डॉ.काशिनाथ घाणेकर

तात्या, कालच मी प्राजूंना व्यक्तिगत संदेश पाठवला होता त्यात म्हटले होते तुमच्याबध्दल आणि तुमच्या टिकेमुळे वाईट नक्कीच वाटले होते , पण ती टीका मी तेव्हढीच सकारात्मक पण घेतली आहे.शिवाय मिपा मुळे इतकी चांगले मित्र-मैत्रिणी मिळाल्या आहेत हे ऋण मिपा आणि पर्यायाने तुमचेच नाही का?मग जो माणूस कौतुक करतो त्याला टीका करण्याचा हक्कही आहेच की ! फक्त वाईट याचे वाटले की तुम्हाला मी काढलेले एकही चित्र अजून्पर्यंत आवडलेले नाही ! प्रत्येक चित्रात तुम्हाला काही ना काही कमतरता - उणीव दिसतेच.याचे २ अर्थ होतात : १.तुमची अभिरुची एकदम उच्च प्रतीची आहे आणि मी तिथवर पोचण्याएव्हढे स्किल अजून माझयात यायचे आहे. २, एखाद्या व्यक्तीबध्दल आपल्याला आपुलकी वाटत असेल आणि त्या व्यक्तीची कीर्ति जगभर व्हावी असे वाटत असेल तर आपण त्या व्यक्तीच्या तोंडावर तिचे कौतुक न करता "अजून सुधारणा हवी" असे सांगत रहातो की जेणेकरून ते व्यक्ती रिफाईन्ड होत जाते आणि पूर्ण्त्वाच्या जवळ जाते.उदा. सुधीर फडके यांच्या भावगीतांबाबत पंडित कुमार गंधर्व त्यांना तोंडावर नेहेमी म्हणत "अरे, तु म्हणतोस त्याला भावगीत कोण म्हणेल्?गीतात अजून भाव यायला हवेत !' आणि बाबूजी गेले की इतर लोकांना सांगत असत , "तुम्हाला भावगीत म्हणजे काय हे समजून घ्यायचे असेल तर एकदा सुधीर चे गाणे लक्ष देऊन ऐका !" आणि तुमचा उद्देश वरील २ पैकी एक नक्कीच आहे याची खात्री आहे , काहीही असला तरी तो माझ्या हिताचाच नाही का? मग तुमच्यासारख्या सिनिअर माणसावर कोण रागावेल? हां आता तुम्ही अगदी सदासिव पेठी पुणेरी कोकणस्थी छाप शेरे मारता याचे वाईट नकीच वाटते , पण वाईट वाटणे आणि राग येणे यात फरक आहे ! ज्याला चाड असते तोच माणुस प्रगती करु शकतो असा माझा ठाम विश्वास आहे,त्यामुळे तात्या, तुमचा आमच्यावरील हक्क कायम आहे आणि राहील याची खात्री असुन द्या !काही कमी जास्त लिहिले असल्यास "बालक" समजून माफ करून टाका ! उदय सप्रेम