भारताच्या भूमीवर तिरंगा फडकविल्यास हिंसाचार उफाळेल हे स्टेटमेंट कसं योग्य आहे? तिरंगा फडकवण्यापूर्वीच हिंसाचार उफाळेल याची खात्री करून घेण्यात येत आहे असं असेल तर?? तो भाग संवेदनशील आहे हे मान्य पण अखंडता आणि एकात्मतेसाठी तिथे तिरंगा फडकवण्यात येत असेल तर त्यात गैर काय आहे? आणि तिरंगाच ना, कुठल्या धर्माचा ध्वज तर तिथे कोणी फडकवत नाहीये ना! अखंडता आणि एकात्मतेसाठी तिथे तिरंगा फडकवण्यात येत आहे हे महाचूक गृहीतक. भाजप "यात्रा" "चलो" असे शब्द वापरून जो रंग दाखवत आहे त्याने तुम्हाला अखंडता, एकात्मता हा हेतू दिसत असेल तर तातडीने फेरविचाराची गरज आहे. संघ, भाजपच्या परिवारात घट्ट मुरलेल्या घरात वाढूनही हे माझं असं स्पष्ट मत आहे. उद्देश नक्कीच भडकवण्याचा आणि राजकीय फायदा उठवण्याचा आहे. राजकीय फायदा सगळेच घेतात. पण हा मार्ग दुरित वाटतो.. कोकणात गणपतीची मिरवणूक मशिदीशेजारून मुद्दाम न्यायची आणि त्यावेळी कर्णे आणि लेझीम सर्वात जोरदार दणकवायचे.. हे मी लहानपणापासून पाहिलं आहे. आता मिरवणूक कुठूनही जाऊ शकते तशी ती मशिदीवरूनही जाऊ शकते. त्यात टेक्निकली काही चूक दिसत नसलं तरी कुरापत काढण्याचा स्वभावहेतू दिसतोच. रोज कर्ण्यावरून प्रार्थनेचा आवाज करता.. मग घ्या एकदाच स्कोअर सेटलिंग.. असा उद्देश भडकावू नाही तर काय म्हणायचा ? शेवटी भडकले की भोगणार आहे तिथली जनता... काडी लागली की भडका उडायच्या आत हे चलो वाले येणार चलो वापस करुन लगेच घरी पुण्या-मुम्बईस... आपण इथे बसून गप्पा मारणार..