Skip to main content

नीर-डोसा

लेखक सानिकास्वप्निल यांनी मंगळवार, 16/08/2011 22:09 या दिवशी प्रकाशित केले.
साहित्यः अडीच वाटया तादुंळ ४-५ तास भिजवून ठेवावे १ वाटी खवलेले ओले खोबरे चवीपुरतं मीठ तेल . पाकृ: भिजवलेले तादुंळ व ओले खोबरे मिक्सरवर बारीक वाटून घेणे. त्यात चवीपुरतं मीठ व थोडे थोडे पाणी घालून मिश्रण पातळ बनवणे. (नीर डोश्याचे मिश्रण पाण्यासारखे पातळ हवे - Pouring Consistency) . नॉन-स्टीक तवा तापवून, थोडे तेल पसरवून डावाने मिश्रण तव्यावर ओतावे, कडेने थोडे तेल सोडावे. . डोसा तयार झाला की अलगद उलटावा व नारळाच्या चटणीसोबत, चिकनसोबत सर्व्ह करा. मी काळ्या वाटाण्याच्या उसळीसोबत सर्व्ह केला...छानच लागला :) .
वाचने 19575
प्रतिक्रिया 35

प्रतिक्रिया

सुनील मंगळवार, 16/08/2011 22:17
पाकृ छान. ह्यालाच कोकणात घावन म्हणतात.

५० फक्त मंगळवार, 16/08/2011 23:13
बाकी. डिशमधली सजावट आणि तयार केलेली चांदणी बेस्टच आणि काय काम्बिनेशन आहे, काळ्या वाटाण्याची उसळ आणि पांढरा स्वच्छ डोसा, अगदि धुतल्या तांदळासारखा, ऐ कोण आहे अण्णांसारखा म्हणतोय ? पण एक रुखरुख लागुन राहिलिये ओ सानिकातै, तव्यावरुन डिशमध्ये डोसा आणणार चमचा नाय दिसला तुमचा फोटुत, अन्याव ओ अन्याव, चमच्यांचं असंच होतं हल्ली, फोटोबि काडत नाय कुणी ?

सानिकास्वप्निल गुरुवार, 18/08/2011 01:39
चमच्यावर भारी जीव जडला तुमच्या ;) पुढच्या भारतभेटीत भेट म्हणून तुमच्यासाठी नक्की चमचा आणेन हर्षदभाऊ :)

५० फक्त रविवार, 21/08/2011 08:49
'' एक से मेरा क्या होगा ?' बाकी तुमच्या या चमच्यानं त्या चमच्याची ठेवलेलि आठवण तुम्हाला लक्षात राहिली त्याबद्दल धन्यवाद.

Mrunalini मंगळवार, 16/08/2011 23:31
आईला मस्तच गं..... माझा आणि निशांतचा एकदम आवडता प्रकार आहे. मी एकदा try केला होता.. पण तो आपल्या साध्या डोस्या सारखा कडक झाला. तु केलेला सही दिसतोय. मऊ, लुसलुशीत.. जबरदस्त. :)

रेवती मंगळवार, 16/08/2011 23:55
नेहमीप्रमाणे छान फोटो व पाकृ! असं ऐकलय की तांदूळ नारळाच्या पाण्यात भिजवल्यास आणखी चांगला होतो.

५० फक्त बुधवार, 17/08/2011 00:08
''असं ऐकलय की तांदूळ नारळाच्या पाण्यात भिजवल्यास आणखी चांगला होतो.'' कोण कुणाला सांगत होतं ओ रेवतीआजै, सुधांशु स्पा ला का ?

रेवती बुधवार, 17/08/2011 00:15
सुधांशु, स्पा.....झालच तर परा असे अनेक आहेत. तुमचं लग्न झालेलं दिस्तय, नाहीतर तुम्हालाही पदार्थ शिकवले असते.

५० फक्त बुधवार, 17/08/2011 10:07
बॅचलर लोकं लग्न होण्यासाठी शिकतात, तर लग्न झालेले झालेले(केलेले नाही) लग्न टिकवण्यासाठी, कसं हाय आजै गाडी शोरुम मध्ये धुवुन पुसुन ठेवतात विकायची असते म्हणुन पण घरी आणल्यावर सगळी कौतुकं करावी लागतात चालवायची असते म्हणुन तसंच हे पण, लग्नानंतर किती वर्षे खिचडी(तांदुळ +मुग दाळ - अननस नाही))/मसाल्याचा चहा/ कांद्याची भजी/मॅगी/ सॅंडविच व इतर तत्सम बॅचलर पदार्थ करुन दाखवुन 'स्वयंपाक' केल्याचा आव आणणार कधीतरी असलं काहीतरी करुन दोनचार एक्स्ट्रा भांडी, ओटा, गॅस खराब करुन ठेवला की मग पुढचे सहा महिने आमच्या पाककलेबद्दल शंका घेतल्या जात नाहीत. व्यवस्थापनाचं एक मुलभुत तत्व आहे - if you can't convince then better confuse'.

जाई. बुधवार, 17/08/2011 00:08
पाककृती व सादरीकरण दोन्हीही छान

चिंतामणी बुधवार, 17/08/2011 01:00
तुम्हारा चुक्याच. (हे वाईट लागेल असे म्हणणे नाही. पण.......) फिश करी बरोबर कधी खाउन बघीतले आहे का? अत्यंत जिवघेणे Combination आहे. मग ती करी रेड करी असो अथवा ग्रीन. (फीश करी सोबत तंदुर रोटी खाण्या-यांची किव करतो.) हे Combination कुठे मिळते हे जाणण्यासाठी संपर्क साधा. (मत्स्यप्रेमी) चिंतामणी.

