तात्या, नुसत्या शुभेछांवर घरे, जागा मिळत नसतात, हीच समस्या आहे...

मला वाटलंच की गोष्ट मुंबईची आहे म्हणून. आमच्या एका नातेवाईकांनी उपनगरात स्टेशनजवळ चांगले घर मिळते म्हणून जागेत पैसे घातले आहेत पण दुर्दैवाने त्या जागेचे काम थांबले. आता ते पैसे काढून घ्यायचे म्हटले तर त्या पैशांत दुसरी जागा त्या उपनगरात येणे अशक्य झाले आहे, पैसे काढून घेतले आणि जागेचे काम सुरु झाले तर हातात काहीच नाही असे होईल. ते ही अशा दुविधेत सापडले आहेत. तूर्तास, जे होते ते पाहत राहणे एवढेच हातात आहे असे वाटते.

अरे बापरे, थोड्या कर्जावरून एकदम निम्मे अजून घ्यावे लागणार? गणितं चांगलीच चुकली म्हणायची की... असो जास्त विचार करण्यापेक्षा काही उपाय १) जरा लांब पण आधीच्या बजेट प्रमाणे किंमत असेल तिथे घर घेणे २) पाहीजे त्याच जागी जरा लहान घर, रीसेल मार्केट मधले घेणे ३) इतर खर्च, गुं तवणूक जरा इकडे फिरवता आली तर नशीब समजून घेणे पण अगदीच झेपणार नाही असा सौदा नको बर का. आता आहे असे आहे. तुम्ही रहाता तिथली भाडीपण काही स्वस्त नसतील. तो सुद्धा हिशोब बघीतला पाहीजे. तसेच नवीन घरासाठी जे कर्ज घ्याल त्याचा व्याजदर व हप्ता एकदम सही असेल असेच घ्या. थेंबे थेंबे दीर्घ मुदतीत बराच फरक पडतो. अरे बापरे, थोड्या कर्जावरून एकदम निम्मे?

फोर्टलाच घर असेल तर आपण म्हणाल महाग आहे, स्वस्त दाखवले तर म्हणाल लांब आहे. असं नसतं. मुंबईत बोरीवलीला राहणारा विरारला राहायला तयार होत नाही. यांत अनेक प्रश्न असतात. मुंबईचा असल्याने उदयचा प्रॉब्लेम मला कळतो. त्याला एकच करता येईल. आहे ते स्वप्न सोडून देणे. उपनगरात थोडी आत एखादी लहान जागा मिळते का ते पाहणे. १ रु. - २ रु. किचन का होईना त्यात काही गैर नाही. तरूणपणी अनेक जुगार खेळता येतात. आज लहान जागा घेतली, काही वर्ष तिथे काढली तर नंतर मोठी उडी मारता येईल. हे जर करायचे नसेल तर भाड्याच्या जागेत राहून भाव उतरायची वाट पाहावी.