चार्ली तर ग्रेट माणूस आहेच.. पण त्याच्याहुन जास्त त्याच्यावर सदैव निस्सीम प्रेम करणारा त्याचा भाऊ सिडने मनात अगदी घरच करुन बसलेला आहे. हसरे दु:ख वाचत होते तेव्हा कितीदातरी उगाच काळजी वाटायची की या भावांमधल्या इतक्या सुरेख प्रेमाला कोणा दुष्टाची नजर तर लागणार नाही ना? पण नाही लागली शेवटपर्यंत तेच त्यांच्या प्रेमाचे यश होते असे वाटले आणि मी मनोमन जबरदस्त सुखावले ! स्वतः इतका अप्रतिम कलाकार आणि त्यातून प्रसिद्ध असुनही माझ्या पोरांना मात्र माझे नाही तर लॉरेलहार्डीचे शो जास्त हसवतात आणि आवडतात हे दिलखुलासपणे सांगणारा त्याच्यातला बाप अत्यंत आवडला. अजुनही भरपुर गोष्टी आहेत पण तुर्तास इतकेच.
मी 'हसरे दु:ख' वाचले होते काही वर्षांपुर्वी पण 'मी चार्ली चॅप्लिन' नाही वाचले अजुन. जुन्या आठवणींना उजाळा मिळाला आणि नविन पुस्तकाची खास ओळखही झाली.. धमाल काम केलंयस, भाग्यश्री. धन्यवाद. आता लवकरच मिळवते ओरिजिनल पुस्तक आणि वाचून काढते.
अवांतर : ऍमेझॉनवर डेबिट कार्डसुद्धा चालते का पुस्तकांची खरेदी करायला की क्रेडीट कार्डच लागते?
मला हसरे दुख्ख वाचायचंय अजुन.. कधी वाचणार कुणास ठाऊक.. :(
अग, मी ट्राय नाही केलं कधी, रादर मी ऍमेझॉन वर पुस्तकाची माहीती पाहायला गेले होते.. विकत कसली घेतीय.. :( काश..
एनीवेज, मी लायब्ररीत शोधणार आता..
आपण ना, आवडलेल्या पुस्तकांवर लिहीत जाऊया.. कुठली वाचायची वगैरे कळते.. ना?
भाग्यश्री,
>आपण ना, आवडलेल्या पुस्तकांवर लिहीत जाऊया.. कुठली वाचायची वगैरे कळते.. ना?
सूचना तर अत्यंत स्वागतार्ह आहे पण मला नाही जमत आताशा इतकं मनापासून लिहायला. असो. जमेल तसा खारीचा वाटा मीही उचलायचा प्रयत्न करेनच.
चार्लीबद्दल आणिक सांगायचं तर तोही डावखुराच ! डावखुर्यांना वाजवायला जमावे अशा रीतीने त्याने व्हायोलीनची पुनर्रचना केली होती.. हे वाचून माझ्यासारखी (अर्ध)डावखुरी त्याच्या या उपद्व्यापावर फिदा झाली नाही तरच नवल ! :)
बाय द वे, हसरे दु:ख नक्की वाचशील. ( माझ्या आईची छोटीशी घरगुती लायब्ररी इथे असती तर तिला सांगून सरळ पुस्तकच ऑफर केले असते तुला पण... असो. )
भाग्यश्री,परिक्षण आवडले.
पुलंनी लिहिलं आहे,त्यांनी जेव्हा चार्लीला प्रत्यक्ष पाहिलं तेव्हा तो एका उंचावरील गॅलरीतून भक्तांना दर्शन देत होता आणि त्या गर्दीत पुलही होते. त्याला पाहिले आणि पंढरीच्या विठोबाला ज्या भक्तीने वारकरी हात जोडतो तसे हात जोडले गेले आणि डोळ्यात कृतार्थतेचं पाणी!
त्याची आठवण झाली.
स्वाती
परिक्षण छान दिलं आहेस. मलाही हसरे दु:ख आणि मी चार्ली चाप्लिन हे वाचायचं आहे.
तू छान ओळ्ख करून दिली आहेस.
- (सर्वव्यापी)प्राजु
http://praaju.blogspot.com/
सविस्तर हवी होती पण तरिही हरकत नाही प्रयत्न स्तुत्य!
(अवांतर - वर डकवलेल्या 'द किड' ह्या प्रसिद्ध चित्रपटातल्या फोटोतला चार्ली बरोबरच बालक हा पुढे प्रसिद्ध झालेला अमेरिकन अभिनेता जॅकी कूगन आहे.)
चतुरंग
चांगलं लिहिलयं परिक्षण. आवडलं. मी लहानपणी चार्लीचे बरेच सिनेमे पाहीले होते. तुझा लेख वाचल्यावर ते आठवले. चार्ली खरोखर एक महान कलाकार होता.
>>(अवांतर - वर डकवलेल्या 'द किड' ह्या प्रसिद्ध चित्रपटातल्या फोटोतला चार्ली बरोबरच बालक हा पुढे प्रसिद्ध झालेला अमेरिकन अभिनेता जॅकी कूगन आहे.)
चतुरंगजी चांगली माहिती दिलीत. धन्यवाद.
ईश्वरी
हो अजुन ओळख हवी होती.. पण तेव्हा जेव्हढं लिहीले तेव्हढेच पोस्ट केले.. आता ते पुस्तक पण नाही मिळणार मला.. नाहीतर एखादा प्रसंग , किंवा जनरलच अजुन वाढवता आले असते..
असो.. धन्यवाद सगळ्यांना..!
http://bhagyashreee.blogspot.com/
प्रतिक्रिया