होळी रे होळी पुरणाची पोळी!

सगळ्या पाककृती हल्ली डाएट ची डॉली करणार्‍या येत आहेत !! केवढं तुप आहे ते ... आठवड्याच्या क्यालर्‍या एकाच दमात :) बाकी पुरणपोळी मला लहाणपणी आवडायची. पण एकदा होळीच्या दिवशी मी एक अ‍ॅक्सिडेंड पाहिला तेंव्हा आई ने घरी पुरणपोळी केली होती. तेंव्हा पासुन पुरणपोळीवरुन जे मन उडालंय ते आज तागायत, - विली

पुरणपोळी दह्यासोबत खातात?? कल्पना नव्हती. जनरली, दही/ताक आणि गूळ एकमेकासोबत खाऊ नये असे म्हणतात. मला दूधाऐवजी, साजूक तूप आणि कटाच्या आमटीसोबत आवडते पुरणपोळी. कणकेच्या पारीमध्ये पुरणाचा उंडा(गोळा) मोदकासारखा भरत नाहीत. कणिक इतकी सैल असावी लागते की, फिरवत फिरवत पारी उंड्याच्या वर्-वर चढवावी लागते आणि सगळा उंडा पूर्णपणे कणकेत भरला गेला की मग अगदी हलक्या हाताने लाटावी लागते. म्हणून त्याला पुरणाची पोळी म्हणतात, पुरणाचा पराठा नाही.

पुरणाची डाळ मिक्सरमध्ये वाटलीये. ह्म्म. पुरणाची डाळ चांगली घट्ट असावी लागते. पाणी अजिबात असता कामा नये त्यात. आणि अशी घट्ट डाळ मिक्सर मध्ये अजिबात चांगली वाटली जात नाही. जाडसर रहाते. वरील रेसिपी वाचून तंतोतत कृती करू नये. कारण ही अस्सल पुरणपोळीची रेसिपी वाटत नाहिये.

मी ही प्राजूशी सहमत आहे, पुरणपोळी दह्यासोबत खातात हे मलाही माहीत नव्हतं असो होळीच्या शुभेच्छा :)

पुरणपोळी दह्याबरोबर? नवीनच माहिती. नारळाच्या दुधाबरोबर किंवा तूपसाखरेबरोबर चांगली लागते असे ऐकून आहे. फोटू तर छानच आलाय. माझ्याकडे पुरणयंत्र आहे म्हणून ठीक आहे नाहितर मिक्सरमध्ये वाटणे जरा अवघड आहे. हिरव्या लोकांपैकी कुणी पुरणयंत्रासारखे दिसणारे बटाटा मॅशर वापरून पाहिले आहे काय?

भूक चाळवल्या गेली! झकास!

कणिक वापरुन केलेली पुपो असल्याने दिसायला जरी पोळी कम पराठा असला तरी फोटो वरुन ती मउसुत असणार असच वाटतय. माताय आज काय टेस्ट रन होती की काय मीली आणि सानिकाकडे. दोघींनी ताबडतोब दोन दोन पुपो सँपल म्हणुन पाठवुन द्याव्या. मग आम्ही अंतिम निर्णय देउ. ;)

पुरणपोळी दह्या बरोबर? काहीतरी विचित्रच वाट्टंय.... तेच आंब्याच्या रसाबरोबरही... ना धड रसाची मजा, ना पुरणपोळीची! विदर्भ - मराठवाड्यातली पुरणपोळी ही पुणे-मुंबईकडच्या पुरणपोळीपेक्षा वगळी असते असं काही आहे का? विदर्भ - मराठवाड्यातल्या पुरणपोळीतलं पुरण ओलं, आणि मऊ असतं आणि पोळीतही खचाखच भरलेलं असतं. अशी पुरणपोळी करणे एक कलाच आहे! त्यापेक्षा पुण्यामधे खाल्लेल्या पुरणपोळीतलं पुरण हे जरा अती कोरडं, आणि भुसभुशीत होतं. पोळीचा घास तोडला की कोरडं पुरण बाहेर पडतं. ते मला स्वतःला आवडत नाही. पण त्या बरोबरची कटाची आमटी मात्र अप्रतीम!

