सल्ला हवा आहे

नमस्कार मिपाकरांनो, तसे जगातले सर्व ज्ञान असणारे काही थोडी लोकं मिपावर आहेत त्यात आमचा, नानाचा वगैरे नंबर लागतोच. मात्र काही काही गोष्टी ह्या चार जणांच्या सल्ल्यानीच कराव्यात असे जुने-जाणते, अनुभवी वडिलधारी सांगुन गेले आहेत. तेंव्हा एका महत्वाच्या गोष्टीत तुमचा सल्ला हवा आहे. मी व आमचा परम मैतर नाना बरेचशे धंदे भागिदारीत करत असतो. त्यातले काही ऑनलाईन असतात तर काही ऑफलाईन. मात्र सर्व सहसा संगणकाशी संबंधीतच असतात. चार पैसे सुटले, रात्री दोन पेग सुटले की झाले असे आपले आमचे सोपे गणित असते. त्यामुळे खुप रक्कम गुंतवणे, कामाचा फार बोजा घेणे, व्यवसायाची जाहिरात करणे आम्ही कायमच टाळले. मात्र आता आमचे अजुन एक परम मैतर श्री. कुंदन हे स्वतःच्या दुबैतील कामाला वैतागल्याने नव्या व्यवसायात शिरण्याचे मनसुबे करत आहेत. त्यांचा (अजुनतरी) आमच्यावर विश्वास असल्याने त्यांनी पहिली ऑफर आम्हालाच दिली आहे. त्यांना आमच्या व्यवसायात भागीदार म्हणुन उडी मारायची आहे. इथे हे प्रकर्षाने नमुद करावेसे वाटते की ह्या सर्व व्यवहाराचा वा मिसळपावचा अथवा आमच्या मिसळपाववरील वावराचा संबंध नाही. आमच्या वैयक्तीक संपर्कातुन हे पुढे आले आहे. आता तज्ञ, सुज्ञ व प्रगल्भ मिपकारांचा काही महत्वाच्या गोष्टीत सल्ला हवा आहे :- १) कुंदन ह्यांनी त्यांच्या नावानी सरळ पैसे गुंतवावेत का आम्ही ते पैसे आमच्या नावे गुंतवावेत ? म्हणजे अनिवासी व्यक्तीची गुंतवणुक फायदेशीर असेल, का मी व नानाच्या नावे केलेली ? २) सर्व व्यवसाय कुंदनच्या नावावर दाखवल्यास भारतात काही जास्तीच्या सोयी उपलब्ध होऊ शकतील काय ? ३) कुंदन ह्यांना स्लिपिंग पार्टनर दाखवल्यास त्याचे काही फायदे अथवा तोटे ? ४) व्यवसाय हा संगणक क्षेत्राशी संबधीत असल्याने IT गुंतवणुकीचे काही फायदे होऊ शकतील काय ? ५) ह्या गुंतवणुकी संदर्भात कायदेशीररीत्या काय काय कागदपत्रांची पुर्तता करावी लागेल? ६) रक्कमेच्य सुरक्षेच्या दृष्टीने ह्या गुंतवणुकी संदर्भात कुंदन ह्यांनी काय सावधगिरी बाळगावी. तसेच मी व नानाने देखील काय सावधगिरी बाळगावी. ७) ह्या व्यवसायासाठी शॉप अ‍ॅक्ट काढताना काही अडचणी येऊ शकतील काय ? ८) काही काळाने सर्वसंमतीने व्यवसायासाठी कर्ज काढल्यास कुंदन ह्यांची जबाबदारी काय राहिल ? भारतीय कायदा ह्याबद्दल काय सांगतो ? अजुनही काही प्रश्न आहेत, ते नाना व कुंदन विचारतीलच. धन्यवाद.