Skip to main content

एक सकाळ निसर्गाच्या सान्निध्यात

लेखक सर्वसाक्षी यांनी शुक्रवार, 31/12/2010 18:47 या दिवशी प्रकाशित केले.

येऊरच्या पलिकडे डोंगराच्या पायथ्याशी संजय गांधी राष्ट्रिय उद्यानाचे एक प्रवेशद्वार आहे. या द्वारातुन आत शिरले की ३-४ तास मनमुराद भटकता येते. यावेळी काही पाने व फुले टिपायचा प्रयत्न केला आहे.

प्रदुषणाला भेदून अखेर सूर्य वर आला!
चित्र उपलब्ध नाही

सूर्याला टिपून जंगलाच्या दिशेने जाउ लागलो तर वर मावळता चंद्र दिसला

चित्र उपलब्ध नाही

तुर्‍यांची फुले माळावर डोलत होती

चित्र उपलब्ध नाही

पावसाळा संपून बरेच दिवस झाले तरीही अनेक प्रकारची गवत फुले फुलली होती. ही फुले अगदी लहान म्हणजे ३-५ मिलिमिटर इतकी बारीक होती. एका जागी नाजूक गुलाबी फुलांच्या तृणसदृश रोपांचे बेट दिसले

चित्र उपलब्ध नाही

थोडे पुढे वाळक्या गवतामध्ये विखुरलेली मुळ्याच्या पाल्यासारखी पाने असलेली बारीकशी पिवळी फुले असलेली वनस्पती अधून मधून डोकावत होती. या रोपाच्या पानांवर व फुलाच्या देठावर काटेरी लव होती. फुले इतकी लहान की पाकळ्या केसासारख्या होत्या.

चित्र उपलब्ध नाही

उमलायच्या तयारीत असलेली इवलीशी कळी

चित्र उपलब्ध नाही

उन पडताच किटक - माशा फुलांचा मध चाखायला बाहेर पडले. एका छोट्याशा फुलावर बसलेली ही सोनेरी-तपकिरी रंगाची पाठीवर काळे पट्टे असलेली माशी

चित्र उपलब्ध नाही

जांभळ्या रंगाची अबोलीची फुले कणसातुन बाहेर डोकावत होती. सुकलेले फूल मात्र लाल होते.

चित्र उपलब्ध नाही

चित्र उपलब्ध नाही
हिरवी - तपकिरी उन सावली

चित्र उपलब्ध नाही

गुगल नकाशा? उंचावरून टिपलेल्या भूभागाचा आभास करणारे हे जाळी पडलेले पान

चित्र उपलब्ध नाही

या पानावरची जाळी आणि टपोर्‍या शिरा एखाद्या झाडाचा आभास देत होते

चित्र उपलब्ध नाही

एका ठिकाणी अनेक पानांवर मधला भाग कोळपला होता पण तो तपकिरीच्या अनेक छटा धारण करुन झाडाच्या बुंध्याचे चित्र साकारत होता

चित्र उपलब्ध नाही

मागुन येणार्‍या प्रकाशामुळे प्रकाशमान झालेल्या पानवर अशीच करपणी कोळ्याच्या जाळ्यासारखी भासत होती
चित्र उपलब्ध नाही

लेखनविषय:
लेखनप्रकार
वाचने 14087
प्रतिक्रिया 32

प्रतिक्रिया

स्मिता. बुधवार, 05/01/2011 16:17

सगळे फोटो छानच आहेत. पण पहिला फोटो जरा खटकला. सूर्याच्या वरच्या पिवळ्या भागाला तांबडी बॉर्डर कशी येणार? कदाचित फोटोशॉप मध्ये सुधार करताना काहितरी कमी-जास्त झाले असावे.
पण गणपा भाऊंच्या पण त्या पहिल्या फोटुतला सुर्यनारायण जरा जास्तच मेकप करुन आलाय अस नाही वाटत या वाक्यावर खूपच हसू आलं :))

सर्वसाक्षी बुधवार, 05/01/2011 19:20

ते रंग फोटोशॉप मध्ये मुद्दाम रंगविलेले नाहीत. असे दुहेरी रंग येण्याची कारणे ही असू शकतातः
एकतर प्रकाशाच्या उगमावर सरळ किरण साधल्याने
किंवा लेन्सवरच्या फिल्टर मुळे
धन्यवाद

स्मिता. गुरुवार, 06/01/2011 16:15

आपण म्हणता ती कारणे असू शकतात. त्या क्षेत्रात माझे ज्ञान नसल्याने आणखी बोलता येणार नाही.

