राष्ट्रकूल स्पर्धेच्या चालू असलेल्या गोंधळाला जबाबदार म्हणून + राजकीय बळी कुणाचा जाणार?

कौल घेताना अधिक लिहीता येत नसल्याने थोडे स्पष्टीकरणः राष्ट्रकूल स्पर्धेच्या संदर्भात जो गोंधळ झाला आहे. त्याला माझ्या लेखी केवळ राजकारणीच जबाबदार नसून बाबू, डीपिडब्ल्यूचे इंजिनियर्स, कंत्राटदार पण जबाबदार आहेत. पैसे खाल्ले यात नवल नाही, पण इतके गचाळ काम करून विधीनिषेधशून्य कसले विधीनिषेध-मायनस-शंभर वृत्ती दाखवली आहे... तरी देखील शेवटी जबाबदार हे भ्रष्टराज्यकर्तेच ठरतात कारण अर्थातच राजा कालस्य कारणम (आणि त्या अर्थाने जनता देखील कारण ही लोकशाही आहे). तर अशा या जनतेच्या प्रतिनिधींपैकी, आपल्या सगळ्यांचे नावडते मा. सुरेश कलमाडी यांचे नाव सतत येत असले तरी तटस्थपणे विचार करता, केवळ तेच जबाबदार वाटत नाहीत, तर ज्यांच्या हातात प्रत्यक्ष सत्ता आहे ज्यातून कंत्राटे देणे, लक्ष घालणे, बजेटींग वगैरे झाले ते देखील आहेत... यात अर्थातच शीला दिक्षित, जयपाल रेड्डी आणि मागे राहून किडा (क्रिडा नाही) करणारे दुसरे नावडते मणीशंकर अय्यर देखील आहेत.... पण अर्थात हे राजकारण आहे. त्यामुळे कोणी तरी ते खेळण्यात यशस्वी होणार आणि कोणीतरी बळीचा बकरा... म्हणून हा कौल.