Skip to main content

तरीही तिने मुस्कुरावे कशाला ?...

लेखक मयुरेश साने यांनी गुरुवार, 25/11/2010 21:34 या दिवशी प्रकाशित केले.
पसारे तुझे आवरावे कशाला ? स्वत:ला असे सावरावे कशाला ? झोकून देतो मझ्यातला मी तुझ्यातच असे सापडावे कशाला ? जरा सांज होता तुझी याद येते पारव्याने असे गीत गावे कशाला ? तुझा स्पर्श व्हावा विसावा सुखाचा तुझ्यातून मी वावरावे कशाला ? तुझ्या आठवांनी बिलगता कुशीला दीपकाने असे मंद व्हावे कशाला ? जरा कान देण्या कळी फूल होते भ्रमर गीत ऐकून बावरावे कशाला ? जीव उरला कुठे ? लावण्याला पणाला तरीही तिने मुस्कुरावे कशाला ? मयुरेश साने..दि..२४-नोव्हेंबर-१०
काव्यरस
शृंगार
लेखनविषय:
वाचने 1957
प्रतिक्रिया 11

प्रतिक्रिया

स्वैर परी गुरुवार, 25/11/2010 21:44
मनाला स्पर्श करुन जाणारी कविता!

गणेशा गुरुवार, 25/11/2010 21:53
झोकून देतो मझ्यातला मी तुझ्यातच असे सापडावे कशाला ? तुझ्या आठवांनी बिलगता कुशीला दीपकाने असे मंद व्हावे कशाला ? हे शेर आवडले

अविनाशकुलकर्णी शनिवार, 27/11/2010 10:35
मस्त

अनिल आपटे शनिवार, 27/11/2010 16:06
कविता आवडली एवढी प्रतिभा प्रगल्भ असताना लिहिण्याचा आळस कशाला लगे रहो

चन्द्रशेखर गोखले शुक्रवार, 03/12/2010 23:01
ही गजल..? सुंदर प्राजू म्हणाली तसं लाघवी कविता..!!

दिपक शनिवार, 04/12/2010 10:38
तुझ्या आठवांनी बिलगता कुशीला दीपकाने असे मंद व्हावे कशाला ?
कोण मंद? :-( मस्त कविता! :-)