स्टफ चमचम- बंगाली मिठाई

साहित्यः १/२ किलो घरगुती पनीर (बाजारातून आयते आणलेले ही चालेल) १ कप साखर ३ कप पाणी १ टीस्पून रोझ इसेन्स २-३ थेंब गुलाबी खायचा रंग १ टीस्पून वेलचीपूड २ टेस्पून पिठीसाखर पाकृ: पनीर चांगले मऊ मळून घ्यावे व त्याचे दोन सारखे भाग करावेत. एका भागात खायचा गुलाबी रंग घालून मळावे व त्याचे लंबगोल बनवावे (ओव्हल शेप). जाड बुडाच्या भाड्यांत साखर+पाणी +रोझ इसेन्स घालून उकळी आणावी. उकळी आली की त्यात छोटासा गुलाबी पनीरचा तुकडा सोडून बघावा, फुटला नाही तर हे गुलाबी गोळे अलगद सोडावे व झाकून ८-१० मिनिटे शिजु द्यावे. नंतर गोळे उलटवून पुन्हा ५-७ मिनिटे शिजु द्यावेत. शिजल्यावर थोडे गार झाले की हे चमचम पाकातून बाहेर काढावे. मायक्रोव्हेव सेफ भाड्यांत पनीरचा दुसरा भाग घ्यायचा , त्यात वेलचीपूड आणी पिठीसाखर घालून एकजीव करायचे. मायक्रोव्हेवमधे ३० सेकंद शिजवून घ्यायचे. गुलाबी चमचमचे मधून दोन भाग करुन त्यात पांढर्‍या पनीरचे मिश्रण भरावे व अलगद दाबून बंद करावे. पिस्ते लावून सजवावे.