राम राम मंडळी. अधिक मास मंजी तीन वर्षामधून एकदा जास्तीचा म्हैना येतो. तेरावा म्हैना. त्यो अधिक मासाचा महिना . या म्हैन्यात देव धर्म-पूजा अर्चा सत्यनारायण असे लय परंपरा पाळल्या जातात. नदीला जावून आंगूळ कराची. या म्हैन्यात पून्य पदरात पाडून घ्याची नुस्ती धावपळ सुरु राहती. पर याच्यात काय नवल नाय. सध्या मजा हाय त्या जावई लोकायची. या म्हैन्यात जावयाला बोलून पुरण पोळ्याचा सैपाक करुन जेवू घालायची परंपरा पडली हाये. जावयाला कपडे, टोपी-टावेल आन सासर्‍याची जशी परिस्थिती आस्सन तस्सं या म्हैन्यात मानपान केल्या जातो. जेवणात धोंडा नावाचा एक मोदकासारखा आयटम बनिल्या जातो. त्याच्यामधी कोणी कोणी सासरे सोन्याची अंगठी बिंगठी देतेत. कोणी जावयाची मस्करी कराची म्हून मीठ, मीर्चीचा बूकटा टाकून ठोते. धोंड्याच्या म्हैन्यात जावयाला दान केल्याने पुण्य मिळते अशी श्रद्धा हाय. या वाढत्या म्हैन्यास शास्तरकारायनी अशुद्ध म्हैना म्हणेल हाये. लग्न, मुंजी, असे शुभ कार्य करू नये. या काळात व्रत दान धर्म कराचे. अधिक महिना आला मंजी वर्षात एक म्हैन्याचा खर्चबी वाढतो. म्हून तर दुष्काळात तेरावा महिना असे म्हणतात. अडाणी लोकं. जग कुठं चाल्लं. अशा गोष्टीसाठी येळ कसा मिळतो. ही सारी थोतांडी हायीत. याच्यामुळे आपली मागासलेली म्हून इमेज बनती. कृपया अशा गोष्टीवर या धाग्यात टैम पास करू नये. ते सारे सोडून लिव्हा. सार्‍या जावयांना या निमित्त आवाहन करण्यात येते की येत्या बुधवारलोक आपापल्या सासर्‍याकडे गोडधोड जेवण करुन येणे. कपडे लत्ते, सोने नाणे, भेटवस्तू दिल्या तर नाकारु नये. सास-यांनीबी पून्य घ्याची संधी सोडू नये. अशी गोडधोड खावून कपडे लत्ते घेऊन आलेल्या जावयाची आपल्याला नम्र इनंती. तव्हा सासर्‍याकडं जाणार का नाय तेवढ मातर इथं लिव्हा. :)