सर्व मिपाकरांना सूचित करण्यात येते आहे की, श्री अनिल अवचट आणि आम्ही ह्यांचा काहीही संबंध नाही. आदरणीय नंदन ह्यांनी आम्हाला प्रदान केलेले एक अवचटांचे पुस्तक आम्ही वाचलेले आहे, ते आम्हाला आवडले देखील. पण त्याव्यतिरीक्त आम्ही समाजाची कुठलीही सेवा केलेली नाही. आम्ही मध्यमवर्गीय असे स्वतःला समजत असलो, तरी साबुदाण्याची खिचडी खाणे आम्हाला नेहमी जमतेच असे नाही, आणि गरम पाण्याची बादली गेली सतरा वर्षे पाहण्याची पाळी देखील आमच्यावर आलेली नाही. असो. मध्यमवर्गीयांवर आमचा फारसा रागही नाही, लोभही नाही. मुळात आम्ही कुठल्या वर्गात, तेदेखील आम्हाला अद्याप उमजलेले नाही. कारण सो कॉल्ड मध्यमवर्गीय ज्याला पापे समजतात, (म्हणजे उच्च आणि कनिष्ठ वर्गीयांनी केलेली कृत्ये) ती सर्व आम्ही केलेली आहेत. आमच्या कार्पेट खाली कचराच नाही, कारण आमच्याकडे हार्ड वूड फ्लोअर आहे. आम्ही गाणे ऐकताना गाणेच ऐकतो. गायकाला/गायिकेला कुठल्या विद्यापीठाने सो कॉल्ड पदवी दिलेली आहे, ते बघत बसत नाही. पण आमच्या आवडत्या गायकाला अगदी पुणे विद्यापीठाने पी एच डी दिली असली तरी आम्ही त्याचा अपमान करत नाही. असो.