(मृगजळ) रेव पार्टीचे गाणे

शैलेंद्र यांची क्षमा मागून,(http://www.misalpav.com/node/12362) ढिनच्याक ढिनच्याक नाचू निरन्तर , हलवू कंबर आपुली आज, जवळ येऊनी , दूर जाऊनी , घेऊ गिरकी झिंग खलास हाडे वाकवुनि विशालकोनी , जनामनाची सोडुन लाज, व्युत्क्रमकोनी बोंबा ठोकू , चरसी सारे त्रिभुवन आज कशी बंधने हलकी झाली , वार्‍यावरती कपडे फिरती, नजरेला ज्या टोचत होत्या , सर्व अचानक गाठी सुटती, नसता गुंता ओढाताण , स्कर्ट पांढरा कृष्ण तुमान , तुला दिसावे मला दिसावे , आज मोकळे सारे रान. नांगर फिरला सार्‍यावरती , अनाम लाठी पार्श्वप्रहार, अस्फुट टाहो कंठी फुटला , खाकी दिसती भुवने चार. तुला कळाले , मला कळाले , आज लागली आपुली खास, अडगळ वेची उरलेसुरले , एक बाटली चार गिलास