मला तरी वरची पुरणपोळी छान, मऊ वाटते आहे. शिवाय कणीक तिंबण्याचे कष्ट कमी वाटत आहेत. पुरणपोळी थोडी कमी श्रमांची वाटते आहे. दह्याशी कशी लागेल कल्पना नाही, पण मला दुधातही जेमतेम बुडवायला आवडते. पुण्याकडे असे माहिती नाही, मी मुंबईकडेही अशीच कोरडी पुरणपोळी पाहिली आहे. पण त्यात गूळ नसतो, साखर असते असे वाटते. खूप पदरी पुरणपोळी करायची असल्यास त्यात मैदाच वापरत असावे आणि तेलही भरपूर असावे. मालती कारवारकरांच्या पुस्तकात प्रचंड तेल घालून, मैदा घालून, पुरणपोळ्या सुगरण बायका करतात त्यांची थोडी थट्टाच केली आहे. आधी माझे याबद्दलचे मत असे होते की एकदा कधीतरी जन्माच्या कर्माला पुरणपोळ्या वर्षातून खायच्या त्या एवढा विचार करून हेल्दी करून कशाला? पण नंतर मला कारवारकर बाईंचे म्हणणे पटले. जर पक्वान्ने नेहमीच होत असली (जशी आजकाल होतात) तर ती जरा बेताने केलेली बरी. ही आता पुरणपोळीवरून वेगळीच चर्चा चालली आहे तर त्यात भर घालते. :) मी एकटी स्वयंपाक करू लागले तेव्हा मला नेहमीचे पदार्थ सोडले तर काहीही येत नसे. आमच्या घरातून हे असे ठरवून गृहशिक्षण देण्याचे प्रमाण वगैरे कमीच होते. :) नंतर मी माझीच शिकले. पुस्तकांत बघून, घरी फोन करून विचारून वगैरे. लग्नानंतरच्या पहिल्या वर्षात केलेल्या माझ्या पुरणपोळीला पराठा काय, नवरा पुरणाची भाकरी केली आहे असे म्हणाला. आमच्या सासरी पुरणपोळी करतात, ती वर म्हटल्याप्रमाणे भरपूर, ओले पुरण घालून. शिवाय सासरी सगळ्या बायका भारी सुग्रणी. त्यामुळे नवर्‍याला काय खायला लावले अशी मला जरा लाजच वाटली. आता मात्र मला बर्‍यापैकी पुरणपोळ्या करता येतात. हा मी केलेल्या पुरणपोळ्यांचा मागे कधीतरी मिपासाठीच काढलेला फोटो. (आता परत करायला हव्यात).

पुरणपोळी आणि दही हे एक डेडली कोंबिनेशन आहे. तूप,दूध किंवा कटाच्या आमटी पुरणपोळी खातात. खाउन पहा चांगले लागेल. होळीच्या मनःपुर्वक शुभेच्छा !

मी तरी पुरणपोळी दह्यासोबत कधी टेस्ट केली नाही. आता टेस्ट करुन पाहतो.. म्हणजे उद्याच.. बाकी पुरणपोळी आवडली. - पिंगू

पुरणपोळी आणि दही हे कॉम्बिनेशन काही तरी निराळंच वाटतंय !! पुरणपोळी आणि तिच्यावर नको-नको म्हणत असताना बळे-बळे वाढलेलं भरपूर साजूक तूप ही माझ्या दृष्टीने पुरणपोळी खाण्याची खरी मज्जा !! (पंगतीला बसल्यावर पाचेक पुरणपोळ्या सहज रिचवणारा)

आई & आजीच्या हात्च्या खापरा वरच्या पुपो काय झक्कास......................................

मला पण खापरावरच्या पूरणपोळ्याच जास्त आवडतात . खापरावरची पूरणपोळी सोबत आंब्याचा रस आणि कटाची आमटी -भात व भजे,कुरडई ,पापड व्वा मस्तच बेत होईल :)

दही आणि पुरणपोळी ? छान छान ! मध्ये एकदा कोकम सरबात घालुन रम पिली होती. तशीच चव लागेल बहुदा ह्याची.

खांदेशाच्या मांडाच्या पोळीची पण शिफारस करायला हवी होती. मांडाच्या पोळीची मजा पण काही वेगळीच असते. १९७९ च्या सूमारास मी जळगावला शिकायला गेलो असताना वसतीगृहातीला मावशींनी मांडाच्या पूरणपोळीची सिद्धता केली होती. आज मनापासून त्याना धन्यवाद द्यावेशे वाटते. पूरणपोळीला जवळपास ७००+ वर्षाचा इतिहास आहे. मीली ताईंनी कालोचित लेख प्रसिद्ध केल्याबद्दल धन्यवाद. सौ नी आताच एक महत्त्वाची गोष्ट सांगितली. आताच्या काळात ( सिझन) मध्ये गहू आणि चणादाळ नवी आली असते. त्या अन्नपदार्थांना मान म्हणून सुद्धा पुरणपोळी केली जाते. ( घ्या पुपो चा इतिहास ७०००+ वर्षापर्यंत गेला की....)

दिस्तेय पुरण पोळी.

मी आपली आणी सानीकाची रेसेपी वाचुन १ दा पुरणपोळी केली होती,छान झाली होती धन्यवाद