निनाद मुक्काम … शुक्रवार, 31/12/2010 21:03

अरे वा
ह्या उद्यानात सूर्य त्राटक करायला एकदम योग्य जागा आहे .
बाकी पुढच्या वेळी आपल्या फोटो ग्राफी छंद का व्यवसाय हे सांगून जरा आपल्या कलेविषयी अनुभव सांगावे .
शिकाऊ उमेदवाराला योग्य ते मार्गदर्शन नि हुरूप मिळेल .
येथे युरोप म्हणजे बालकवीची कविता (हिरवे हिरवे गालिचे )
आम्हालाही अधन मधन सुरसुरी येते .पण कुठून सुरवात करावी ?
.
सुरवातीला कोणता केमेरा असावा .?
येथेच घोडे अडखळते

स्वानन्द शनिवार, 01/01/2011 10:48

प्रत्येक फोटो केवळ अप्रतीम!! कॅमेरा कोणता वापरला आपण?

बाकी त्या पानांमध्ये लपलेली नक्षी टिपणार्‍या तुमच्या नजरेला सलाम.

नाखु शनिवार, 01/01/2011 15:03

या क्षेत्रातिल मुशाफिरीला... मिपाकरांना सहभागी केल्याबद्दल धन्यवाद...

ज्ञानराम शनिवार, 01/01/2011 15:09

खरच .. स्वानंद याच्यांशी सहमत... सूरेख फोटो काढले तुम्हि , तूमची नजर पारखी आहे.....

सर्वसाक्षी शनिवार, 01/01/2011 16:51

सर्व मिपाकरांचे मनःपूर्वक आभार.

सगळीच चित्रे फोटोशॉप मध्ये सुधारीत केली आहेत. मात्र फोटोशॉप चा उपयोग चित्र अधिक उठावदार दिसण्याच्या दृष्टीने केवळ तीव्रता/ प्रकाश/ रंग संतृप्तता यात आवश्यक ते फेरफार करण्यापुरता केलेला आहे. मूळ प्रतिमेत बदल/ नसलेले काही चिकटवणे/ अनावश्यक वा खटकणारी विसंगती असलेला भाग काढुन टाकणे वगैरेसाठी फोटोशॉप वापरलेले नाही. तसे वापरल्यास ते चित्रणकौशल्यापेक्षा संगणक कौशल्य ठरावे. आजकाल डिजिटल पद्धतीत फोटोशॉपला ५०% महत्व दिले जाते व प्रत्येक प्रकाशचित्रकाराला फोटोशॉप येणे आवश्यक आहे असे नामांकित मंडळी आवर्जुन सांगतात. मला फोटोशॉप ची माहिती फारच किरकोळ आहे, शिकायची ईच्छा आहे कारण संकलनामुळे प्रतिमेत खूप फरक पडतो व मूळ चित्रापेक्षा सुधारित आवृत्ति अधिक प्रभावी ठरते.

आत्मशून्य बुधवार, 05/01/2011 00:34

वा मस्त फोटो टाकलाय, ऊगीच नाय मारूतीला भूक लागल्यावर ते एक चवदार फळ वाटले.

बाकी फोटो एडीट करून खूलवलेत हे वाचून थोडा हीर्मोड झाला...

प्यारे१ बुधवार, 05/01/2011 14:46

सुंदर प्रकाशचित्रे...

अवांतरः 'एक 'सकाळ ' 'निसर्गाच्या' सान्निध्यात' वाचून उगाचच हसू आले. होल वावर इज आवर...