Skip to main content

समाज जीवनाचा आरसा- मिपा.

लेखक प्यारे१
Published on सोमवार, 07/02/2011
बर्‍याचदा मिपावर नवीन काही आले की ते आणि त्यावरच्या प्रतिक्रिया वाचल्यावर लोक कसे कसे असू शकतात त्याची जाणीव होते. पानभर लेखावर दाणकन दिलेल्या पानभर प्रतिक्रिया, सटासट दिलेले संदर्भ, खपकन काढलेले जुने/ नवे मुद्दे (अनासपुरे स्टाईल), प्रतिक्रियांमधे असलेला आणि दाखवून दिला गेलेला विरोधाभास, भराभर आलल्या लिंका, एकमेकांची खेचाखेची आणि बरेच काही..... सगळे बघितले की वाटते ही माणसे 'ल....य भारी' असतील. काही विद्वज्जनांचे वर्च्युअल चेहरे देखील डोक्यात फिट्ट झालेत. काही लोक षटीसामाटी तरी हसत असतील का किंवा त्यांना विनोद अजिबात कळत नाही का अशा पद्धतीचे वाटतात. अतिशय पोरकट आणि खेचू प्रतिक्रियेवर आलेली समीक्षापूर्ण, गंभीर आणि पानभर प्रतिक्रिया कधी कधी ' काय शॉट आहे राव डोक्याला' असे म्हणायला भाग पाडतात. काही लोक निव्वळ टवाळी करण्यासाठी येतात. तर काही आपले बोळे काढण्यासाठी. हे बोळेकाढू स्वतःच्या इतके प्रेमात असतात की असे वाटते प्रत्यक्ष भेटले तर गदागदा हलवून 'रां**, जरा उठून जगाकडे बघ की रे भा*' असे म्हणावे. वय किती, पगार किती, बोलतात किती??? काही लोक प्रत्यक्ष प्रचंड वैताग असले तरी इकडे 'अगदी म्हणजे अगदी सगळं कसं छान चाललंय वगैरे असं' म्हणणारे नायगावकरी. महिला मंडळ बर्‍याचदा छानपैकी गूडीगूडी, तरल, स्वप्नांना शब्दबद्ध करणारं लिहिणारं. सन्माननीय आणि 'ठळक' हा शब्दही 'पुसट' करणार्‍या अपवादांबद्द्ल नाही मी बोलत. तो विषय वेगळा. मिपावरील चान चान मंडळींनी बनवलेल्या तरला दलालला काँप्लेक्स येईल अशा सुंदर पाकृ बघूनच पोट भरते. दृष्ट लागू नये म्हणून लावल्या जाणार्‍या 'काळी तीट' सारखे काही लोक आणखीच मजा आणतात. विषयाशी पूर्ण विसंगत, मी एकटाच शहाणा/णी, वास्तव जगात असलेल्या पद, प्रतिष्ठा, संपती, वय (?) यांचा कळत नकळत आलेला आणि आंतरजालावर वावरताना न सोडता आलेला अहंकार, स्वतःचेच खरे म्हणण्याची वृत्ती, त्यातून होणारे वाद विवाद मजा आणतात. जवळपास तीन वर्षे मिपा वाचतोय. वर लिहिलेल्या गोष्टी जाणवल्या. लिहिल्या. कुणाचा हिरमोड, अपमान करण्याचा हेतू अजिबात नाहीये. एवढेच म्हणेन की हा मिसळ्पाव सगळ्यांचीच बौद्धिक भूक भागवतोय. अगदी चौरसच नाही तर सर्वरस आहार देऊन.
वाचन संख्या 4272
प्रतिक्रिया 23

प्रतिक्रिया

पर्नल नेने मराठे सोमवार, 07/02/2011
लोक कसे कसे असू शकतात हे कळले आहे तुम्हाला मग प्रत्येक आयडीचे वर्णन करा ;) मजा येइल ना!!!

मुलूखावेगळी सोमवार, 07/02/2011
बर्‍याचदा मिपावर नवीन काही आले की ते आणि त्यावरच्या प्रतिक्रिया वाचल्यावर लोक कसे कसे असू शकतात त्याची जाणीव होते.
त्या जाणीवेपेक्षा कोनितरी काहीतरी इथे लिहिते तेव्हाच ते वाचन्यासाठी लोक येतात ना भौ. प्रतिक्रिया मधे असलेले/नसलेले नालेज/शंका दाखवले नाही तर ते कळेलच कसे ? कोनापर्यन्त जाइलच कसे? बाकि प्रतिक्रिया ह्या लिहिनार्याच्या मूडवर डीपेन्ड अस्तात असे मला वाटते आता आज मला खव बोर झालिये तेव्हा प्रतिक्रिया झिन्दाबाद ;) तुमचा नाव वाचले तेव्हा वाटले काहीतरी खारे वाचायला मिळनार पन खरेच प्यारभरा आहे. आनि तुम्हला खोडन्यासाठी नाही पन जीवनाचा आरसा सगळीकडेच बघाय्ला मिळतो ना मी घराबाहेर राहते माझी प्रत्येक रुममेट वेगळी आहे. इव्हन कंपनीतले कलिग्ज वेगवेगळ्या प्रकारची आहेत.मी तर मुलूखावेगळी आहेच.

