विवाहीत आणि त्रस्त (द्विरुक्तीची गरज आहे का?) नवर्‍यांनो त्वरा करा.

नेमक्या कोणत्या द्विरुक्तीबद्दल गोष्ट चाललेली आहे? कंसाची जागा लक्षात घेता, 'त्रस्त' आणि 'नवरा' या द्विरुक्तीबद्दल हे विधान असावे, असे प्रथमदर्शनी वाटते. हे साहजिकच आहे, कारण 'नवरा = त्रस्त' हे समीकरणवजा गृहीतक आता 'क्लीशे' म्हणता यावे इतके अतिवापराने घासघासून गुळगुळीत झालेले आहे. त्यामुळे सर्वप्रथम तेच लक्षात आल्यास दोष त्या कॉपीरायटरणीचा नसून, स्त्रीकडे केवळ 'एक त्रास' या एकाच नजरेने पाहणार्‍या, पुरुषप्रधान मानसिकतेखाली वाढलेल्या आपल्या या समाजाचा* आहे. (* वॉर्निंग: या असल्यांना 'तुमच्या घरी आयाबहिणी नाहीत काय रे, लेको?' हा तितकाच घासघासून गुळगुळीत झालेला क्लीशेवजा सनातन प्रश्न विचारूनही काऽही उपयोग होणार नाही. यांच्या आयांनी यांच्या लहानपणी यांना फक्त धपाटे घातले आणि बहिणींनी फक्त भोकाड पसरून यांच्या कागाळ्या यांच्या आयांकडे करून यांच्या आयांना यांना आणखी धपाटे घालण्यास प्रवृत्त केले. तेव्हा, फरगेट इट.) मात्र, या संदर्भात एक गोष्ट लक्षात घेणे आवश्यक आहे, ती म्हणजे, कोणताही त्रास हा रोजचाच झाला, की ('रोज मरे त्याला कोण रडे' या न्यायाने) कालांतराने त्याची सवय होऊन त्याचे काही वाटेनासे होते, आणि मग तो त्रास त्रास राहत नाही. सबब, दीर्घकालीन ('निर्ढावलेल्या') नवर्‍यांच्या बाबतीत 'त्रस्त' आणि 'नवरा' ही द्विरुक्ती होईलच, असे खात्रीलायकरीत्या सांगता येईलसे वाटत नाही. उलटपक्षी, या चटकन डोळ्यात भरणार्‍या द्विरुक्तीपाठी या वाक्यात आणखी एक महत्त्वाची (आणि भरवशाची) द्विरुक्ती दडलेली आहे, हे सहसा लक्षात येत नाही. ती म्हणजे 'विवाहित' आणि 'नवरा' ही द्विरुक्ती. 'नवरा' हा व्याखेनेच 'विवाहित' असतो, हे येथे लक्षात आणून देणे प्राप्त आहे. (एरवी नवर्‍याची भूमिका पुरेपूर वठवणार्‍या परंतु अविवाहित अशा पुरुषास मराठीत 'नवरा' असे संबोधले जात नाही. त्याकरिता मराठीत - किमान बोलीभाषेत तरी - वेगळा शब्द आहे, परंतु त्याचा उल्लेख अथवा त्याबद्दलची चर्चा करणे येथे अप्रस्तुत ठरेल, सबब तूर्तास आवरते घेतो. आभारी आहे.)

वापराल आमचे टॉवेल तर म्हणाल ऑल इज वेल.;)

छान जाहीरात सुचत नाही म्हणून इतका रागराग? :)

याला म्हणतात, "Pot calling the kettle black". किंवा सरळ भाषेत सांगायचे झाले तर हे म्हणजे "एका खिडकीत बसणाऱ्या बाईने, दुसऱ्या खिडकीतील बाईला चवचाल म्हणण्यासारखे आहे". बाकी हे आमचे वैयक्तिक मत असल्याने फार गंभीरपणे घ्यावे अशी अपेक्षा देखील नाहीच. ;-)

सदर खेळांसाठी फेसबुक, ऑर्कूट, गूगल प्लस अशी माध्यमे आहेतच की :) उद्या ह्याच धर्तीवर वरच्या सदस्यनामाला कुठला डीपी चांगला दिसेल ? , वरील सदस्याच्या नावाला शोभेल असा फिशपाँड द्या, वरील सदस्यनामाला बघुन कोणते गाणे सुचते ते लिहा अशा खेळांचा उगम झाला आणि त्या खेळांमधुन देखील मिपाकरांची प्रतिभा बाहेर आणण्याचा प्रयत्न केला जात आहे असा सदर लेखकानी दावा केला तर ? मग ह्या अशा धाग्यांचा जनक म्हणुन दोष आपणावर जाणार नाही काय ? बघा... शांत डोक्याने विचार करा. अवांतर :- अर्थात आपल्या सहीचा आणि लिखाणाचा काही संबंध नाही असे दिसत असताना मी पामर काय बोलणार ? ;) अती अवांतर :- १० दिवसांपूर्वी एक काम सांगीतले होते त्यात देखील लक्ष घालत असाल अशी आशा आहे.

