20 नवीन
अभिदा आधी चेपु वर शुभेच्छा दिल्याच आहेत , या लेखावर काय बोलु ? तुझ लिखाण नेहमीच आवडत आले आहे . सिरियल बाबत मात्र अनुत्सुकता असलेली तुला माहीत आहेच :)

आपला अभिजित
गुरुवार, 01/12/2012 - 17:22 नवीन
`मी एका सिरियलचे संवाद लिहितोय रे बाबांनो` (`माझं कुठेतरी दुकान सुरू झालंय` या चालीवर वाचावे.) एवढा साधा संदेश देण्यासाठी हा धागा टाकला होता. त्यावर तब्बल ४९ हाकारे (प्रतिसाद) आलेले पाहून अक्षरशः भडभडून आलं. आत्ता डोळे पुसत ही प्रतिक्रिया देतोय. असो. साधी गोष्ट असली, तरी साधेपणानं का सांगावी, या मूळच्या खवचट कोकणी प्रवृत्तीला जागून थोडंसं शैलीदार (डोंबल!) लिहिण्याचा प्रयत्न केला होता. त्यातून ब-याच जणांच्या भावना दुखावलेल्या दिसतात. बाकी भावनांचा खेळ असलेल्या एखाद्या मालिकेत संधी मिळाल्याची माहिती देतानाच लोकांच्या भावना दुखाव्यात, हा समसमा संयोग!! असो. माझा धागा नीट वाचला असेल, तर हे सहज लक्षात येईल, की मी दुस-यांना दूषणं देण्याआधी स्वतःलाच त्रस्त समंध वगैरे म्हणून घेतलंय. एकदा स्वतःला शिव्या दिल्या, की मग जगाची अक्कल काढायला आपण मोकळे, हा आपला माझा एक (गैर)मसज. तर (तेही) असो. आक्षेप दुस-या कुणी अभिजीत पेंढारकराने संगीत-पार्श्वसंगीत देण्याला, मालिकांच्याच माध्यमात असण्याला नव्हता, तर लोकांच्या बालबुद्धीला होता. `संगीतकार अभिजित पेंढारकर तूच का रे,` असं कुणी विचारलं असतं, तर खुलासे करायला माझी काहीच हरकत नव्हती, नाहीये. पण `पार्श्वसंगीत, संगीत - अभिजीत पेंढारकर` असं ढळढळीत अक्षरांत लिहिलेलं असताना ते न वाचताच तू अमक्या मालिकेसाठी लिहितोस का, तमक्या मालिकेसाठी लिहितोस का, असं विचारणा-या लोकांच्या डोळे झाकून काम करण्याला आक्षेप होता आणि असेल. हे म्हणजे `सोम्या गोम्या कापसे` असं नाव सांगितल्यानंतर `आम्ही लहान असताना आमच्या गावात गोम्या कापसे नावाचा एक बेवडा होता. तू त्याचाच मुलगा का रे,` असं विचारण्यापैकी आहे. अजूनही मी मालिकेसाठी लिहितो, असं म्हटल्यावर अच्छा अच्छा...अरे हो की. (माझा दुरान्वयेही संबंध नसलेल्या आणि कदाचित माझ्या नावबंधूने संगीत दिलेल्या) तमक्या मालिकेत तुझं नाव वाचलंय, असं सांगणारे महाभागही थोडे नाहीत. त्यांच्यापुढे नतमस्तक होण्याशिवाय दुसरा पर्याय राहत नाही...तर हेही असोच. बाकी, मी माजलोय, गर्व चढलाय, मस्ती आलेय, वगैरेसुद्धा काहींनी इथे आडून आडून किंवा थेट सुचवलंय. तर मी हवेत गेलेलो नाही, असं नम्रपणे सांगू इच्छितो रे बाबांनो. बाकी अधिक माहिती ज्यांना हवी असेल, त्यांनी वैयक्तिक संपर्क साधावा, ही (पुन्हा एकदा!) नम्र विनंती!!

योगी९००
गुरुवार, 01/12/2012 - 18:44 नवीन
खुलासा थोडाफार पटला मला... पण मूर्ख, नादान आणि अकलेचे खंदक असल्या शब्दांऐवजी "काही जण केवढे बावळट असतात...(किंवा लोकं वेडेपणा करून असे काहीही विचारतात)...असे लिहिले असते तर कदाचित कोणालाच इतके काही वाटले नसते... बाकी आधीच्या १० प्रतिक्रिया वाचल्या की सर्वसाधारण लोकांचे पण मत साधारण त्या १० प्रतिक्रियांप्रमाणेच होते..हा माझा अनुभव आहे..बर्‍याच जणांना तुमचा लेख वाचून "माजलोय, गर्व चढलाय, मस्ती आलेय," असे वाटले नसेन पण खालच्या प्रतिक्रियावाचून मात्र तसे नक्की वाटेल...(जसे मला वाटले..)
↩ प्रतिसाद: आपला अभिजित

मराठी_माणूस
गुरुवार, 01/12/2012 - 21:19 नवीन
खुलासा पटला नाही. संगीत देणे हे तसेही चांगल्या दर्जाचे काम आहे. तुम्ही दिलेल्या "बेवड्या" च्या उदाहरणा पेक्षा हजार पटीने चांगले.
↩ प्रतिसाद: आपला अभिजित

