पालक-पनीर

साहित्यः पालकाची जुडी स्वछ केलेली १०-१२ पनीरचे तुकडे १ मध्यम कांदा बारीक चिरलेला १-२ टोमॅटो गरम पाण्यात उकळून, सालं काढुन, मॅश केलेले दीड टेस्पून आले+लसुण्+हिरवी मिरची पेस्ट (आवडीप्रमाणे कमी-जास्त) १ टेस्पून तेल+१ टेस्पून साजुक तुप २ टीस्पून गरम मसाला १ टीस्पून जीरे मीठ चवीप्रमाणे पाकृ: उकळत्या पाण्यात पालक ५ मिनिटे घालून मिक्सर मधून फिरवून घेणे. १ टेस्पून तेल किंवा तुपावर पनीर चे तुकडे सोनेरी रंगावर तळून घेणे. जाड बुडाच्या पातेल्यात १ टेस्पून तेल+१ टेस्पून साजुक तुप घालून गरम करणे. (दोन्ही घातल्याने चव खुप छान येते) त्यात जीरे घालून ते तडतडु देणे. त्यात बारीक चिरलेला कांदा घालून गुलाबी रंग येईपर्यत परतणे. त्यात आले+लसुण्+हिरवी मिरची पेस्ट घालून परतणे. कांदा चांगला परतला गेला की त्यात मॅश केलेले टोमॅटो घालावे व सगळे एकत्र करावे. त्यात आता गरम मसाला आणी मीठ घालून तुप सुटेपर्यत परतावे. आता त्यात पालकाची पेस्ट घालून ७-८ मिनिटे शिजु द्यावे. त्यात पनीरचे तळलेले तुकडे घालून ,गॅस बारीक करून २-३ मिनिटे शिजु द्यावे. गरम-गरम पालक्-पनीर रोटी, चपाती बरोबर सर्व्ह करणे.