हैयोंच्या अभ्यासपुर्ण लेखनानंतर

हैयो हैयैयो यांच्या उपक्रमावरील दिवाळी अंकातील लेखानंतर आलेला लेख हा उपक्रमावरच द्यायला हवा होता असे वाटते. तो तिकडेही प्रसिद्ध करावा, अशी विनंती करते. या ताडपट्याच्या मजकुरात व्यक्तीचे नाव व अन्य माहिती त्याने ती न पुरवलेली असता, त्याच्या जन्माच्या आधीपासून केंव्हातरी लिहून तयार असेल तर त्याला काय म्हणायचे? त्याची संगती कशी लावायची? त्याला मानवी विज्ञानाच्या कक्षेबाहेरील म्हणजेच इंद्रीयगम्य ज्ञानाने ज्ञात न होणाऱ्या अदभूत शक्तीचा विलास किंवा लीला मानावे लागेल. कदाचित त्रिमितीच्या पलिकडे सध्या अज्ञात अन्य मितींच्या ज्ञानात त्या गूढाचे उत्तर सामावलेले असेल. इंद्रियगम्य ज्ञानाने ज्ञात न होणारी शक्ती कूट तामिळ लिपीत शाई/किंवा कसलीतरी लेखणी घेऊन का लिहीते? का कोण जाणे मेल ब्रूक्सच्या मोझेसच्या टेन कमांडमेंटांची आठवण झाली. " alt="" />

>>>1. पहिला आक्षेप असा असतो की या ताडपट्ट्यात काहीही लिखाण कुठल्याही भाषेत केलेले नसते. त्या कोऱ्याच असतात. भासवले असे जाते की नाडीवाचक त्यात पाहून त्यातील मजकूर वाचतो आहे....................त्यामुळे या आक्षेपातील खोटेपणा सिद्ध होतो. लोक पण ना ..कैच्या कैच आक्षेप घेतात.. असो. मान्य त्यात काहीतरी लिहीलेले असते. >>>2.दुसरा आक्षेप....................यावर सोपे उत्तर असे की सध्या जे नाडी ग्रंथ पट्टीवाचनाचे काम करतात ते सर्व तमिळभाषी आहेत. ते यातील मजकूर वाचून दाखवतात अणि तो मजकूर परत एका ४० पानी वहीत सध्याच्या प्रचलित तमिळ लिपित पुन्हा लिहून काढतात. यावरून त्या मजकुराची भाषा तमिळ का अन्य कोणती असावी याची खात्री करता येते. कसे काय बॉ? नाही म्हणजे मी कोण्या अगम्य लिपीतला मजकूर मराठीत लिहीला आणि सांगितले की ती अगम्य लिपी म्हणजे मोडी भाषा आहे तर मान्य कराल का? आणि मी अगदी यथायोग्य भाषांतर केले आहे कशावरून? >>>3.तिसरा आक्षेप....................त्यामुळे या आक्षेपात बिलकुल तथ्य नाही. हे लक्षात येते. परत वरचीच शंका.. 4. आक्षेप चौथा ...यापुढे जाऊन हैयहैयैयो त्या ताडपट्ट्यात व्यक्तीच्या बाबत अन्य तपशीलाचे उल्लेख, कसे असतात याचा अभ्यास करून या ताडपट्यांचे फोटो मिळवून यावर आणखी कार्य होणे अपेक्षित आहे. निष्कर्ष जाणण्यास उत्सुक. मागे कोणत्यातरी लेखात वाचल्याचे स्मरते की नाडी केंद्रात photo काढू देत नाहीत आणि voice\ video recording सुद्धा करू देत नाहीत? 5. आक्षेप पाचवा....... जर आम्हा विज्ञानवाद्यांनी नाडी ग्रंथांच्या या सत्यतेला तत्वतः मान्यता दिली तर आमच्या वैज्ञानिक दृष्टीकोनाचा पायाच निखळून पडतो म्हणून आम्हाला नाडी ग्रंथांच्या अस्तित्वाची दखल घेणे मान्य नाही. ही तर वैज्ञानिक विचारांशी प्रतारणा नव्हे काय? नाही मी मान्य करायला तयार आहे पण सारासारबुद्धीला पटतील असे तर्कशुद्ध explanation मागत आहे.. असे कसे शक्य आहे हे कळण्यासाठीच सगळा खटाटोप... सर्वात basicप्रश्न म्हणजे जुळणारी ताडपट्टी मिळाली की मग ती मला का देऊन का टाकत नाहीत? अथवा किमान पक्षी नष्ट का करत नाहीत? तेवढेच पुढील शोधकार्य सोपे नाही का? नाही म्हणजे १००० ताडपट्ट्यांमधून १ शोधण्यापेक्षा ९९९ मधून १ शोधण्यास कमी वेळ नाही लागणार का? हा आपला आमचा common sense हो .. विज्ञाननिष्ठ कसा विचार करतात हे जाणून घ्यायला आवडेल.

लंबु जी, पहिला आक्षेप 'काहीच्या काहीच' असल्याचे मान्य झाल्याने

लोक पण ना ..कैच्या कैच आक्षेप घेतात.. असो. मान्य त्यात काहीतरी लिहीलेले असते.

