ही आणि कुठली नवीन रास? कधी आली? कोणी शोधली?

अहो. कुठल्या गोष्टीला लॉजिक लावायचा प्रयत्न करता आहात?असे प्रश्न या शास्त्रात अर्थहीन आहेत.जन्म म्हणजे नेमका कधी धरायचा?एकाच अपघातात मेलेल्यांचा मृत्युयोग एकत्रच कसा?असे 1000 प्रश्न काढता येतात.त्याला उत्तर म्हणून तुमचा अभ्यास कसा कमी आहे हेच ब-याचदा दाखवलं जातं. असो.चालूदे.

कोणते तरी मंत्र पुटपुटुन करोडो मैलांवरच्या ग्रहांची शांती होते , हे पाहिले तेंव्हा अंमळ हसु फुलले होते :) - प्लुटोझन

१३ वी आली ती ईंग्रजी रास. आपली असते ती चंद्ररास :) कशाला फुकट डोक्याला कल्हई करुन घेता राव??

१३ वी रास 'आल्या'मुळे सगळ्यांच्याच राशी कशा काय बदलणार? रास म्हणजे काय? सूर्याचा आकाशात दिसणारा (भासमान) भ्रमणमार्ग १२ (याला इंग्लिशमधे एक्लिप्टीक म्हणतात. मराठी शब्द?) समान भागांमधे विभागला आहे. तो प्रत्येक भाग म्हणजे एक रास. या प्रत्येक भागाला एक नाव दिलं आहे, उदा: मेष, वृषभ, मिथुन, ... मकर, कुंभ, मीन. ही नावं आली आहेत ती आकाशाच्या त्या-त्या भागातल्या तारकासमूहांच्या नावांवरून. आकाशात एकूण असे ८८ तारकासमूह आहेत असं आता मानलं जातं. वर्षाचा काही काळ असा येतो की सूर्य या नेहेमीच्या १२ राशींपैकी एकाही राशीत नसून (वृश्चिक आणि धनु राशींच्या मधे) भुजंगधारी/Ophiuchus या तारकासमूहात असतो. भुजंगधारीप्रमाणे Cetus (मराठी नाव?) या दक्षिणेकडील (मीन आणि मेष यांच्यामधे) तारकासमूहातही सूर्य काही दिवस असतो. या १३ (किंवा १४) व्या राशींमुळे इतर लोकांच्या राशी बदलण्याचं काही कारण नाही. आणि रास बदलली तर बदलली, काय फरक पडणारे त्यामुळे?

रास म्हनजे काय ?