उपांत्य फेरीचे दावेदार....

श्वास रोखले गेले आहेत... धडधड वाढली आहे... डिफेंडर्सची भिंत उभी आहे... गोलकीपर शेवटच्या क्षणापर्यंत आपले मोहरे योग्य जागी लावतोय... रेफरीची शिट्टी.... आणि संघाचा सर्वोत्तम स्ट्रायकर फ्री किक घेतो... उड्या मारणार्‍या डिफेंडर्सना चुकवून तो जाबुलानी चेंडू एक बाकदार वळण घेत नेटच्या एका कोपर्‍याचा वेध घेत हवा कापत चाललाय.... गोलकीपरनी जिवाच्या आकांतानी तो चेंडू अडवण्यासाठी झेप घेतली आहे.... आणि... ..... आणि???? आणि काय घडणार पुढे?? जिथे एक गोल लाखो लोकांच्या चेहर्‍यावर हसू आणू शकतो आणि लाखोंना निराशेच्या गर्तेत लोटतो.... तिथे फुटबॉल जगतातलं सर्वांत मोठं पारितोषिक "फुटबॉलचा विश्वचषक" मिळवण्यासाठी आता १० (आणि काही तासांतच शेवटचे ८) संघ झुंजतील. उरुग्वे वि. घाना, जर्मनी वि. आर्जेंटीना आणि नेदरलँड्स वि. ब्राझील अश्या लढती अगोदरच मुक्रर झाल्या आहेत. आज स्पेन, पॅराग्वे किंवा जपान पोर्तुगाल ह्यांपैकी दोन संघ उपांत्यपूर्व फेरीत पोचतील. उपांत्य फेरी नंतर संघाच्या बळापेक्षा त्यांचा त्या दिवशीचा खेळच जास्त महत्त्वाचा ठरतो. आणि अश्या दमदार संघांमधून अंतिम फेरीसाठी "आकडा" लावताना ब्रह्मदेव सुद्धा आपल्या चारही डोक्यांनी विचार करेल. तेव्हा आपण सध्या तरी उपांत्य फेरीचा विचार करू. कोण पोहोचेल उपांत्य फेरीत? तुमचे उपांत्य चार फेरीतले संघ कोणते? उरुग्वे की घाना? ब्राझील की नेदरलँड्स? जर्मनी की आर्जेंटीना? पोर्तुगल / स्पेन की पॅराग्वे / जपान? येऊद्या तुमचे अंदाज ! बघुया कोण "गोल" मारतंय !!! जे पी