इजूभौ कितीदा ? यावरून एक झ्हाहिरात आटवली. इग्नोर कर. (नाना पाटेकरच्या आवाजात)

मस्त .. आवडली जाहिरात. मुन्नाभाई मुळे चित्र समोर आले.. पण हल्लीच्या साबनाच्या अ‍ॅड मध्ये पुरुष फक्त नावालाच उरले आहेत.. बिच्चारा पुरुष. -- पण पहिल्या लेखात असे आहे की पुढच्याला एक वस्तु द्यायची ती तर येथे आता कोणीच देत नाहिये. ?

गर्वसे जताओ संस्कृती हिंदी बीबी को लगाओ आस्मा बिंदी हर शख्स लगवा सकता है, अपनी पवित्र, देवीस्वरूप बीबी को, आस्मां बिंदी. आस्मा बिंदी लगाओ, चांद को भगाओ. बुरखा आहे? छे, चिंधी ही! मागे आस्मा बिंदी ही! आस्मा बिंदी. आमचं प्रॉडक्ट - बामन शेंडी (रेडीमेड, तुळतुळीत गोट्यासकट. केस कापायची गरज नाही)

काय म्हणता, चिनी तेल वापरूनही अपेक्षित परिणाम मिळत नाही? अहो, मग तेल विसरा आणि घ्या आपल्या प्रिय व्यक्तीसमवेत आयरीश कॉफीचा आस्वाद! काय म्हणता, तुमच्या बेजबाबदार व्यक्तव्यांमुळे बायको नाराज आहे? मग तिच्यासोबत लुटा लुत्फ आयरीश कॉफीचा! आयरीश कॉफी प्या आणि सर्व चुकांवर पांघरूण घाला. पुढचे प्रॉडक्टः राजहमाल टोमॅटो

अर्र............ गल्ली चुकलात घासकडबी मामा. त्याना ही ती नाडी नव्हे.... "सप्तरंगी नाडी" आता तमिळसोबत मराठीतही उपलब्ध. खास दंडकाअरण्यात म्यानुफ्याक्चर केलेली .......... अतीप्राचिन सप्तरंगी नाडी..... पट्टीदार नाडी सप्तरंगी नाडी

टीव्हीवरचा कार्यक्रम संपताना जाहिरात, "अर्ध्या किमतीत मिळणार्‍या महागड्या पण सुंदर, मनमोहक काश्मिरी शालींसाठी या पत्त्यावर पोस्टकार्ड टाका..." अनाऊन्सरचा आवाजः या शालींसाठी पोस्टकार्ड लिहून लिहून दमला आहात? काश्मीरी शाली मिळवण्यासाठी खूप दबाव येतो आहे? सहनही होत नाही आणि सांगताही येत नाही अशी अवस्था झाली आहे? शेजार्‍यांच्या घरातल्या काश्मीरी शाली पाहून तुमची जळजळ वाढते आहे? वापरा आमची इंच इंच पुढे सरकणारी ऑटोमॅटिक पोस्टकार्डं आणि शाली जिंकण्याची शक्यता शंभर टक्क्यांनी वाढवा. ऐका आमच्या एका समाधानी ग्राहकाच्याच तोंडूनः आमच्या घरून माझ्यावर काश्मिरी शाल आणण्यासाठी फार दबाव येत होता. माझ्या पगारात मला हे परवडणं शक्यच नव्हतं. मी इंच इंच पुढे सरकणारी ऑटोमॅटिक पोस्टकार्डं आणली. पुढच्याच आठवड्यात मलाही अर्ध्या किमतीत शाल मिळाली. आता मी आणखी पोस्टकार्ड वापरून घरच्या प्रत्येक सभासदासाठी स्वतंत्र शाल मिळवण्यासाठी हीच पोस्टकार्ड वापरत आहे. अनाऊन्सरः आत्ताच फोनवर ऑर्डर करा आणि एका सेटच्या किंमतीत दुसरा सेट फुकट. आंतरजालासाठी विशेष ऑफर, त्वरा करा, त्वरा करा, त्वरा करा. ------- पुढचं प्रॉडक्ट - काळी किटली