मित्रांनो हे माझे पहिलेच लेखन आहे..काही त्रुटी राहिल्या असल्यास क्षमस्व... २००७ च्या पावसाळ्यात आम्ही चार जण माथेरानला हुंदडायला गेलो होतो..त्यातील काही फोटो आणि त्याचे वर्णन येथे देत आहे... जेव्हा आम्ही तिथे गेलो त्यावेळी ढगफुटी झाल्यासारखा पाउस कोसळत होता..आणि माथेरनची टॉय ट्रेन जून ते नोव्हेंबर बंद असते.. हा पहिला फोटो सह्याद्री एक्सप्रेस मधून खंडाळ्याच्या स्टेशन जवळ काढला आहे... आणि हा फोटो नेरळ स्टेशन जवळचा..!! माथेरानला जाण्यासाठी नेरळला उतरावे लागते..टॉय ट्रेन चालू असताना नेरळ ते माथेरान ट्रेनने जाण्याची मजा घेतलीच पाहिजे...जेव्हा ट्रेन बंद असते तेव्हा नेरळ ते माथेरान शेअर टॅक्सी मिळतात... या ठिकाणा पर्यंत टॅक्सीने जाता येते.. येथून पुढे साधारण ४ कि.मी. मस्त चालत जायचे..चालत जाताना असा निसर्ग कायम आपल्या सोबत असतो... ट्रेनच्या रूळांवरूनच चालत जावे लागते... असा मनमोहक निसर्ग आपल्या बरोबर असल्यामुळे आपण ४ कि.मी.कधी चालत गेलो हे आपल्यालाही कळत नाही.. हे त्या टॉय ट्रेनचे ईंजिन आहे.. आणि हे माथेरान स्टेशन..!! जरी माथेरान मध्ये १२८ पॉईंट असले तरी त्यातले प्रसिद्ध पॉईंट हे आहेत.. हा आहे एको पॉईंट...याच्याविषयी फारसे काही सांगावे लागणार नाही...!! :> हा आहे लुईझ्झा पॉईंट...येथे खूप ऊंच कडा आहे..आणि त्याला तिन्ही बाजूंनी दरी आहे..त्यातून प्रचंड वारा असतो,त्यामुळे एकदम थ्रिलिंग असा अनुभव आहे हा पॉईंट म्हणजे.. हा मलंग पॉईंट..येथे फोटोमध्ये दिसत नाहिये,पण एक मस्त धबधबा आहे..जो कधी-कधी जोरदार वारे असल्यामुळे ऊलटा वरती येत असतो.. असे धबधबे आपल्याला खूप ठिकाणी दिसतात...!!! आणि जंगल सुध्दा अजूनही 'जंगली' आहे... =D> त्याच जंगलात एक जांभळाचे झाड पावसामुळे पडले होते.. ब्रिटिश काळातील कोण्या एका डॉक्टरचा हा बंगला..आता हा 'भूत'बंगला वाटतोय..पण अजूनही शानदार दिसतोय... जावेसे वाटत नव्हते,पण जाताना काढलेला हा शेवटचा फोटो...