मेथांबा

साहित्यः २ कप कैरीची सालं काढून केलेले तुकडे १ कप चिरलेला गूळ १ टीस्पून मोहरी १ टीस्पून मेथीदाणे १ टीस्पून लाल तिखट (आपल्या आवडीप्रमाणे कमी-जास्त करणे) चिमूटभर हिंग (फोटोत साहित्यासाठी चमच्यात हिंग दाखविले आहे) :) मीठ चवीप्रमाणे तेल पा़कृ: जाड बुडाच्या पातेल्यात तेल तापवून त्यात मोहरी व मेथीदाणे टाकावे. तडतडले की त्यात हिंग घालावे. त्यात कैरीचे तुकडे, लाल तिखट व मीठ घालावे. गरज वाटल्यास २ टेस्पून पाणी घालावे व शिजु द्यावे. कैरी मऊ झाली की त्यात गूळ घालावा व मिश्रण थोडे घट्ट होऊ द्यावे. गार झाले की मेथांबा हवाबंद डब्यात / बर्णीत भरावा. ७-८ दिवस टिकतो पण फ्रिजमधे ठेवावा लागतो.