Skip to main content

मेथीचे धिरडे

लेखक सानिकास्वप्निल यांनी मंगळवार, 29/03/2011 या दिवशी प्रकाशित केले.
साहित्यः १ कप बारीक चिरलेली मेथी १ कप तांदुळाचे पीठ १ टीस्पून लसूण पेस्ट १ टीस्पून हिरवी मिरची पेस्ट १ टीस्पून जीरे पावडर किंवा जीरे मीठ चवीप्रमाणे तेल पाकृ: एका पॅनमध्ये थोड्या तेलावर मेथी परतून घ्यावी. बाकीचे साहित्य आणी परतलेली मेथी सगळे नीट एकत्र करणे. धिरडे/डोश्याच्या पीठाप्रमाणे पीठ पातळ तयार करणे. नोन्-स्टीक तवा तापवून थोडे तेल घालणे. डावाने धिरडे घालून गॅस मंद करून झाकण ठेवावे. झाकण काढून , धिरडे उलटून दुसर्‍या बाजूने शिजवावे. चटणी, सॉस सोबत खायला देणे. .
वाचने 5400
प्रतिक्रिया 9

प्रतिक्रिया

रेवती मंगळवार, 29/03/2011
पाकृ छान आहे. मी यात आलं व थोडे डाळीचे पीठही (बेसन) घालते एवढाच फरक. फोटू चांगला आलाय. मेथी परतून घेतल्याने काय फरक पडत असेल असे तुम्हाला वाटते?:) कारण मी कच्ची (बारीक चिरून) मेथी वापरते.

सानिकास्वप्निल मंगळवार, 29/03/2011
अगदी बरोबर निवेदिता-ताई मेथी परतल्यामुळे स्वाद छान लागतो :) चटणी लसणाची आहे :) @ ५० फक्त मि.पा वर पाकृ फोटोसकट टाकायची तर थोडा सयंम ठेवावाच लागतो :) आभार प्रतिसादाबद्दल

५० फक्त मंगळवार, 29/03/2011
पाक्रु पण भारी अन फोटोतली रंगसंगती पण. हे असलं खायला करायचं अन एवढा छान फोटो काढे पर्यंत थांबायचं एवढी वाट पाहु शकत नाही आपण. मानलं तुम्हाला.

प्राजु मंगळवार, 29/03/2011
यात कोणतीही भाजी छान लागते. अगदी गाजर, दूधी भोपळा वगैरे भाज्या खिसून घातल्या तरी मस्त लागतात. मी यात थोडे कॉर्न मील घालते... त्याने एकप्रकारचा क्रिस्पीनेस येतो.

पिंगू मंगळवार, 29/03/2011
संयमी पाककृती सानिकाताय. ही करताना पण संयम ठेवायला लागतो, नाहीतर बिघडते स्वानुभवावरुन.. - (चवीने खाणारा आणि संयमाने बनवणारा) पिंगू