दुधीची थालीपीठं/पराठे

दुधीची थालीपिठं, फार फार तर गेलाबाजार पराठे म्हणा..."नावात काय आहे म्हणा...आपला संबंध फक्त खाण्याशी"...हे हे हे...हे माझं स्वगत, जेव्हा मला सांगण्यात येत होतं की "हे दुधीचं थालीपिठ,पराठा नव्हे..." :D दुधीच्या थालीपिठासाठी घरात असतील तेव्हढी पिठं एक-एक लहान मुठभर घ्यावीत...फक्त गव्हाचं पीठ एक मुठ जास्त घ्यावं...मी गहू, ज्वारी, कळणा, बेसन आणि तांदूळाचं पीठ घेतलं होतं...यात प्रत्येकी १ छोटा चमचा हळद, तिखट, धणे पूड, जीरे पूड, जीरे आणि चिमुट्भर ओवा, साखर, चिरलेली कोथिंबीर,चवीपुरतं मीठ आणि दोन चमचे तेल घालून मिक्स करुन घ्यावे..हे फुड-प्रोसेसर मध्येही करु शकता. एक मध्यम आकाराचा दुधी किसून मस्त पिळून घ्यावा नी उरलेला रस घरातल्या गोंडस व्यक्तिंना द्या...तेव्हढाच उपयोग... :D :)) आता ६-७ लसूण पाकळ्या, १ इंच आलं आणि २ तिखट हिरव्या मिरच्या ठेचून घ्याव्यात आणि वरिल किसलेल्या दुधीत मिक्स करावे...आणि हे मिश्रण पिठांमध्ये टाकून मळून घेणे... हे पराठे लगेचच बनवावे लागतात नाहीतर कणीक पातळ व्हायला सुरुवात होते...त्यासाठी बाजूला एक वाटी गव्हाचे पीठ ठेवावेच... मग पोळपाटावर जरा जाड प्लास्टिकचा तुकडा टाकून त्यावर पीठ लावून पोळी लाटावी आणि तेल सोडून खरपूस भाजून घ्यावी...लोणी वापरले तरी चालेल... वरिल साहीत्यात ८-९ थालीपिठं होतात.... मस्त लोणच्यासोबत, कढीसोबत किंवा आंबट-गोड रायत्यासोबत वाढावी...ही थालीपिठं ३-४ दिवस सहज टिकतात त्यामुळे आम्ही नेहमी भारतवारीसाठी किंवा कुठल्याही वारीसाठी सोबत नेतो... :)