इरसाल बुधवार, 17/08/2011 09:56
१३/१४/१५ जुलाई ला बंगलोर ला होतो तिथे " कांडला" मध्ये (रिचमंड सर्कल) प्र्वान गस्सी सोबत अगोदर साधा भात किंवा जीरा भात घ्यायच्या विचारात होतो पण म्हटला कि तिथल्या कोणाला विचारू काय कॉम्बिनेशन असते, तो म्हणाला कि "नीर डोसा आणि प्र्वान गस्सी" मग काय ३ प्लेट नीर डोसा आणि कोलंबी रस्सा मजबूत खाल्ले. (३ प्लेट म्हणजे १५ पातळ नीर डोसे). इथे नीर डोसा ची पाकृ बघून आठवण आली. ह्यांनीपण काय मस्त बनवलेत. पण आज चतुर्थी आहे हो.

कच्चा पापड पक्… बुधवार, 17/08/2011 10:59
पुण्यात शिवाजीनगर "बाम्बू हाऊस" मधे खाल्ला होता. सेम असाच दिसत होता.

कच्ची कैरी बुधवार, 17/08/2011 11:49
मस्त ,झकाआआआआआआआआस!!!!!!!!!!!!!!!!

विशाखा राऊत बुधवार, 17/08/2011 13:45
सहीच दिसत आहे .. मी ही रेसेपी शोधत होते

पल्लवी बुधवार, 17/08/2011 20:00
आई आमरसासोबत करते हे घावन. अहहा ! सुख !! फटु अ‍ॅज द युज्वल्ज्ज्ज !! :)

आशिष सुर्वे बुधवार, 17/08/2011 21:42
इथं बंगलूरात नीर डोसा अगदी 'नीरे' परमाने उपलब्ध अस्तो बर्र का.. एकदा माझ्या डोल्यासमोर्र येका डोशे वाल्याने 'हिराच्या' झाडूने आधी तो भलामोठा तवा साफ (??) करून घेतला अन् मग त्यावर नीर डोशाचे पानी अगदी लादीवर फिनाईल टाकतात तसे टाकले.. तेव्हापासून नीर डोसा खाताना उगाचच नाकात फिनाईचा वास आणि डोल्यांत झाडूचा फर्राटा दाटून येतो बगा! असो.. सनिकातै, आपला नीर डोसा पाहून डोले तॄप्त झाले! अन् काल्या वाटाण्याची भाजी म्हणजे आमच्यासारख्यांसाठी 'मटन'च जनू!

तर्री गुरुवार, 18/08/2011 13:58
वरळी ला फिशलॅड मध्ये ( फिश करी सोबत ) हा जीवघेणा प्रकार मिळ्तो. हे हॉटेल मत्स्य प्रेमींचे तीर्थक्षेत्र आहे. फोटो व पाक्रु अती ऊत्तम.

राही शुक्रवार, 19/08/2011 00:04
माझ्या अल्प माहितीप्रमाणे नीरदोश्याचे पीठ करताना थोडासा ओला नारळ खवणून तांदळांबरोबर वाटून घालतात अथवा थोडा नारळाचा जाड रस (दूध) काढून घालतात. घावन हे फक्त तांदळाचे असतात. अर्थात घावनाला नीरदोसा आणि नीरदोश्याला घावन म्हटले तरी काही फरक पडत नाही. नीरदोश्याचे पीठ इतके पातळ असायला हवे की ते तव्यावर पडल्यावर तवा हलकेच हलवून ते सर्वत्र गोल पसरता आले पाहिजे. हे थोडे कौशल्याचेच काम असावे. कूर्गी आणि मलयाली लोकांकडचे नीरदोसे बनताना आणि नंतर खाऊन बघितले आहेत. स्वच्छ, शुभ्र,अकलंक,मऊसूत. आणि बराच वेळ ते तसेच मऊ रहातात हे विशेष.

सविता००१ रविवार, 21/08/2011 19:06
वाचल्या वाचल्या लगेच तांदूळ भिजत घातले आणि करूनहि पाहिले. अफलातून झाले. अनेकानेक धन्यवाद.

स्पंदना बुधवार, 24/08/2011 05:37
फार छान दिसताहेत. मला हवी होती ही रेसिपी , मझ्या शेजारच्या आंटी बनवायच्या मुंबईत असताना, पण तेंव्हा आम्हाला त्याच मुबलक असण शिकायची गरज जाण्वुन नाही देउ शकल. आता बनवेन, खरच मटण अन चिकन खाव तर या डोश्यांबरोबरच!!

प्रभाकर पेठकर बुधवार, 31/08/2011 19:53
खास पाककृती आहे. मागे एकदा घरीच खाल्ला होता. मस्तच झाला होता. मीच केला होता. (वरील अनेक प्रतिसाद वाचता आपण आधी कुठे नीर डोसा खाल्ला होता हे सांगणे अपरिहार्य आहेसे वाटले म्हणून सांगितले.) नीर डोसा मला तर कुठल्याही सामिष पदार्थाबरोबर आवडतो. तसाच तो काळ्या वाटाण्याच्या उसळी बरोबरही झकास लागतो.

भलती भोळे गुरुवार, 03/11/2011 16:05
पूर्वी 'किमया नामे हॉटेल मध्ये खाल्ला होता हा, फार सुरेख दिसतोय (आणि सोपा आहे) ;) करून बघणार .

दीपा माने गुरुवार, 05/09/2013 03:20
कधी केला नाही पण करण्याचा विचार आहे.