कल्याण-डोंबिवली महापालिका निवडणूक कोण जिंकणार ?

कल्याण-डोंबिवली मध्ये निवड्णुकीच्या निमित्ताने नुसती धूमशान उडाली आहे. गेल्या दोन दिवसांपासून नाक्यानाक्यावर पक्ष कार्यकर्ते आणि पांढर्‍या कपड्यांमधले उमेदवार, जागोजाग चालू असणारे पैशांचे वाटप आणि राडेबाजी यांना उत आला आहे. कल्याण डोंबिवली महापालिकेच्या निवडणुकीला इतक्या मोठ्या प्रमाणावर महत्व आलेले पहिल्यांदीच पाहात आहे. ठाकरे विरुद्ध ठाकरे यांच्यातला लढतीमुळे ही निवडणूक प्रतिष्ठेची झालीच आहे आणि शिवाय वर्षभरानंतर होणारी मुंबई महापालिका आणि दीड वर्षानंतर होणारी ठाणे महापालिका निवडणूक असल्यामुळे आजची निवड्णूक ही सेमीफायनल असल्याचे बोलले जात आहे. रा.रा. श्रीमान राजसाहेब ठाकरे यांनी या निवडणुकीसाठी कंबर कसली आहे. निवडणुकीआधी सात-आठ दिवस त्यांचा डोंबिवलीतच मुक्काम होता. त्यामुळे शिवसेना-भाजपच्या गडाला यावेळी खिंडार पडणार हे निश्चित. गेल्या पंधरा वर्षांमध्ये शिवसेना-भाजपा युतीने या शहरद्वयीचे ज्या पद्धतीने भजे केले आहे ते पाहून लोकांचे पित्त खवळले आहे आणि त्यामुळे त्यांचे पारंपरिक मतदार या खेपेला त्यांना दगा देणार याबद्दल मला तरी शंका वाटत नाही. म.न.से. ची स्थानिक स्वराज्य संस्थेची ही पहिलीच निवडणूक आहे. त्यामुळे जर मनसे सत्तेवर आली तर या शहराच्या स्थितीत फरक पडेल अशी आशा वाटते. कारण वारंवार या शहराचा मी कसा कायापालट करुन दाखवला ते पाहा, मी मॅजिशियन आहे असे सांगून मुंबई महापालिका आणि ठा. महापालिका निवड्णुकीत ते मतांचा जोगवा माङणार हे निश्चित. ते काही का असेना डोंबिवलीतले लोक आता इतके मेटाकुटीला आले आहेत की हेतू काहीही असो लोकांना बदल हवा आहे.

अतिशिवाजी प्रतिशिवाजी अफझलखान या शब्दप्रयोगांमुळे काही जणांच्या भावना दुखावल्या गेल्या आहेत असं दिसतंय. संपादक मंडळाला मी विनंती करतो की हे शब्द त्यांनी संपादित करावेत. बाकी स्वतःच काढलेला कौल स्वतःलाचा संपादित करता येत नाही याचे कारण काय आहे?