Skip to main content

दामिनी

लेखक मराठे यांनी सोमवार, 15/08/2011 05:00 या दिवशी प्रकाशित केले.
कालच्या दिवसभर घरात खूपच गरम होत होतं. टिव्ही वरून संध्याकाळी थोडा पाउस असेल असं सांगत होते पण सात साडेसात पर्यंत आकाशात कसल्याही संशयास्पद हालचाली दिसेनात. घरात उकडत होतं म्हणून बाहेर ग्यालरीत येउन बसलो. थोडावेळ गेला नसेल तोच वारा सुरू झाला आणि बघता बघता आकाश भरून आलं. हा हा म्हणता विजांचा कडकडाट सूरू झाला आणि दणदणीत शॉवरबाथ घेतल्यासारखा पाऊस सुरू झाला. विजांचं तांडव बघताना दोन दोन मिनिटांच्या विडियो क्लिप्स रेकोर्ड केल्या आणि त्यातून विजांचे मस्त शॉटस मिळाले.
लेखनविषय:
लेखनप्रकार
वाचने 4606
प्रतिक्रिया 13

प्रतिक्रिया

प्रचेतस सोमवार, 15/08/2011 11:58
झकास फोटू. बाकी विडियो क्लिप्स वरून तुम्ही शॉट घेतले आहेत पण जर स्टिल कॅमेर्‍यातून फोटो काढायचे असतील तर सेटींगबद्दल काही माहिती देउ शकाल का? अवांतरः शीर्षक वाचून अंमळ गैरसमज झाला होता व या सिनेमाबद्दल काही आहे असे वाटले होते. :)

मराठे सोमवार, 15/08/2011 17:43
वरिल सर्व फोटो/विडियो माझ्या फोनवरून काढले आहेत.. (आयत्या वेळी हाती लागेल अशा ठिकाणी क्यामेरा असेल तर शपथ) ;) त्यामुळे साध्या विडियो क्लिप काढल्या.. मग विडियो एडिटींग सॉफ्टवेअर मधून त्यातल्या फ्रेम्स फोटो म्हणून सेव्ह केल्या (लिनक्स वापरतो मी घरी, त्यावर अशी सॉफ्टवेअरं भरपूर आहेत.. मी पहिलं जे सापडलं तेच वापरलं.. नाव आठवत नाहीये. पाहिजे असल्यास घरी गेल्यावर बघून सांगतो.)

शैलेन्द्र सोमवार, 15/08/2011 18:09
शटर स्पीड हाय.. अपार्‍चर स्मॉल, आय एस ओ लो.. पण थोडे स्वतःच करुन पहायला लागेल..

धनंजय सोमवार, 15/08/2011 21:23
"शटर स्पीड लो" अशी सुरुवात करावी असे वाटते. कॅमेरा हलू नये म्हणून तिपाईवर रोवावा.

अन्या दातार सोमवार, 15/08/2011 22:49
मी केलेल्या प्रयत्नांवरुन सांगतो १/५० वगैरे शटर स्पीड पुरतो. आयएसओ कमी ठेवा (१००) एक्स्पोजर (एफ स्टॉप) १०-११ पर्यंत ठेवा. तिपाई वापरायची गरज पडेल असे वाटत नाही. काही दिवसांतच फोटो इथे देईन :) अजुन एक दुसरा ओप्शन आहे ज्यात तिपाई गरजेची आहे. पण सध्या ते आठवत नाही :(

मर्द मराठा मंगळवार, 16/08/2011 07:19
अगदी तंतोतंत कोणालाच सांगता येणार नाही.. सर्व त्या त्या वेळच्या भौगोलीक वातावरणावरती अवलंबून आहे (प्रकाश, ढग वगैरे).. तरी ही खाली दिलेली कृती मदत करू शकेल.. तुमचा डीएसएलआर असेल तर ... आय एस ओ १००० च्या वर ठेवा... सुरुवातीला शटर प्रायोरीटी हा शूटिंग मोड करा.. कंटीन्युअस फ्रेमवर फिरवा (म्हणजे एकापेक्षा जास्त छायाचित्रे सलग घेतली जातील).. आणि शटर स्पीड १/१००० सेकंद ठेवा.. काही छायाचित्रे घेऊन पहा.. जे ठीक आले असतील त्यांचे फ आकडे पाहा.. शूटींग मोड 'मॅन्युअल' करा.. शटर स्पीड वरचाच कायम ठेवुन... वर नोंद केलेला फ आकडा सेट करा... अजून काही चित्रे घ्या... नंतर फ आकडा (F Stop) तुमच्या लेन्सचा कमीत कमी असेल तीतपर्यंत न्या.. तुमचा कॅमेरा जास्त आय एस ओ ला नॉईस दाखवत नसेल तर तो वाढवून (२००० ते ३००० पर्यंत) शटर स्पीड थोडा कमी केलात तरी चालेल... आणि हो हे सगळे तिपाई असेल तर मस्त जमते.. नाही तर कशावर तरी कॅमेरा ठेवायचा... पण बरीच सर्कस करावी लागते.. साध्या पॉइंट आणि शूट कॅमेर्‍याने काढताना... 'क्रिडा' हा शूटींग मोड ठेवा... ह्या मोड मधे कॅमेरा जास्त शटर स्पीडला एका पेक्षा जास्त फ्रेम्स घेतो.. त्यामुळे क्लिक केल्यावरही हात बराच स्थिर ठेवावा लागतो... हे कॅमेरे तितके चपळ नसल्याने... जिथे विजांचा चकचकाट होतोय.. तिथे कॅमेर्‍याची लेन्स करून क्लिक चे बटण अर्धे दाबून धरून ठेवावा... जेणे करून कॅमेरा फोकस होतो आणि एक्स्पोसर मीटर केले जाते... वी़ज पून्हा चमकली की पूर्ण कळ दाबा ..

प्रचेतस मंगळवार, 16/08/2011 08:48
धन्यवाद. वास्तविक पॉइंट आणि शूट कॅमेर्‍याने स्पोर्टस मोड वापरून बराच प्रयत्न केला होता, पण फोटो बरेच हलले होते. आता परत प्रयत्न करण्यासाठी येथे (पक्षी पुण्यात) विजा चमकण्यासाठी मे महिन्यापर्यंत वळवाच्या पावसाची वाट पाहावी लागणार. :(