सुहास..
Fri, 01/13/2012 - 00:46 नवीन
तर लोकांच्या बालबुद्धीला होता. `संगीतकार अभिजित पेंढारकर तूच का रे,` असं कुणी विचारलं असतं, तर खुलासे करायला माझी काहीच हरकत नव्हती, नाहीये. पण `पार्श्वसंगीत, संगीत - अभिजीत पेंढारकर` असं ढळढळीत अक्षरांत लिहिलेलं असताना ते न वाचताच तू अमक्या मालिकेसाठी लिहितोस का, तमक्या मालिकेसाठी लिहितोस का, असं विचारणा-या लोकांच्या डोळे झाकून काम करण्याला आक्षेप होता आणि असेल. >>>> हे लई वेळा पटलं रे अभिदा !! अभिदा च्या, कमी शब्दात, आशय वाचकांपर्यत पोहोचवणार्‍या लेखनाच्या फॅन
↩ प्रतिसाद: आपला अभिजित

सोनल कर्णिक वायकुळ
गुरुवार, 01/12/2012 - 18:03 नवीन
मुळ पोस्ट, प्रतिक्रिया आणि त्यावर खुलासा, सगळच गमतीने वाचतेय. आभिजित, सगळ्यात आधी अभिनन्दन. आणि य निमित्ताने काही आगन्तुक आगाऊ सल्ले. य क्षेत्रात सध्या भरपुर सन्धी आहे. सिरियल्स चा खच पडलाय सगळिकडे. आणि म्हणुनच वेगळेपण हरवण्याची ही शक्यता तितकिच जास्त आहे. त्याच वेळि वेगळेपण सिद्ध करण्या साठी सुद्धा याहुन चान्गलि वेळ नाही. सन्वाद लेखनात उतरण्यापुर्वी तु अभ्यास केल असशिलच. पण राहवत नाही म्हणुन सान्गते. प्रतिमा ़उल्कर्णिन्च्या मालिकन्च अभ्यास केलयस क कधि? हिन्दि मधे रवि राय यन्च्या मालिक पाहिल्यास का? नसशिल तर जरुन बघ. तुझे सन्वद गर्दित हरवु नयेत या साठी शुभेछा. टायपिन्ग च्या चुका समजुन घेशिलच.

तिमा
गुरुवार, 01/12/2012 - 18:37 नवीन
सर्वप्रथम अभिनंदन. त्यानंतर थोडे मिपावरील प्रतिक्रियांबद्दल. मिपावरील बहुतांशी मंडळी बहुश्रुत, जाणकार व स्पष्टवक्ती आहेत. त्यामुळे, तुम्ही हीच बातमी जर वेगळ्या तर्‍हेने, इतरांवर आगपाखड न करता सांगितली असती तर तुमचे सगळ्यांनी कौतुकच केले असते. तसे ते बर्‍याचजणांनी केलेही आहे. पण स्पष्टवक्ते मिपाकर कुणालाही चार शब्द सुनवायला मागेपुढे पहात नाहीत. इथे कुठल्याही प्रकारचा ढोंगीपणा नाही. त्यामुळेच तर इथे यायला सर्वांना आवडते. तुम्ही माझ्यापेक्षा वयाने लहान असाल या समजुतीने हे लिहिले आहे. राग मानू नये. पुढील करियरसाठी तुम्हाला शुभेच्छा.

अन्या दातार
गुरुवार, 01/12/2012 - 19:00 नवीन
पण स्पष्टवक्ते मिपाकर कुणालाही चार शब्द सुनवायला मागेपुढे पहात नाहीत. इथे कुठल्याही प्रकारचा ढोंगीपणा नाही. त्यामुळेच तर इथे यायला सर्वांना
जेब्बात तिमा. जियो.
↩ प्रतिसाद: तिमा

आपला अभिजित
गुरुवार, 01/12/2012 - 19:04 नवीन
मा. माणूसघाणे, तुम्ही माणुसकीच्या भावनेतून दिलेला सल्ला आवडला. बाकी समस्त मिपाकरांनो, अरे गमतीनं लिहिलंय बाबांनो. आणि ते कुठल्याही मिपाकरालाही उद्देशून लिहिलेलं नाहीच आहे. हक्कानं शिव्या देतानाही एक आपुलकीचं नातं असावं लागतं. आपल्यात ते टिकून आहे, टिकून राहील. असो.

विश्वनाथ मेहेंदळे
Mon, 01/16/2012 - 06:15 नवीन
>>थेंबातून गेलेली हौदातून थोडी ना येते. ते सगळे ठीक आहे, पण वरील वाक्य कुठल्या भाषेत लिहिले आहे म्हणायचे ???
↩ प्रतिसाद: धन्या

श्यामल
Fri, 01/13/2012 - 16:14 नवीन
किती सारवासारव करायची ती. थेंबातून गेलेली हौदातून थोडी ना येते. >>> अगदी हेच लिहायला आले होते....... मी मुळ पोस्ट आणि त्यावरील प्रतिक्रिया आणि आताची तुमची सारवासारव वाचली. आणि मलाही असेच वाटले की अभिजित, तुम्हारा थोडा चुक्याच. पण तरीही आताच्या यशाकरीता तुमचे अभिनंदन आणि पुढील वाटचालीकरीता शुभेच्छा अभिजित.

विजुभाऊ
Fri, 01/13/2012 - 18:23 नवीन
माझे नाव आडनाव आणि जगातील एका सर्वात मोठ्या हीरेव्यापार्‍याचे नाव आडनाव देखील सारखेच आहे. मला कसे कोणी अजून हीर्‍याची डिलेव्हरी दिली नाही ? ;)

मृगनयनी
Fri, 01/13/2012 - 21:01 नवीन
येक्कद्दम चोक्कस्स!... विज्जूभाय!!!! :) तुम्ही फिल्म 'इन्डस्त्री' मध्ये "भरत शहा" या नावाने पण विडम्बित आहात कं!! ;) ;) ;)
↩ प्रतिसाद: विजुभाऊ