Skip to main content

उडीद-मुगाचे लाडू

लेखक मितान
Published on बुधवार, 13/10/2010
हिवाळा सुरू झाला की वेगवेगळे लाडू आठवायला लागतात. त्यातले माझे आवडते लाडू उडीद आणि मुगाच्या डाळीचा लाडू. त्याची ही पाकृ. सामग्री - १ वाटी मुगाची डाळ १ वाटी उडीद डाळ १ वाटी तूप १ वाटी पिठी साखर आवडेल तेवढी वेलची पूड, जायफळ वगैरे आवडत असल्यास आणि तब्येतीला परवडत असल्यास मूठभर बदाम, काजू वगैरे कृती - मुगाची डाळ आणि उडीद डाळ लाल गुलाबी रंगाची होईपर्यंत खमंग भाजून घ्या. थोडी गार झाली की मिक्सरवर रवाळ दळून घ्या. एका नॉनस्टिक कढईत तूप गरम करा. त्यात डाळींचे पीठ घाला. अजुन थोडा गडद रंग येईपर्यंत भाजून घ्या. खमंग भाजले की गॅस बंद करून पिठीसाखर आणि वेलची जायफळ मिसळा. सुकामेवा घाला. मिश्रण थोडे गार झाले की लाडू वळा. टिप्स : हे लाडू जास्त केले तर बरेच दिवस टिकतात ;) मुगाची आणि उडदाची डाळ सालींसकट वापरू शकता. पण मग डाळ भाजली गेली की नाही ते लवकर कळत नाही म्हणून मी तो धोका पत्करत नाही. हे घ्या लाडू..... ladoo अजून पाहिजे? ladoo
याद्या 9132
प्रतिक्रिया 25

प्रतिक्रिया

तर्री बुधवार, 13/10/2010
जळवा अजून.खालच्या कढईतले मोजले ! २३ आहेत अगदी एक वेळी नही पण दिवसभराचाच ऐवज !!!

कौशी बुधवार, 13/10/2010
खुप छान ....करून बघते. साखरेचा पाक करून पण जमेल का हेच लाडू????

असुर बुधवार, 13/10/2010
+१. अगदी सहमत! तू घेऊन ये नक्की, पण लाडवाचा डबा (लाडूंसहीत) माझ्याकडे दे. मेव्या, तू वाटच बघ! :-) काय आहे, तू मेव्याला जर डबा दिलास तर बाकी कुणालाही काहीही देणार नाही! त्याचा मूड असेल तर रिकामा डबा परत देईल, नायतर तो पण गेलाच! त्यापेक्षा, हा सगळा ऐवज माझ्याकडे दे, मी डबा परत करेन असं वाटतंय आत्ता मला. डब्याची काळजी करु नकोस आजिबात, पण लाडू आण नक्की! अगदी डबा गेलाच तरी पुष्का देईल तुला एखादा! --असुर

मितान बुधवार, 13/10/2010
हे लाडू मी लंडन कट्ट्यासाठी केले आहेत असे मी कुठेही आणि कधीही म्हणाले नाही. कृपया गैरसमज नसावा. :)) सेरेपी आणि चुचु मला गोल लाडू करता येत नाहीत. म्हणून मी नेहमी असे चपटेच करते. बाकी लाडू गोलच करावे असा नियम नाही. मी तर पोळी पण गोल करत नाही ! ;)

असुर बुधवार, 13/10/2010
हे लाडू आपल्या कट्ट्यासाठी नैच्चेत हे आमालापन म्हैती है! त्यामुळे कुणाचाही गैरसमज होणार नाही याची जबाबदारी मी घेतो, तू लाडू आणायची जबाबदारी घे. नव्याने लाडू करणं म्हणजे तुझ्या हातचा मळ! हाकानाका! फटू लावलाय तसे होतील असे पहा. ते फटूतले लाडू लैच कातील आहेत. तुला इतकं सोप्पं काम सांगितलं म्हणून बाकीचे चिडतील माझ्यावर, पण ठीक आहे. तेव्हढं म्यानेज करीन मी! :-) --असुर

पर्नल नेने मराठे बुधवार, 13/10/2010
लाडु बसलेत कि त्यांना पेढ्याचा आकार दिला आहे. पॉश्टीक लाडु वावा !!! पोश्तिक पोउश्तिक मरोस !!!

गणपा बुधवार, 13/10/2010
लाडु बसलेत कि
अंहह कदाचीत चुकुन कुणी तरी लाडवांवरच बसल असाव ;)
पॉश्टीक लाडु वावा !!! पोश्तिक पोउश्तिक मरोस !!!
हा धागा उघडायच्या आधी शरदिनी तैंची कविता वाचलीस की काय :? आवांतरः मितान लाडु बेष्ट. आपल्याला आकाराशी कसलही देण घेण नाय. बेसन म्हटल की जीव खुळा होतो. :)

मितान बुधवार, 13/10/2010
गणपा भौ ! तुझ्या डोक्यावर कोणीतरी बसलंय ! मी लाडू केलेत उडीद मुगाचे नि तू म्हणे बेसन म्हटल की जीव खुळा होतो. ! =))

गणपा बुधवार, 13/10/2010
=)) हा हा हा अग ते पिवळे धम्म्म्म्मक लाडु पाहुन एकदम मागे मी केलेल्या (फसलेल्या) बेसन लाडवांची (पेढ्यांची) आठवण मनातुन काही जाईना. त्यामुळे टंकताना चुक झाली. एक डाव माफीद्या पामराला :( अंतरात्मा की आवाझः वाच वाच अजुन ती भरमाध्यान्हीच्या सान्ताक्लॉजचे प्रियाराधन

३_१४ विक्षिप्त अदिती बुधवार, 13/10/2010
हे लाडू जास्त केले तर बरेच दिवस टिकतात
=)) =)) बाकी कंपूबाजांनी धागा आधीच हायजॅक केल्यामुळे 'चान चान' म्हणते आहे.

चिंतामणी बुधवार, 13/10/2010
आवडत असल्यास आणि तब्येतीला परवडत असल्यास मूठभर बदाम, काजू वगैरे :D हे वाक्य सगळ्यात जास्त आवडले. (बाकी कोणाला उद्देशुन आहे याचा खुलासा केल्यास जास्त आवडेल.) ;) [ विक्षिप्त अदितीशी सहमत असलो तरी एक वाक्य जास्तच टाकले आहे.]

गणपा बुधवार, 13/10/2010
मितान एक सुचवावस वाटत. पिठी साखरे ऐवजी जी (एकदम ) बारीक साखर मिळते ना ती वापरुन पहा. लाडू खाताना दाताखाली जे बारीक बारीक साखरेचे कण येतात ना त्याने लज्जत वाढते असा स्वानुभव आहे. :)