माझी चतुर्थी

मंडळी, मी घरी (खालापूर येथे) गेलेले. माझ्या घरातुन महड येथे जाण्यास १५ मिनिटे लागलात. काल मी विचार केला घरी बसण्यापे़क्षा जरा मढास जाऊन यावे. ओळखीच्या लोकांना भेटावे आणि लग्नाची पत्रिका द्यावी . (मी नास्तिक असल्याने देवळात जात नाही. पण देवळात जी शांतता असते त्याला तोड नाही.) गाडी काढली आणि निघाले.जरा लवकरच निघालेले कारण चतुर्थी,अंगारकी,एकादशी.. अशा दिवशी भक्तगणांचा उत्साह ऊतु जात असतो. पण माझा इतका विरस झाला ..... तिथे जाऊन मला असे दिसले की महड फाट्याचे तोंड वाहनतळ झाले आहे. त्याच्या समोर "हाळ" नावाचे गाव आहे तिथे बस स्टँड झाला आहे. चालत चालत गेले कारण सायकल सुद्धा शिरेनाशी झाली होती :( आणि जे बाहेरुन येणारे लोक होते ते तिथेच जवळपास जेऊन खरकटे,उष्टे अन्न,कागद तिथेच टाकून जात होते. खुप राग आला. पुढे जायची इच्छा होईना !!! कशीतरी करुन मढास आत गेले आणि देवळात एखाद्या शांत कोपर्‍यात टेकावे म्हणुन मंडपात गेले तर तिकडे लहान मुले खेळत होती,मोठी माणसं त्यांना तशीच ओरडत होती. तिथे खरंतर अथर्वशीर्ष चालू होतं पण त्याकडे कोणाचही लक्ष नव्हतं. जो तो आपल्याच नादात आणि देव कधी भेटतोय ह्या विवंचनेत!! शेवटी तशीच घरी परत गेले. जी शांतता मिळवण्यासाठी तिथे चालेले होते ती मला मिळालीच नाही :( तिकडे फक्त बाजार मांडलेला देवाचा आणि भक्ताच्या भक्तीचा !!!!