डावा स्टँड....मॅच सुरु आहे ..तेवढ्यात "ए ***" अशी शिव्यांची लाखोली ऐकु आली की समजायचे .. पी टी एम ची मॅच सुरु आहे ..आणि रणवीर ने किंवा कार्लोस ने एखादा साधा पास सोडलेला आहे ...शिव्या देणारा पण अगदी स्टँड कडेला येऊन शिव्या देणार.. आणि तो ६ वर्षाचा पोरगा असो वा ८५ वर्षाचा म्हातारा ..त्याला तो खेळाडु सॉरी म्हणुन मगच पुढे जाणार ....... वरचा स्टँड ,मध्यभाग... हा भाग फुल्ल असला की समजायचे आजची मॅच दिलबहारची ..जीव तोडुन खेळावे तर त्यांच्यासारखे .. न खेळुन सांगतो कोणाला .. तालमीत रहायचे आहे ना .. मग कधी त्यासाठी तिथेच कोंबड्याचा नवैद्य दाखवावा लागला तरी बेहत्तर,पण मॅच जिंकलीच पाहिजे ... व्ही . आय पी . स्टँड मधुन 'कमॉन रीची सर' अशी आरोळी आली की समजायचे ,जयभवानीची मॅच सुरु आहे आणि रीची फर्नांडिस एकटाच बॉल घेऊन गोल पोस्ट कडे येत आहे .. अशा वेळी गोलीने फक्त बघत बसायचे असते.. कारण गोल होणार हे फिक्स असते .. आणि अर्थातच स्टँड मधुन आवाज देणारी व्यक्ती ही राजघराण्यातली असते .. कारण जयभवानी हा त्यांचा संघ .. कैलास पाटील ..पांढर्‍या काळ्या जर्सीला लोक घाबरायचे ते याच्या मुळे .. साल्याकडे बॉल गेला की विषय संपला ..हा असा काही पळतो की बाकीचे डीफेंडर पोहोचेपर्यंत हा गोलपोस्ट पशी गेलेला असतो ..आणि सामना वन टु वन असा असतो ..प्रॅक्टीस क्लबचा चेला कैलास ..कैलास म्हणजे क्लब आणि क्लब म्हणजे कैलास ... शिवाजी तरुण मंडळ अर्थात फक्त "मंडळ" .अख्या शिवाजी पेठेचा प्रतिनिधी .. तुम्ही काहीही करा .. यांच्या टीम मध्ये एक पण परदेशी खेळाडु दिसणार नाही .. बाकीचे संघ कितीही खेळाडु आणु दे .यांच्या टीम मध्ये सगळे पेठेतलेच .त्यामुळे अर्थातच मुर्तिमंत जिद्द .. टीम मधले टॉपचे हिरे पुण्याला गेल्यावर यांचे होणार कसे असे प्रत्येकाला वाटत होते .पण नाही ,ते लढतात ,आजही ..तिरंगा अंगावर घेऊन ...आणि तेव्हा अखिल अबाल वृद्धांच्या तोंडातुन घुमत असतो एकच आवाज ....मंडळ ,मंडळ .. जरा कुठे बाहेर फिरायला गेलो आणि प्रचंड मोठ्या आवाजात डॉल्बी ऐकु आला की समजायचे आजची मॅच खंडोबाची ..प्युअर प्रोफेशनल्स .. गेम कसा असतो हे शिकावे तर यांच्याकडुनच ..कागदावरच यानी निम्मी लढाई जिंकलेली असती .... कितीही स्पर्धा होऊ देत .. बेस्ट गोलकीपर हा किताब राखीव .. कारण विन्यादा( विनायक चव्हाण ) ला तो मिळणार हे २०० % फिक्स .. कारण तो समोर दिसला की फॉर्वर्ड निम्मा घाबरलाच म्हणुन समजायचं .. हल्ली पी टी एम बी ला साथ मिळावी म्हणुन अशा दुय्यम संघातुन खेळतो . पण गोली असावा तर असा . हेच इथले कान ,मेस्सी ,रोनाल्डो , क्लोज .. आणि या टीम ह्याच इथल्या ब्राझील , जर्मनी ,अर्जेंटिना आणि स्पेन .. सगळे जशाच तसे .. मॅच सुरु झाल्यावर अवघ्या दहाव्या मिनिटाला माईक वरुन आवाज येतो - *** या टीम कडुन पहिला गोल मारणार्‍याला XYZ यांच्या कडुन १००० रु चे बक्षीस .. तेवढ्यात दुसरा कोणी उठतो ...