घोषणा

सहमत

शंका : 'एखादा' संपादकाचे जर असे वर्तन असेल तर त्या 'एखाद्या'च्या साठी काय धोरण आहे ? माझ्या अल्प माहितीप्रमाणे कुठलाही सदस्य आचारसंहितेच्या कक्षेबाहेर नाही. जेव्हा एखाद्या लिखाणाबद्दल आक्षेपार्ह काही दिसते तेव्हा संपादकांना कळवण्याची पद्धत आहे. एखाद्या संपादकाचेच लिखाण चुकीचे वाटले तर नीलकांत/सरपंच यांना कळवण्याची सोय आहे.

नीलकांतशी संपर्क साधावा. अन्य कुठेही संपादक म्हणून केलेल्या कृतीचे संदर्भ देऊ नये. एक सदस्यं म्हणून त्यांच्या लेखण आणि प्रतिक्रियेविषयी काहीही विशेष वागणुक नाही. मात्र संपादकांच्या संपादकीय कृतीवर लेख, प्रतिक्रिया किंवा खरडवहीत सुध्दा आक्षेपार्ह्य लिहू नये. सरळ नीलकांतला व्य. नि. करावा. - नीलकांत

मुक्तसुनीत चतुरंग रेवती विकास चित्रा नंदन प्रियाली बिपिन कार्यकर्ते केशवसुमार प्राजु मृदुला प्रा.डॉ.दिलीप बिरुटे नीलकांत रामदास छोटा डॉन निखील देशपांडे याउपर अजुन कुणी असल्यास जाणकारांनी भर घालावी

neelkant[dot]akl[at]gmail[dot]com बाकी वरच्या लेखात आमोद शिंदेंनी संपर्क साधावा असे म्हटल्यावर ईमेल न देण्याचे कारण त्यांना माझा ईमेल आणि मोबाईल नंबर दोन्ही ठाऊक आहेत हे मला माहिती आहे. बाकी शाहरूख यांनी काळजी करू नये. - नीलकांत

सभासद न होता ही (किंवा लॉग इन न करताही) अ‍ॅडमिनला इमेल करायची सोय हवी. (हा मुद्दा मी पुर्वीही मांडला होता.)

नीलकांत.एकेएल्@जीमेल.कॉम वर एका प्रतिक्रियेत हा ईमेल पत्ता दिला आहे तोच सद्या वापरावा. थोड्या दिवसांनी मिसळपावचा ईमेल देतो. मिसळपावच्या शेवटी संपर्क असे पान लावण्याचा विचार आहे. मात्र सरळ मेल पाठवता येईल अशी सोय करू नये असा विचार आहे. कारण लोकायत.कॉम वर अशी सोय केल्यावर अनेक कंपण्यांमध्ये ती मेलींग साईट म्हणून बंदी घालण्यात आली. सबब ईमेल पत्ता उपलब्ध करून देण्यात येईल. - नीलकांत

आयपी बॅन करायच्या पराच्या मताशी सहमत.

तसेही सध्या कोणी सर्विस प्रोव्हाइडर्स डायनामीक आयपी उपलब्ध करुन देतच नाहीत. असहमत. बीएसएनएल ब्रॉडबँन्ड सेवा डायनामिक आयपीचा वापर करुन असते. तसेच इतर देशांतील काही सेवादाते तसे असु शकतात. उच्छाद मांडणारे बहुधा प्रॉक्सीचाच वापर करुन मिपावर येत असतील. सबब आयपी बॅन या पद्धतीने आळा घालणे अशक्य आहे.

मिसळपाव हा खुला चर्चामंच आहे. येथे होणार्‍या चर्चा सर्वांना वाचायला खुल्या आहेत. मात्र येथे चर्चांमध्ये सहभागी होण्यासाठी किंवा लिहीण्यासाठी सदस्यं होणे आवश्यक आहे. त्यासाठी सदस्यंनाम घेऊन सदस्यं येथे येतात. येथे आल्यावर आपल्या आवडी नुसार ते लेख लिहीतात किंवा प्रतिक्रिया देतात. अशा वेळी त्यांच्या लेखन किंवा प्रतिक्रिया आवडल्यावर इतर लोक त्यांना प्रतिसाद देतात. अश्या वेळी हा आयडी(सदस्यं नाम) हे एक व्यक्तीमत्व धारण करते. त्या आयडीला लोक आपल्या प्रतिक्रियांत स्थान देतात. शेवटी या समानशीले... आयडींचा एक कंपू होतो. अशी प्रक्रिया आहे. अश्या वेळी जेव्हा आपले लिखान किंवा प्रतिक्रिया आपल्याला ओळख देतात तेव्हा हा आयडी आपल्याला महत्वाचा होतो. या आयडीवर जर कारवाई झाली तर या आयडीची आजपर्यंतची प्रतिमा वाया जाते. नवीन आयडीने येता येते मात्र मग प्रत्येकाला सांगत सुटावं लागतं की मी कोण ते. त्यामुळे शक्यतो असं सहसा लोक करत नाहीत. जे लोक त्रास देण्यासाठी येतात त्यांना बॅन करणं व्यवस्थापनाचं काम आहे. ते ते करतीलच. कारण मिपा चांगलं चालण्यासाठीच ते काम करतात. माझ्या वरच्या म्हणण्याला दुजोरा देण्यासाठी मी काहीस सदस्यंनावे येथे देतो. की त्यांची नावे घेतली की त्यांची व्यक्तीमत्वे आपल्यासमोर उभी राहतात. (आयडीची व्यक्तीमत्वे) विसोबा खेचर सर्कीट संजोपराव अजाणुकर्ण परिकथेतील राजकुमार पुण्याचे पेशवे अवलीया टारझन धमाल मुलगा आनंदयात्री सहज चतुरंग मुक्तसुनीत रामदास ही सर्व यांची खरी नावे नाहीत मात्र आपल्याला हे लोक याच नावाने माहिती आहेत. आणि याच नावाने आपण यांचे मित्र, फॅन(पंखे) आहोत. ही मैत्री पुढे जाऊन प्रत्यक्ष फोन किंवा भेटी पर्यंत जाते. मात्र मग प्रत्यक्षात त्यांची नावे हीच उच्चारली जातात असाही अनुभव आहे. अश्यावेळी ज्यांना मिसळपाव माहिती नाही त्यांना ह्या नावाचा संदर्भ लागत नाही. :) त्यामुळे मिसळपाववर कारवाई ही त्या आयडीवरची असते. आयपी बॅन केला जाऊ शकतो. मात्र सहसा तसे करत नाही. मिसळपाववर एखाद्या सदस्याचे वागणे ठीक नसले आणि त्यामुळे वातावरण बिघडत असेल तर तसे त्या सदस्यास सांगीतले जाते. अनेकदा सांगूनही त्याने न ऐकल्यास शेवटचा उपाय म्हणून त्याला प्रतिबंधीत केल्या जाते. असे करतांना त्याला मिसळपावच्या साहित्यापासून दूर ठेवणे हा हेतू नसतो तर त्याला मिसळपाववर लेखन करण्यापासून दूर ठेवणे हा आहे. मिपावर अनेक त्रासदायक सदस्यांना अश्या सूचना दिल्या जातात. त्याची जाहीर चर्चा होत नाही. मात्र असं होत राहतं. - नीलकांत