अशोक चव्हाण, सोनाली कुलकर्णी आणि म्हाडा.

नमस्कार मिपाजनहो, आमच्या माहितीप्रमाणे सामान्य माणसाला मुंबईमध्ये, त्यातल्या त्यात कमी दराने तसेच लॉटरी पद्धतीने नावे काढून राहत्या घरांची सोय करणारी संस्था म्हणजे म्हाडा. आमच्या आठवणीप्रमाणे आणि माहितीप्रमाणे महाराष्ट्राचे माजी मुख्यमंत्री अशोक चव्हाण यांच्या सुरवातीच्या कारकिर्दीत त्यांनी सोनाली कुलकर्णी (नटरंग फेम. मुक्ता किंवा दिल चाहता है फेम नव्हे,) या मराठी सिने-अभिनेत्रीला म्हाडातर्फे मुंबईत राहते घर बहाल केले आहे. आता काही शंका व प्रश्न - १) सोनाली कुलकर्णी या अभिनेत्रीत मुख्यमंत्र्यांनी असे नेमके काय पाहिले की त्यांनी लांबच लांब रांगा लावून म्हाडाच्या जागांकरता अर्ज करणार्‍या मुंबईतील सामान्य जनांना पूर्णत: डावलले? २) सोनाली कुलकर्णीच्या नटरंग या चित्रपटातील 'अप्सरा आली' या लावणीतील कमनीय बांध्याने आणि नाभीदर्शनाने (अवांतर पाहा) मुख्यमंत्र्यांवर नक्की असा काय प्रभाव पडला की त्यांनी तिला मुंबईमध्ये म्हाडाचे घर बहाल करावे? ३) कलावंत कोट्यातून म्हाडाचे घर दिले म्हणावे तर सोनालीपेक्षा वयाने कितीतरी ज्येष्ठ-श्रेष्ठ रंगकर्मी व सिनेअभिनेते महाराष्ट्रामध्ये आहेत. उदा - अगदी कालपरवापर्यंत किशोर नांदलसकर या गुणी कलावंताकडे राहते घर नव्हते. कै सुधाकार भावे, नटवर्य प्रसाद सावकार, उषा नाडकर्णी अश्या अनेक कलावंतांची, खास करून रंगकर्मींची नावे घेता येतील. मग 'अप्सरा आली' ह्या एकमेव लावणीमुळे असा नेमका काय प्रभाव पडला? इथे मात्र बर्‍याच उलटसुलट शंकांना वाव निर्माण झाला आहे! असो. आपल्यापैकी वाचकांना या संदर्भात काही अधिक माहिती असेल तर त्यांनी या धाग्यात अवश्य भर घालावी ही नम्र विनंती. अवांतर - आपली मायमराठी तशी रांगडीच बुवा! नाभीदर्शन असे म्हटले तर ते खूपच सौम्य वाटते. परंतु नाभी ऐवजी बेंबी हा खणखणीत मराठी शब्द वापरल्यास मिसळ जरा जास्तच तिखट होते! ;) कॉमॅ.