रोबो भेटला बाळासाहेबांना.

रजनीकांत उर्फ शिवाजी गायकवाडेने आज शिवसेनाप्रमुख बाळासाहेब ठाकरे यांची सदिच्छा भेट घेतली. 'मातोश्री'वर शिवसेना कार्याध्यक्ष उद्धव ठाकरे यांनी 'महाराष्ट्र देशा' हा फोटो अल्बम रजनीकांतला भेट दिला. शिवसेनाप्रमुखांना भेटताच तो भारावून गेला. यापूर्वीही तो शिवसेनाप्रमुखांना भेटला होता. त्यामुळे आज पुन्हा त्यांची भेट झाल्यानंतर रजनीकांतच्या चेहऱ्यावर आनंद पसरला होता. त्याचा तो आनंद पत्रकारांशी गप्पा मारताना दिसून येत होता. मूळचा मराठी असलेल्या रजनीकांतचा मराठी बाणा अचानक उफाळून आला आणि त्याने आपणास मराठी चित्रपटात काम करायचे आहे, अशी इच्छा व्यक्त केली. शिवाय असंख्य मुंबईकरांचे आभार मानले. आपण मराठी-तमीळ माणूस आहोत. आपण भारताचे-महाराष्ट्राचे-मुंबईचे सुपुत्र आहोत, अशा प्रकारचा संवाद त्याने मराठी भाषेत साधला. शिवसेनाप्रमुख माझ्यासाठी देवतुल्य आहेत. ज्यांना आपण आदर्श मानतो, अशा व्यक्तींपैकी ते आहेत, असेही रजनीकांत म्हणाला. ही बातमी येथे सविस्तर वाचा. http://www.esakal.com/esakal/20101005/5465582249772690928.htm