ओळखा पाहू

हे आहे पूर्वाश्रमीचे गोराई डंपिंग ग्राउंड. फोटो गोराई खाडीतल्या बोटीमधून घेतला आहे. ही कचर्‍याची टेकडी जवळ जवळ ८ मजली इमारती इतकी उंच आहे आणि १७ एकर जागेवर पसरली आहे. आता अत्याधुनीक तंत्रज्ञान वापरून हिच्यावर हिरवळ निर्माण करण्यात आली आहे. कचर्‍याचे शास्त्रशुद्ध पद्धतीने विघटन करून, वर माती टाकून तिथे इको गार्डन बनवण्यात येत आहे. येत्या काही वर्षातच ह्या जागेचा पूर्ण कायापालट झाला असेल. कचर्‍यातून निर्माण होणार्‍या मिथेन गॅसचा उपयोग वीज निर्मीती साठी करण्यात येणार आहे. हा उपक्रम खरोखरच वाखाणण्याजोगा आहे. लवकरच आजूबाजूच्या इमारतींचे भाव (अजूनच) गगनाला भिडतील. सी-फेसींग अशी जाहिरात असणार्‍या नव्या इमारतीही उभा राहतील. ह्या फोटोचे चपखल वर्णन करणारी म्हण म्हणजे 'दुरून डोंगर साजरे' :) मुंबईतील एकूण ८० हेक्टर जागेवर डंपिंग ग्राउंड्स पसरली आहेत. त्या सगळ्यांचीच वाटचाल ह्या दिशेने होणार आहे.

नन्दादीप, वडापाव आणि प्रभो ह्यांना कबूल केल्याप्रमाणे बगिचा जनतेसाठी खुला होताच ह्या ठिकाणाची सहल घडवण्यात येईल.