थंडीपासुन बचाव

(आणि Love Thy Neighbour चे काय?)

शेजार्‍याच्या/शेजारणीच्या घराला आग लावून, मग ते भस्मसात झाल्यावर त्याला/तिला आपल्या घरात (कायमचे?) आणून मग त्याच्यावर/तिच्यावर प्रेम करायला कोणीही नाही म्हटलेले नाही, असे वाटते. डिस्क्लेमरः हा सल्ला नाही. नाहीतर आमच्या त्या मूर्ख पेलिनबाईने वीस खासदारांच्या मतदारसंघांवर बंदुकीच्या क्रॉसहेअरचे चित्र लावल्यावर एका महामूर्खाने खरोखरच त्यांपैकी एका खासदारणीवर गोळी झाडली, त्याचप्रमाणे अवलियाने (अवलियाला महामूर्ख म्हणण्याचा हेतू नाही. निदान अजूनतरी. म्हणजे, दुसर्‍याच्या सल्ल्यावरून खरोखरच तिसर्‍याच्या घराला आग लावत नाही, तोपर्यंत तरी.) जर खरोखरच शेजार्‍याचे/शेजारणीचे घर जाळून त्याला/तिला आपल्या घरी कायमचे राहायला बोलावले, तर चिथावणीचा आळ आमच्यावर यायचा. सार्वजनिक मंचांवर - मग ते वेबसाइटवर असो, ट्वीटमधून, प्रतिसादांतून, खरडवहीत, किंवा आणखी कोठे किंवा कसे - काहीबाही बेजबाबदारपणे लिहिल्यास (किंवा चित्रे डकवल्यास, वगैरे) त्याचे सार्वजनिक परिणाम असतात, ते असे! (अर्थात, मूर्ख पेलिनबाईला हे कधी कळण्याची अपेक्षा नाही म्हणा. आणि आता कळून उपयोगही नाही. द डॅमेज हॅज़ बीन डन.)