प्रतिस्पर्धी टीम कडुन गोल मारणार्‍याला ५००० रु... जागेवरुन शिव्या देणारा , पण खिशात असतील ,नसतील तेवढ्या रुपयाचे बक्षीस लावणारा इथला प्रेक्षक ...... फक्त ७० रु मिळत असताना अर्धी रजा टाकुन बरोब्बर ३ -३० ला हजर असणारा .. एखादा जरी डीसीजन चुकला तरी काही खरे नाही हे माहित असणारा आणि म्हणुन तर नेहमी गॅस वर असणारा आणि तरीही मोठ्या पगाराची नोकरी असुनही मैदानावर उतरणारा इथला रेफरी .. ३०, ००० लोक बसु शकतील ,आणि प्रत्येकाला मॅच नीट दिसेल आणि त्यांच्या शिव्यासुद्धा नीट पोहोचतील ,आणि मॅच सुरु असताना लावलेले फटाके तर उडतील पण त्यांचा त्रास खेळाडु व प्रेक्षकाना होणार नाही असे इथले स्टेडियम.. आणि ज्याला प्रत्यक्ष ई एस पी एन आणि स्टार स्पोर्टस स्पॉन्सर करते अशा इथल्या स्पर्धा .. अर्थात महासंग्राम .. द बिगेस्ट टुर्नामेंट इन महाराष्ट्र ... अवघ्या फेसबुक ला वेड लावणार्‍या इथल्या जाहिराती ... भल्या भल्या चीअर लीडर्स ना गारद करतील असे इथले चीअर लीडर्स .. खुनस्स .हणामारी पर्यंत जाणारी .. दिलबहार - पी टी एम , दिलबहार - खंडोबा , मंडळ - दिलबहार ... पोरगा घरी धडधाकट पणे परत येतो ना याचीच घरातल्याना भिती .. नसानसात असते ती फ्क्त जीद्द ,ईर्षा , जोष .. इथे एखादा नगरसेवक सुद्धा सहज पायात स्टड घालुन मॅच ला उतरतो .. आणि इथला प्रेक्षक त्यालाही शिव्या घालायला कमी करत नाही .. बर्‍याचदा तर खेळाडुतसुद्धा हमरातुमरी होते ,भांडण तर नेहमीचेच .. कारण हा खेळ हा त्यांचा जीव की प्राण .. इ ईथे एखादा ६ वर्षाचा पोरगा सहजपणे एखाद्या टीम बरोबर प्रॅक्टीस करत असतो .स्टड जड असले तरी घालत असतो आणि वयाच्या अवघ्या १३ -१४ व्या वर्षी राष्ट्रीय स्तरावर जाण्यासाठी बालेवाडीला पोहोचलेला असतो...... जीवनाचे सगळी अंगे इथे दिसतात .. प्तेम ,जिद्द ,निष्टा ,कष्ट , दु:ख ,राग , मत्सर , जिगर .,सारे सारे , खरा खुरा माणुस दिसतो तो इथे ..मॅच हरली म्हणुन न जेवणारा आणि आपली टीम जिंकली म्हणुन फटफटीवर झेंडा घेऊन फिरणारा आणि मित्राना ओली पार्टी देणारा माणुस .. आणि सर्वात महत्त्वाचे म्हणजे इथला जल्लोष .. उघड्या जीप मधुन निघणारी मिरवणुक ..आणि १२ -१२ तास डॉल्बीच्या तालावर आणि खास बनवलेल्या थीम साँगवर नाचणारे कार्यकर्ते ... १२६ संघ ,५००० च्या वर खेळाडु आणि असंख्य पाठीराखे ..सगळेच वेगळे .. कॉमन असतो तो खेळ , अख्ख्या जगाचा खेळ .. हा आहे फुट्बॉल ,कोल्हापुरचा फुटबॉल .................. ( एवढे एक चित्र बास आहे ,नाही का ?) गोल................................ आपलाच , कोल्हापुरकर फुट्बॉलप्रेमी विनायक पाचलग