नमस्कार मंडळी, अनेक मिपाकरांनी कोकणातील फोटो मिपावर टाकले आहेत त्यात माझीही थोडीशी भर. ठिकाणे आहेत गणपतीपुळे आणि आंबोली. गणेश मंदिराचे मिपावर किमान तीन वेगवेगळ्या सदस्यांनी दिलेले फोटो आहेत. पण गणपतीपुळ्याचे फोटो द्यायचे आणि श्रींच्या मंदिराचा फोटो द्यायचा नाही ही कल्पनाच सहन होत नाही म्हणून मी पण तो फोटो देत आहे. गणपतीपुळ्यातील गणेश मंदिर अभिषेक बीच रिसॉर्ट मधील खोलीच्या बाल्कनीतून दिसणारे समुद्राचे दृष्य. अगदी डोळ्यात साठवून ठेवावे असे हे दृष्य आहे. अथांग सागराच्या या एका दर्शनामुळे मी ’गुरगाव’ नावाच्या सिमेंट आणि मॉलच्या जंगलात मी गेले दोन महिने राहत होतो हे क्षणार्धात विसरून गेलो. अभिषेक बीच रिसॉर्ट मधून गणेश मंदिर आणि समुद्राकडे जाणारा रस्ता. गणपतीपुळ्यातील अथांग समुद्र ढगांआडून मावळतीकडे झुकणारा सूर्य समुद्राकडे कितीही वेळ बघत राहिले तरी समाधान होत नाही हॉटेल अभिषेकच्या आवारातील रस्ता आंबोलीतील कावळेसाद पॉईंटकडे जाताना आंबोलीतील कावळेसाद पॉईंट. एकामागोमाग अनेक डोंगर रांगा या ठिकाणी आहेत. कोकणातही ऊसाची लागवड होते हे आंबोलीला गेल्यावरच कळले. निसर्गाने मुक्त हस्ताने केलेली अनेकविध रंगांची उधळण बघून डोळे तृप्त होतात. ग्रीन व्हॅली या एम.टी.डी.सी च्या हॉटेलात अशी कॉटेजेस आहेत. आंबोलीतील शिरगावकर पॉईंटवरून आमच्या हॉटेलच्या बाजूचा परिसर पावसाची चाहूल लागताना कोकण दौऱ्यात थोडेथोडके नव्हे तर तब्बल ६३२ फोटो मी काढले. त्यातील थोडे इथे दिले आहेत. आंबोली हे पाचगणी-महाबळेश्वरपेक्षाही अतिशय सुंदर ठिकाण आहे. दोन्ही ठिकाणे मी बघितली असल्याने मी हे खात्रीने सांगू शकतो. क्लिंटन