मसालेदार भेंडी स्मिता चावरे

वाढणी: ३-४ जणांना पाककृतीला लागणारा वेळ: ३० मिनिटे पाककृतीचे जिन्नस अर्धा किलो भेंडी, ३ कांदे, १ मोठा टोमॅटो, २ हिरव्या मिरच्या, अर्धा चमचा लसूण पेस्ट १ चमचा गरम मसाला, १ चमचा धणे पूड, १ चमचा लिंबाचा रस, तिखट-मीठ तळणासाठी तेल क्रमवार मार्गदर्शन: प्रथम भेंडी स्वच्छ धुवून व पुसून घ्या. पाव इंच लांबीचे तुकडे करून तेलात तळून घ्या. कांदे, टोमॅटो, मिरची सर्व बारीक चिरून घ्या. थोड्या तेलात कांदा गुलाबी रंगावर परतून घ्या. त्यात लसूण, मिरची व टोमॅटो परतून घ्या. त्यात गरम मसाला व धणेपूड घाला. तेल सुटेपर्यंत मसाला परता.नंतर त्यात तळलेली भेंडी, लिंबाचा रस व मीठ घाला. चांगले मिक्स करा व गरमागरम वाढा. माहितीचा स्रोत: कुठेतरी वाचली होती. अधिक टीपा: ही भाजी दिसायला व चवीला छान असते. जीरा राईस, दाल फ्राय बरोबर मस्त बेत जमतो.