५० फक्त सोमवार, 07/02/2011
"काही लोक प्रत्यक्ष प्रचंड वैताग असले तरी इकडे 'अगदी म्हणजे अगदी सगळं कसं छान चाललंय वगैरे असं' म्हणणारे नायगावकरी" - नावे न घेतल्याबद्दल अतिशय धन्यवाद. बाकी आपलं निरिक्षण चांगलं आहे, असं करा तुम्ही वेगवेगळ्या कॅटॅगरी तयार करा आणि सगळ्यांना त्यांना वाटणारे आयडि ज्या त्या कॅटॅगरीत टाकु देत. लई मजा देतील. अवांतर - तरला दलाल कोण, त्या आता रिटायर्ड झाल्या आहेत ना ? हर्षद.

५० फक्त सोमवार, 07/02/2011
आवडलं हो निश्चितच, फक्त अपवाद त्या प्लॅस्टिकच्या प्लेटचा बाकी शिरा एकदम मस्त होता, आणि पोळ्या भाजलेल्या, पुर्वी हा खानावळवाला फार चांगल्या जेवणासाठी प्रसिद्ध नव्हता. त्या पेक्षा आमचा खालचा डिके (एचसिसि जुनं कँटिन) खुप चांगला होता. हर्षद.

सूर्यपुत्र सोमवार, 07/02/2011
अजून एक निरिक्षण : आयडी आणि त्यांची त्यांच्या नावाशी एकदम विसंगत कॄती. उदा. : "सूर्यपुत्र." आता सूर्यपुत्र म्हटल्यावर एक कसे झगमगीत आणि तेजस्वी व्यक्तिमत्व उभे राहते की नाही? पण अज्जिबात नाही. हा म्हणायला सूर्यपुत्र, पण एवढ्या फालतू आणि आचरट प्रतिक्रिया देतो, की विचारता सोय नाही. अश्या वेळी आयडीची आठवण करून द्यावीशी वाटते...... आपल्याला काय वाटते? -सूर्यपुत्र.

शुचि सोमवार, 07/02/2011
सूर्यपुत्र = शनि शनि हा झगमगीत , तेजस्वी नसून कृष्णवर्णी , अत्यंत मंद (एकेका राशीत ७ आणि१/२ वर्षे काढणारा) असा ग्रह आहे. छायेचा पुत्र असल्याने हा तेजस्वी अजिबात नाही तर काळा आहे.

सूर्यपुत्र सोमवार, 07/02/2011
तरीचऽऽऽऽऽ...!!!! आत्ता कळाले. आणि शनी लंगडा पण आहे का? अज्ञानाच्या अंध:कारावर उजेड टंकल्याबद्दल आभारी आहे. -सूर्यपुत्र.

शुचि सोमवार, 07/02/2011
या पहा शनिमहात्म्यातील ओळी - शनैश्वराची मूर्ती काळी|तो जातीचा होय तेली| चरण पंगु सुरत चांगली|पूजा करी काळभैरवाची|| त्याची दृष्टी पडे जयावरी|करी तयाचा चकनाचूर|अथवा कृपा करी जयावरी|तयासी सर्व आनंदच प्राप्त होय|| होय पंगू दिसतोय शनि

सूर्यपुत्र सोमवार, 07/02/2011
दुसरं कोणी (इच्छा असूनही?) असं तोंडावर सांगत नव्हतं. :( कुणालातरी हे काम करणे आवश्यकच होते ना....... म्हटलं चला... :) तुम्ही बोलता का? बोला कीऽऽऽ ;) -सूर्यपुत्र.

मुलूखावेगळी सोमवार, 07/02/2011
कुणालातरी हे काम करणे आवश्यकच होते ना....... म्हटलं चला... Smile
उत्तम
तुम्ही बोलता का? बोला कीऽऽऽ
पन मी तुम्हाला ओळखत नाही/ऑब्सर्व केले नाही आनि हे ओळख्/ऑब्सर्व केले तरी इतके डायरेक्ट अ‍ॅटॅ़क करत नाही. चेष्टा मस्करी पर्यन्तच मर्यादित.

स्पा सोमवार, 07/02/2011
हा हा हा हा हा शुची ताई एकदम जबऱ्या !!!!!!

रमताराम सोमवार, 07/02/2011
आम्हाला नुसताचा काळा चौकोन दिसतोय इथे. नक्की काय सुचवता आहात तुम्ही? :) नुसत्या 'पाया'ने काय राव लोक हाताने, डोक्याने, कळफलकाने कशाकशाने लढतात, नि त्या विडोमधे दाखवले आहे तसे नक्की कशासाठी लढतायत तेच कळंना झालंय राव. एकदम समर्पक प्रतिसाद.

विजुभाऊ सोमवार, 07/02/2011
इथे काही आयडी आहेत त्यांची नावे खचलेला दरबार , जृंभणश्वान , अजानुकर्ण अशी आहेत त्यांचे वर्णन करता येईल का?

आत्मशून्य मंगळवार, 08/02/2011
तूम्हीबी ना वाइच शेंटी हू रायलाय, मिपाच्यानं. असो, मस्त लीहलय थोड जास्त स्पेचिपीक आन मोठ्ठ लीवलं आस्तं तर आनं जास्त मजा आली असती. पू.ले.शू.

विकाल बुधवार, 09/02/2011
मिपा वर सगळ्यात जास्त उणीव जाणतेय ती जे पी मॉर्गन यान्ची...! अगदी सुन्दर लेख आहेत यान्चे..! सदस्य होण्या आधीपासून वाचायचो..! 'एका खेळीयाने' तर अप्रतिम मालीका होती. समाज मनाच्या आरश्याचा हा कन्गोरा विलक्षण आहे.