आटपाट नगरीतील जज आणि चुलबुल पांडे...

आटपाट नगरीतील जज आणि चुलबुल पांडे... आटपाट नगरातील ही सत्यकहाणी. गावातील कोर्टात एक जज मॅडम होत्या. त्यांचा नवरा गेल्यामुळे त्या एकट्याच होत्या. साधारण ४० एक वय असावं. कोर्टाशेजारीच पोलिस स्टेशनची इमारत. तिथल्या चुलबुल पाम्डेवर त्यांचं मन फिदा झालं आणि त्या दोघानी लग्न केलं. लग्न केलं आणि गोंधळ झाला. कारण चुलबुल आधी विवाहीत असून दोन मुलांचा बाप आहे. त्याचं म्हणणं, मी दोन्ही बायकाना व्यवस्थीत करीन. आणखी एक तिढा. बाई मुसलमान, तर बुवा हिंदु. बाईनी हिंदु धर्मानुसार कुंकू बांगड्या वापरायला सुरुवात केली. गावचे बार असोसिएशन खवळले. त्यानी बाईंवर बहिष्कार घातला आणि कोर्टाचं कामकाज बंद केलं. त्यांचं म्हणणं, दुसरे लग्न बेकायदेशीर आहे, हे माहीत असूनही जजबाईनी विवाहिताशी लग्न केले, आता त्याना न्यायदान करायचा नैतिक अधिकार नाही.. पण मग असे असेल, तर बाईवर बहिष्कार कसा? चुलबुल पांडेवर मात्र कोणताच बहिष्कार नाही. गाव मात्र सारी कहाणी बघत बसले आहे. यात नेमके दोषी कोण? १. बाई-- हे लग्न करायला नको होते. आणि धर्म बदलायला नको होता. २. बुवा-- निदान धर्म तरी बदलायचा, म्हणजे दुसरा विवाहही चालला असता. ३. बार कौन्सिल-- खाजगी गोष्टीचे भाम्डवल करुन फक्त स्त्रीवर बहिष्कार टाकायला नको होता.