शिस्तभंग - कारवाई

नमस्कार, गेल्या काही दिवसांत मिसळपाववर अत्यंत घाण प्रकारे लिखाण झालेलं आहे. मिसळपाववर अश्या प्रकारे लेखन केल्या जाऊ नये अशी सर्वांचीच इच्छा आहे. तरी सुध्दा काही लोकांनी स्वत:ला आवर घातला नाही. एखाद्या विषयावर कुणी संवेदनशील होऊ शकतं हे मान्य मात्र त्यासाठी मिपावरील स्त्री सदस्यांना लाजीरवाणे लेखन कुणी करेल तर ते कुठल्याही सबबीखाली वैध मानता येणार नाही. सबब अश्या प्रकारे खरड लिहीणार्‍या स्त्री सदस्यावर १५ दिवसांची बंदी घालण्यात येत आहे. अश्या प्रकारचे लेखन हे प्रतिक्रियात्मक आहे असे प्रथमदर्शनी लक्षात येते. त्यामुळे सदर प्रकारात आणि माहिती घेतली असता अन्य स्त्री सदस्याने खोडी काढल्याचे लक्षात येते. असे प्रकार अन्य सदस्यांनी करू नये यासाठी त्या सदस्यावर सुध्दा ८ दिवसांची बंदी घालण्यात येत आहे. खरडवही व खरडफळ्याच्या लेखावर झालेल्या घाण प्रकाराचे समर्थन करण्यासाठी अन्य एका सदस्यावर ८ दिवसांची बंदी घालण्यात येत आहे. अन्य कुणा सदस्याला सदर प्रकारात काही चर्चा करायची असल्यास कृपया मला व्य.नि. करावा. जाहीर धागे काढू नयेत. येथेच एक अन्य महत्वाची सुचना - यापुढे संपादकीय व व्यवस्थापकीय धाग्यांवर चेष्टा किंवा अवांतर कारवाईस पात्र असेल. - नीलकांत