मुंब्रा देवी

बर्याच दिवसांपासून 'मुंब्रा देवीला'जायचं मनात होतं, पण वेळच मिळत नव्हता, शेवटी काल तो योग आला मी आणि माझा मित्र सौरभ असे दोघे सकाळी प्रचंड थंडीत ५.३० ला निघालो, काहीही करून सूर्योदयाच्या आधी आम्हाला वर पोहोचायचंच होतं (फक्त आणि फक्त सूर्योदय बघण्यासाठी मुंब्रा देवीला जायलाच हव) प्रचंड धुके असल्याने आमचा पचका होणार अशी चिन्ह होती पायऱ्या चढताना बऱ्यापैकी अंधार होता ७ वाजत आलेले होते, आणि आम्ही धापा टाकत कधी एकदा देऊळ गाठतोय या प्रयत्नात होतो शेवटी एकदाचे देवळात पोहोचलो, आणि नारायण अवतरले, समोरचा देखावा अवर्णनीय होता, खाली धुक्यात लपटलेल मुंब्रा गाव, आणि वर असंख्य किरणांनी सोनेरी रंगाची उधळण करणारे सूर्यदेव, फटाफट फोटो काढायला सुरुवात केली हा फोटो विमानात बसून काढलाय असं वाटतंय अस्मादिक देवीचे दर्शन घेतले. फोटो काढायला परवानगी नाही , त्यामुळे इथे टाकलेले नाहीत मुंब्रा देवी म्हणजे "नव दुर्गा" आहे, येथे नऊ देवींच्या मुर्त्या आहेत. मग खाली उतरताना.. एक झकास जागा शोधून बरोबर आणलेल्या खिचडी आणि गरमागरम पोह्यांवर ताव मारला आता पर्यंत मस्त उन्ह चढलेलं होतं, मग देवळाचा सुद्धा फोटू काढला मुंब्रादेवीला जाण अतिशय सोप्पं आहे , मध्य रेल्व्ये च्या 'मुंब्रा' स्थानकात उतरायचं , आणि बाहेर चालू लागायचं समोरच डोंगर आहे, त्यामुळे शोधाशोधीचा प्रश्न नाही. थोडक्यात मस्त सहल.