पुढील आक्षेपांना तुम्ही सकारात्मकपणे पहायला तयार आहात असे वाटून लिहितो. आक्षेप दुसरा व तिसरा -

कसे काय बॉ? नाही म्हणजे मी कोण्या अगम्य लिपीतला मजकूर मराठीत लिहीला आणि सांगितले की ती अगम्य लिपी म्हणजे मोडी भाषा आहे तर मान्य कराल का? आणि मी अगदी यथायोग्य भाषांतर केले आहे कशावरून?

उत्तर - जरी कोणी अगम्य लिपीत - समजा मोडीत मजकूर लिहिलेला आहे असे म्हटले तर ज्याला मोडी भाषा येते अशा तज्ज्ञ व्यक्ती कडून त्या लिपीची फोड करून काय लिहिलेले आहे याचा साक्षमोक्ष लावता येतो. तसाच हैयोंनी कूटतमिळलिपीचा अभ्यास करून त्यातील मजकुराचा अर्थ शोधला आहे. उरला प्रश्न त्या मजकुराचा तपशील कशाशी पडताळायचा - त्या मजकुराचे भाषांतर यथायोग्य आहे की नाही याची परीक्षा करायला ज्या व्यक्तीची ती पट्टी आहे असे सांगितले जाते त्याने ती माहिती अचुक आहे की नाही ते सांगितले तर ते कुटलिपीचे कोडे सहजी सुटते. चौथा आक्षेप -

नाडी केंद्रात photo काढू देत नाहीत आणि voice\ video recording सुद्धा करू देत नाहीत?

उत्तर - होय. ते फोटो काढून देत नाहीत. कारण त्यांना जर वाटले की तसे फोटो काढणारे त्यांची अपकीर्ती करायला कारणीभूत होईल तर ते का देतील? समजा कोणी तुमच्या घरी जाऊन तुमची यथेच्च निंदा करायला आम्ही आलोय असे सांगितल्यावर तुम्ही त्यांना फोटो काढायला द्याल काय? माझ्याशी वाद घालायला तुम्ही हो देखील म्हणाल पण सामान्यतः आपण राजी होणार नाही. पण याचा अर्थ ते कोणालाच फोटो काढून देत नाहीत असा होत नाही जर त्यांची खात्री झाली तर ते आनंदाने फोटो काढू देतात. नव्हे आपल्या खर्चाने फोटोग्राफरची सोयही करतात. असे अनुभवायला मिळते. उरला प्रश्न टेप रेकॉर्डींग करायचा. ते स्वतः जर सर्व नाडी पट्टीतील मजकुराचे भाषांतर आपणहून टेपकरून देत असतील तर ग्राहकाने आपल्या बाजूने ते चोरून करायची गरज नसते. तरीही कोणी आम्हाला अगदी पहिली नाडी पट्टी वाचायला लागल्यापासून टेप करायचे आहे असे सांगून केले तर त्याला ते नाही म्हणणार नाहीत. आक्षेप पाचवा-

नाही. मी मान्य करायला तयार आहे पण सारासारबुद्धीला पटतील असे तर्कशुद्ध explanation मागत आहे.. असे कसे शक्य आहे हे कळण्यासाठीच सगळा खटाटोप...

उत्तर - सारासार बुद्धीच्या पलिकडे नाडी ग्रंथांचे सत्य आहे असे पटले तर आपण मान्य करायला तयार आहात म्हणून मी उत्तर देण्याच्या भरीला पडलो. उरला प्रश्न तर्कशुद्धतेचा - नाडीपट्टीतील लेखन हे खरोखरच त्या त्या व्यक्तीला लागू पडते कि नाही ही तर्कशुद्धतेची कसोटी आहे असे मानावे लागेल. ती जर कोणी करायला तयार नसेल तर मी काय करणार तुम्ही करायला तयार आहात. मी तशा कसोट्या करून बसलोय. पण मी त्याबाबत बोलू इच्छित नाही कारण ज्याने त्याने आपली नाडी पट्टी पाहिल्याशिवाय त्याचा विश्वास बसणे शक्य नाही असा माझा अनुभव आहे. असे म्हणणारे अनेक आहेत की ओक तुमचे अनुभव असतील लाख पण मला नाडी ग्रंथांचा जोवर अनुभव येत नाही तोवर मी ते थोतांड मानणार. म्हणून मी ज्याचा त्याने अनुभव घ्यावा असे वारंवार म्हणतो. गणिताने वा तर्काने इतक्या नाडी पट्या लिहिणे, त्यांना साठवण करायला लागणारी जागा उपलब्ध असणे शक्य नाही आदि तर्क म्हणून बरोबर आहेत पण नाडी ग्रंथांच्या सत्यते पुढे ते फिके पडतात.असा अनुभव आहे. तो आपण घेणार काय असा प्रश्न आहे.

>>>>>>>>असे म्हणणारे अनेक आहेत की ओक तुमचे अनुभव असतील लाख पण मला नाडी ग्रंथांचा जोवर अनुभव येत नाही तोवर मी ते थोतांड मानणार. म्हणून मी ज्याचा त्याने अनुभव घ्यावा असे वारंवार म्हणतो. हे नाडीग्रंथ प्रकरण नवीनच आहे. पण तरीही ओक यांनी दिलेली माहिती वाचुन आपली नाडी पट्टी पहावी असे वाटायला लागलेय. पण ती खात्री करायला काय करावे लागेल? काही फी वगैरे पडेल काय? खरं सांगायचं तर फुकटात काम होणार असेल तरच करावं असा विचार आहे.