शाळेतला प्रकल्प: पालकांचे काम- मुलांचे नाव

शाळेतला प्रकल्प: पालकांचे काम- मुलांचे नाव आजकाल शाळांत मुलांना वेगवेगळे प्रकल्प करून आणायला सांगतात. लहान मुले हा प्रकल्प पुर्ण करूच शकत नाहीत. मग पालकांना हातातले काम सोडून ते प्रकल्प पुर्ण करावे लागतात. उदा. अंध लोकांसाठी पैसे जमा करणे, खरी कमाई, एखादा सायन्स- विज्ञान प्रदर्शन मधला प्रकल्प, क्राफ्ट, पुठ्याचे घर बनवणे, चित्र काढणे आदी. लहान मुलांना असली न जमणारी कामे ते का देतात ते समजत नाही. शाळेतच चुकीचे का होईना त्या मुलांनच ते प्रकल्प बनवू दिले तर ते जास्त फायदेशीर राहिल. पुन्हा असे सांगाचे वाटते की तो प्रकल्प पुर्ण न झाला तरी हरकत नाही, मुलांनी शाळेत त्यानी स्वत: प्रयत्न करणे महत्वाचे. आपण मदत करतो म्हणजे तो पुर्ण प्रकल्पच पुर्ण करून तो प्रकल्प मुले फक्त शाळेत पोचता करतात. आता माझ्या मुलाला शाळेत 'उन्हाळ्यावरचे चित्र' काढून आणायला लावले होते. तो दुसरीत आहे. तो लहान लहान चित्रे काढू शकतो. जसे:पतंग, एखादे मुक्तहस्त वैगेरे. पण खुप बारकाईचे मोठे चित्र त्याच्या वयाच्या मुलाला मनाने काढणे शक्य नाही. मग त्याने माझ्या मागे लकडा लागून चित्र पुर्ण करवून घेतले. अर्थात त्या चित्राला बर्‍याच ठिकाणी त्यानेच रंगविले. तोच त्याचा सहभाग म्हणावा लागेल. ते चित्र खाली दिले आहे. the summer season मी आधी हे चित्र कंटाळ्यामुळे काढणार नव्हतो. पण नंतर मी ते त्याच्या पुस्तकात बघून काढले. (पहा: मी ही मदत घेवूनच चित्र पुर्ण केले ना.) चला या निमीत्ताने का होईना खुप वर्षांनी मी हातात पेन्सिल घेतली अन जुने दिवस आठवले हे काय कमी आहे का? तुमचा अनुभव काय आहे? तुम्हालाही असला प्रोजेक्ट तुमची मुले देतात काय. जरूर कळवा.