रावण पिठले......झणझणित.....

साहित्य : १ वाटी साधारण मध्यम आकारात चिरलेला कांदा / पात १ वाटी तेल १ वाटी तिखट (कोल्हापुरी मसाला वाले तिखट (कांदा लसुण मसाला तिखट) असेल तर उत्तम १ वाटी डाळिचे पीठ २ वाट्या गरम पाणी (कांदा चिरताना पाणी तापवायला ठेवावे..म्हणजे ऐन वेळी उकळते मिळेल) कोथिंबीर १ वाटी फोडणीचे साहित्य मीठ : चवीपुरते (नाहीतर बाकी सगळं १ वाटी आहे म्हणुन.. हे पण वाटीभर नाही....एका काकुंनी मला फोन वर रेसिपी विचारली होती.त्यांना मी मोघमात सांगायला गेले..कि सगळ १ वाटी घ्या...त्यांनी हा प्रश्न विचारला होता म्हणुन सांगते आहे) क्रूती : तेल मस्त तापवा...त्यात मोहरी + जिरे तडतडवा. थोडासा हिंग घाला...त्यानंतर कांदा घालुन थोडा वेळ परतत रहा.. कांदा थोडा गुलाबी झाला कि त्यामध्ये तिखट घाला.....खमंग वास सुटला कि गरम पाणी घाला. पाण्याला मस्त उकळी आल्यावर चविपुरते मीठ घाला. आणि उकळ्त्या पाण्याच्या उकळीवर ५ बोटानी पीठ भुरभुरायला सुरुवात करा.. मध्ये मधे पळीने किंवा उलथन्याने हलवा. सगळे वाटी भर पीठ अशा रितीने संपले कि मग व्यवस्थित हलवुन झाकण ठेवा....१-२ दणदणित वाफा येउ द्या. आचेवरून खाली उतरवा आणि मस्त १ वाटी कोथिंबीर घालुन हलवा.. हे रावण पिठले टम्म फुगलेली भाकरी / तव्यावरुन काढ्लेली चपाती + मस्त दाट सायीचे दही + आणि कांदा सोबत खा....... झणझणित्...खमंग्.....लागते महत्वाची सुचना..: १) तिखटाचे प्रमाण जास्त आहे..स्वतःच्या रिस्क वर खाणे. सवयीचा भाग आहे.. २) आप्ल्या सोयी /तब्येती /चवीनुसार तिखटाचे प्रमाण हवे तितके कमी करु शकता. ३) पाणी सुद्धा आपल्याला पातळ आवडत असेल तर वाढ्वू शकता...पण असे घट्टसरच मस्त लागते. ३) शक्यतो वीकेंड ला करा. म्हणजे दुसरा दिवस हातात अस्तो.