सल्ला हवा: मराठी दिवाळी अन्क खरेदी

कुणी कॅनडाला येणार असेल तर सांगा ! मी इतक्यात काही पुस्तके आमच्या बंधूंना पाठविली कॅलिफोर्नियाला मित्राबरोबर

खरच तुम्हाला मराठी वाचण्याची आत्यंतिक गरज आहे.

पुण्याच्या अप्पा बळवंत चौकात रसिक साहित्य (www.erasik.com) आहे, ते ऑनलाईन मराठी पुस्तके मूळ किंमतीला (अधिक पोस्टेज) विकतात व पुस्तके सर्वसाधारणपणे १०-१२ दिवसांत जगाच्या कोपर्‍यात पोहोचतात. माझा अनुभव आतापर्यंत चांगला आहे. वेबसाईटवर दिवाळी अंक नसल्यास ई-मेलने संपर्क साधल्यावर (व नंतर वेबसाईटवर तेवढ्याच किंमतीच्या पुस्तकांची dummy ऑर्डर नोंदवल्यावर) माझ्या मते ते दिवाळी अंक पाठवतील. अर्थात 'रसिक साहित्य'शी माझा (गेल्या कित्येक वर्षांचा एक ग्राहक हे एक नाते वगळता) काहीही संबंध नाही हे येथे नोंदवलेले बरे. 'रसिक साहित्य'चा www.erasik.com हा वेबसाईट पुस्तक-विक्री करणार्‍या दुसर्‍या एका व्यवसायाच्या www.rasik.com या वेबसाईट पासून स्वतंत्र आहे असे मला वाटते. - दिपोटी

महाग वाट्ले.. जुने वाचा..स्वस्तात मिळतात.. आम्हि असेच करतो.. सद्ध्या २००० सालातल्या दिवाली अंकाचे पारायण चालु आहे

अंक महाग वाटले..? :) अहो अंकाची / पुस्तकाची किंमत स्टँडर्डच असते. परदेशात पाठवण्याचे चार्ज फार असतात. म्हणून किंमत अनेकपट वाढते. माफ करा.. पण मला वाटतं परदेशात जोपर्यंत जनरल मराठी पुस्तके किंवा अंक प्रिंट (मॅन्युफॅक्चर) होत नाहीत तोपर्यंत तिथे बसून ऑर्डर करण्याचे दर चढेच राहणार. मलाही इथे भारतात बसून थेट स्वित्झर्लंड्मधले आणि तिथेच बनलेले चीझ मागवायचे असेल तर अमूल चीझपेक्षा किंवा त्याच चीझच्या स्वित्झर्लंडच्या दरापेक्षा बराच जास्त दर+पोस्टेज पडणारच.. :) नपेक्षा आशु जोग यांनी सुचवल्याप्रमाणे कोणी येत असेल तिकडे तर घेऊन यायला सांगा.

हे बघा.. पोस्टेजशिवाय कुठेही मागवा म्हणतायत.

मी स्वतः बुकगंगा.कॉम हि साइट वापरतो. हि पुस्तके विकत घेतल्यावर तुम्ही संगणकावर किंवा आय पॅड किंवा आय फोन वर वापरु शकता. Android चा सपोर्ट अजुन नाही आहे, पण लवकरच आहे. ऑनलाइन खरेदी साठी विश्वसनिय आहे.

माय ई-मॅगझिन्स नावाची एक वेबसाईट अलिकडेच सापडली. रजिस्ट्रेशन करावं लागतं आणि दिवाळी अंक विकत घ्यावे लागतात. स्वस्त/महाग सापेक्ष असल्याने नो कमेंट्स पण काही जुने बरेसे वाचनीय दिवाळी अंक मोफतसुद्धा उपलब्ध आहेत.

या धाग्यावर अवांतर लिहू नये अशी विनंती करण्यात येत आहे. प्रतिसाद अप्रकाशित झाल्यास नंतर तक्रार चालणार नाही.

नमस्कार, मा. श्री पान्डु हवालदार. ऑनलाईन दिवाळी अंक खरेदी करणे झाले काय ? आपल्याला आवडलेला दिवाळी अंक कोणता ? कोणता लेख आवडला वगैरे लिहा बरं का ? -दिलीप बिरुटे

'आवाज' दिवाळी अंक वाचायला सुरुवात केली. बटाट्याची चाळ (रिडेव्हलपमेंटमधे) हा अशोक पाटोळ्यांचा विनोदी लेख वाचून संपवला. चांगला लिहिला आहे, शेवटही छान केला आहे, तुम्ही वाचला का हा लेख ? कसा वाटला ? -दिलीप बिरुटे