Skip to main content

हडळ जागी भूत जागे

लेखक केशवसुमार यांनी शुक्रवार, 08/10/2010 10:41 या दिवशी प्रकाशित केले.

आमच्या संगीत तबकडीवर खेबूडकरांचे चंद्र आहे साक्षिला वाजत होते आणि आम्ही मिपावर प्रियालीताईंचे भयंकर, भेसूर आणि अमानवी काव्य वाचायला सुरवात केली .. आणि पान जागे फूल जागे च्या ऐवजी भलतेच काही गुणगुणायला लागलो..

हडळ जागी भूत जागे, खविस सुद्धा जागला,
प्रेत आहे साक्षिला, प्रेत आहे साक्षिला

लाकडांचा गंध आला, पौर्णिमेच्या रात्रिला,
प्रेत आहे साक्षिला, प्रेत आहे साक्षिला!

कफन हे रेशमी, सुतळकाथ्या बोचतो
सूर हा, ताल हा, धूप थोडा लावतो
तेरड्यांच्या या फुलांनी, देह आहे झाकिला!

कावरा, बावरा, हा कुणाचा आतमा
अंग ना सोडिसी, हो जीवाचा खातमा
आज मुक्तीच्या भयाने, देह त्याचा कंपिला!

काव्यरस
भयानक
लेखनविषय:
वाचने 9612
प्रतिक्रिया 41

प्रतिक्रिया

बिपिन कार्यकर्ते शुक्रवार, 08/10/2010 10:45

_/\_ _/\_ _/\_ _/\_ _/\_
_/\_ _/\_ _/\_ _/\_
_/\_ _/\_ _/\_
_/\_ _/\_
_/\_
_/\_ _/\_
_/\_ _/\_ _/\_
_/\_ _/\_ _/\_ _/\_
_/\_ _/\_ _/\_ _/\_ _/\_

३_१४ विक्षिप्त अदिती शुक्रवार, 08/10/2010 11:02

मुंजोबाला कसली भिती?

वेताळाची!

संदर्भासाठी खरडवह्यांचा अभ्यास करणे

श्रावण मोडक शुक्रवार, 08/10/2010 11:06

बारंबाराच्यांकडे जाताना भीती वाटतेच बाराच्या मुंज्याला! ;)

नितिन थत्ते शुक्रवार, 08/10/2010 10:54

मस्त.

हेच राहिले होते.

एक सूचना:

'सूर हा ताल हा' ऐवजी 'धूर हा वास हा, धूप थोडा लावतो' कसे वाटते?

केशवसुमार शुक्रवार, 08/10/2010 11:01

थत्तेशेठ,
'धूर हा वास हा, धूप थोडा लावतो' असेच काहीसे अधी सुचले होते.. पण रडण्याचा / भजनांचा सूर ताल आणि धूप असे करावे वाटले..
(पर्यायी)केशवसुमार
प्रतिसाद आणि सुचवणी बद्दल धन्यवाद..
(आभारी)केशवसुमार

चेतन शुक्रवार, 08/10/2010 11:19

गुर्जी मस्त जमलयं

अवांतरः नशिब या विडंबनात स्वतःची स्वाक्षरी नाही टाकली ;)

परिकथेतील राजकुमार शुक्रवार, 08/10/2010 11:26

'कावरा, बावरा, हा केसुचा आतमा' असेपण चालुन गेले असते ;)

अवांतर :- थत्ते चाचांना शेठ म्हणल्याबद्दल ह्या बालदिनी तुम्हाला गुलाबाचे काटे फेकुन मारण्यात येतील.

केशवसुमार शुक्रवार, 08/10/2010 15:59

पराचाचा नेक्स्ट टाईंबला लक्षात ठेवेन..
'कावरा, बावरा," केशवा"चा आतमा'

पैसा शुक्रवार, 08/10/2010 14:22

राम राम राम
राम राम राम राम
राम राम राम राम राम राम
(रामाचं नाव घेतलं की भुतं शांत होतात असं लहान असताना कोणीतरी सांगितलं होतं..)

प्रियाली शुक्रवार, 08/10/2010 17:49

रामाचं नाव घेतलं की भुतं शांत होतात असं लहान असताना कोणीतरी सांगितलं होतं.

हो कारण रामरामराम म्हणत राहीलं की मरामरामराही होतं. भुतं शांत होतील नाहीतर काय?

पैसा शुक्रवार, 08/10/2010 17:57

सर्वपित्रीला मरा.. मरा.. हेच बरोबर!

शिवाय रामाचं नाव घेतलं तर दुसरीच भुतं मानगुटीला बसतील!

परिकथेतील राजकुमार शुक्रवार, 08/10/2010 18:21

रामाचं नाव घेतलं की भुतं शांत होतात असं लहान असताना कोणीतरी सांगितलं होतं..

तुम्ही लहान असताना , का सांगणारा लहान असताना ?

पैसा शुक्रवार, 08/10/2010 21:12

अवसेला आला परा,
वाजवत दात कराकरा || धृ||

खरं तर हे आताच वाचलं होतं त्यामुळे तुमचं नाव बघताच माझी भीतीने गाळण उडाली होती!

(घाबरट)

प्रियाली शुक्रवार, 08/10/2010 17:11

काय भयंकर लोक आहेत एकेक आणि बिचार्‍या भुतांना भयानक म्हणतात.

बेसनलाडू शुक्रवार, 08/10/2010 21:15

(नतमस्तक)बेसनलाडू
या कवितेला प्रियालीताईंकडून निर्विवाद पहिले पारितोषिक मिळावे.
(परीक्षक)बेसनलाडू

प्रियाली शनिवार, 09/10/2010 00:46

केसुंचे आजचे विडंबन वाचून त्यांचे एक जुने अमर काव्य आठवले.

पिश्याच दिसे बाई पिश्याच दिसे

या काव्यानंतर अनेकजण त्यांचे जबरदस्त फ्यान झाले असे आठवते.

केशवसुमार शनिवार, 09/10/2010 08:38

हे विसरलोच होतो..धन्यवाद प्रियालीताई..
(विसराळू)केशवसुमार..
मस्त धमाल आली तेव्हा

केशवसुमार शनिवार, 09/10/2010 17:14

प्रतिसाद दिलेल्या आणि प्रतिसाद न दिलेल्या सर्व वाचकांचे मनापासून आभार!
(आभारी)केशवसुमार.