गझल

पुन्हा काल स्वप्नात आली गझल खुले पापणी अन् उडाली गझल कशी कोरडी मी, जरी वाहते तुझ्या आठवांच्या पखाली गझल? नसे वेगळे रूप माझे-तिचे, मला वारशाने मिळाली गझल "जरा एकटे वाटते, शब्द दे तुझे सोबतीला" म्हणाली गझल जुळे प्रेम एका कटाक्षामध्ये, क्षणार्धात माझीच झाली गझल! नको या प्रवासात थांबा कुठे, सवे आज माझ्या निघाली गझल

काव्यरस

शांतरस

लेखनविषय:	गझल

वाचने 6921

प्रतिक्रिया 18

प्रतिक्रिया

मस्त

कच्ची कैरी गुरुवार, 31/03/2011 16:55

व्वा मस्तच आहे तुमची गझल म्हणजेच तुम्ही :)

क्रांती, सुरेख गझल! खूप

यशोधरा गुरुवार, 31/03/2011 16:57

क्रांती, सुरेख गझल! खूप आवडली.

सुरेख गझल

चित्रा बुधवार, 06/04/2011 18:25

क्रांतिताई पुन्हा लिहू लागल्या याचा फार आनंद झाला..

छान आहे.. गझल मध्ये प्रत्येक

गणेशा गुरुवार, 31/03/2011 17:03

छान आहे.. गझल मध्ये प्रत्येक शेराचे एक वेगळे स्वतंत्र अस्तित्व असते .. ते जपले गेल्यास जास्त मज्जा येईल.. - क्षमस्व

स्वतंत्र अस्तित्व कुठे जपलं

यशोधरा गुरुवार, 31/03/2011 17:07

स्वतंत्र अस्तित्व कुठे जपलं गेलेलं नाहीये असं वाटत? समजावून घेण्यासाठी प्रश्न विचारत आहे.

संदेश मध्ये सांगतो, मुळ

गणेशा गुरुवार, 31/03/2011 17:35

संदेश मध्ये सांगतो, मुळ कवयत्रीला कींवा त्यांच्या कवितेला नावे ठेवणाचा प्रयत्न नव्हता.. आणि त्यांनी तसा बदल करुन अजुन छान गझल द्यावी असा उद्देश होता. तरीही येथे मत सांगितल्यास ते माझे वयक्तीक मत इतरांना/कवयत्रीला न पटल्यास वाद नको म्हनुन स्वतंत्र बोलतो ..आणि तसे ही तेच बरोबरच आहे असा आग्रह माझा नाही. सांगतो ..